وەزارەتی دارایی و ئابووری حکوومەتی هەرێمی کوردستان، گشتاندنی خەرجی و داهاتی دامو دەزگاکانی حکوومەتی هەرێمی بۆ ساڵی 2025ـی ڕاگەیاند.

دووشەممە، 27ـی کانوونی دووەمی 2025، وەزارەتی دارایی و ئابووری حکوومەتی هەرێمی کوردستان، گشتاندنی دارایی ژمارە 2ـی ساڵی 2025ـی تایبەت بە خەرجی و داهات سەرجەم وەزارەت و دام و دەزگاکانی حکوومەتی هەرێمی کوردستانی بڵاوکردەوە.

گشتاندنەکە پاڵپشت بە فەرمانی سەرۆکایەتی ئەنجوومەنی وەزیرانە، کە بڕیاردراوە بە جێبەجێکدنی 20 خاڵ، لە چوارچێوەی خەرجییەکانی (فیعلی) ساڵی 2024، تاوەکوو پەسەندکردنی بودجەی ساڵی 2025ـی هەرێمی کوردستان.