مەسرور بارزانی، سەرۆكی حكوومەتی هەرێمی كوردستان، پێشوازیی له خەمیس خەنجەر، سەرۆکی هاوپەیمانیی سیادە کرد و چەند پرسێكی گرنگ تاوتوێ كران.
ئەمڕۆ شەممە 8/2/2025، مەسرور بارزانی، سەرۆكی حكوومەتی هەرێمی كوردستان، پێشوازیی له خەمیس خەنجەر، سەرۆکی هاوپەیمانیی سیادە کرد، لە دیدارەكەدا بیروڕا لەبارەی پرسە هەنووکەییەکان و دۆخی گشتیی عێراق و ناوچەکە و پەیوەندییەکانی هەرێمی کوردستان و حکومەتی فیدراڵ ئاڵوگۆڕ کرا.
جەختیش لە گرنگیی چارەسەرکردنی کێشە و ناکۆکییەکان لە ڕێگەی گفتوگۆ و لە سەر بنەمای دەستوور و ڕێزگرتن لە مافی گشت پێکهاتەکان و پاراستنی ئاسایش و سەقامگیریی عێراق کرایەوە.
