شاندی حکومەتی هەرێمی کوردستان بۆ گفتوگۆکردن لەبارەی هەناردەکردنەوەی نەوتی هەرێمی کوردستان و چەند پرسێکی دیکەی دارایی گەیشتە بەغدا. 

شاندەکە ئاوات جەناب نووری، وەزیری دارایی و ئابووریی هەرێمی کوردستان سەرۆکایەتی دەکات و لە کەمال محەممەد، وەزیری سامانە سرووشتییەکان بەوەکالەت و دکتۆر ئومێد سەباح، سەرۆکی دیوانی ئەنجوومەنی وەزیران پێکهاتوون و بڕیارە لەگەڵ لایەنە پەیوەندیدارەکانی حکومەتی عێراق چەندین دیدار و کۆبوونەوە ئەنجام بدەن.