خه‌بات: دلێر ئیبراهیم‮ -‬ هەولێر‮
‬فۆتۆ‮: ‬محەمەد ئیسماعیل
شەممە‮ ‬8/12‮/‬2018‮ ‬شاندێكی‮ ‬راگەیاندكاران و رۆژنامەنووسانی‮ ‬بەسڕە كە پێكهاتبوون لە ژمارەیەك لە دەزگا راگەیاندنەكانی‮ ‬بەسڕە،‮ ‬رۆژنامەی‮ ‬خەباتیان بەسەركردەوەو لەلایەن سەرنووسەری‮ ‬خەبات سەلام عەبدوڵڵاو بەڕێوەبەری‮ ‬نووسین دڵشاد مستەفا وەسانی‮ ‬و كارمەندانی‮ ‬رۆژنامەكە پێشوازیان لێكرا‮. ‬شاندەكە بەشەكانی‮ ‬رۆژنامەكەیان بەسەركردەوەو لەنزیكەوە بە ئاستی‮ ‬پێشكەوتنی‮ ‬رۆژنامەی‮ ‬خەبات و شێوازی‮ ‬كاركردنی‮ ‬ئاشنابوون‮.

محەمەد جەواد دەخیلی‮ ‬سەرۆكی‮ ‬شاندەكەو بەرپرسی‮ ‬دەزگاو رۆژنامەی‮ (‬الاضواء‮)‬ی‮ ‬بەسڕە،‮ ‬خۆشحاڵی‮ ‬خۆی‮ ‬دەبڕی‮ ‬بۆ پەیوەندی‮ ‬لەمێژینەی‮ ‬نێوان شاری‮ ‬بەسڕەو گەلی‮ ‬كوردستان‮. ‬ئاماژەی‮ ‬بۆ پێشوازی‮ ‬گەرمی‮ ‬جەماوەری‮ ‬شاری‮ ‬بەسرە لە بارزانی‮ ‬نەمرو هەڤاڵانی‮ ‬كرد لە كاتی‮ ‬گەڕانەوەیان لە رێگەی‮ ‬بەسڕەوە بۆ كوردستان‮. ‬هەروەها دووپاتیكردەوە لە قۆناغە جیاجیاكاندا دۆستایەتی‮ ‬خەڵكی‮ ‬بەسڕەو گەلی‮ ‬كوردستان هەمیشە پتەو بووە،‮ ‬هەروەهاش دەمێنێتەوە‮.‬

لەبەرامبەریشدا سەرنووسەری‮ ‬خەبات خۆشحاڵی‮ ‬خۆی‮ ‬بەم سەردانەی‮ ‬شاندەكەی‮ ‬بەسڕە دەربڕی‮ ‬و هیوای‮ ‬خواست پەیوەندی‮ ‬نێوان هەردوو رۆژنامەی‮ ‬خەبات و‮ (‬الاضواء‮) ‬ی‮ ‬بەسڕە پتەوتر بكرێت،‮ ‬بەتایبەتیش كە رۆژنامەكە بەنیازە لە داهاتوویەكی‮ ‬نزیكدا بەشی‮ ‬كوردی‮ ‬چاپ بكات كە لەسەرتاسەری‮ ‬عێراقی‮ ‬فیدڕاڵدا بڵاودەكرێتەوە‮.‬

شانده‌كه‌ له‌كاتی به‌سه‌ركردنه‌وه‌ی به‌شه‌كانی رۆژنامه‌