رەسوڵ حەمەدەمین
ڤیكتۆرهۆگۆ دەڵێت‮:‬‮ ‬لەگەڵ كردنەوەی‮ ‬دەرگای‮ ‬هەر قوتابخانەیەك دەرگای‮ ‬زیندانێ دادەخرێ‮.‬
پەروەردە‮: ‬ئامرازێكە بۆ بەدیهێنانی‮ ‬داهێنان و ئەفراندن و دۆزینەوەو راڤەكردن و لێكۆڵینەوەو‮ ‬بەرەوپێشبردنی‮ ‬كۆمەڵگە‮.‬
پەروەردە‮:‬‮ ‬كردەیەكی‮ ‬پەروەردەیی‮ ‬و چاككردنی‮ ‬ئاكار و پوختكردنە بە ئامانچی‮ ‬پێگەیشتن و گەشەكردنی‮ ‬منداڵ وفێرخواز بەپێگەیشت و گەشەكردنكی‮ ‬كۆمەڵایەتی‮ ‬دروست و بونیادنانی‮ ‬تاكێكی‮ ‬دروست بۆیە ناتوانرێ رۆڵی‮ ‬پەروەردە لەكۆمەڵگاو لەپرۆسەی‮ ‬خوێندندا نادیدە بگیرێت،‮ ‬چونكە ئاستی‮ ‬وشیاری‮ ‬و هزری‮ ‬و مەعریفی‮ ‬و زانستی‮ ‬خەڵك و بەها ئەخڵاقی‮ ‬وئاینی‮ ‬و كەلتووریی‮ ‬و فەرهەنگیەكانی‮ ‬پەروەردەن كاریگەریان لەسەر بونیادنانی‮ ‬كەسایەتی‮ ‬تاكەكانی‮ ‬كۆمەڵگاهەیە‮. ‬هەربۆیەش لەم رووەوە جیاوازیەكی‮ ‬زۆر لەنێوان كۆمەڵگەكراوە پەروەردەییەكان و كۆمەڵگە داخراوە ناپەروەردەییەكان بەدی‮ ‬دەكرێت،‮ ‬كۆمەڵگە داخراوەكان لەرووی‮ ‬زانستی‮ ‬و مەعریفیەوە زۆر دواكەوتوون و سیستەمی‮ ‬خوێندن تیایدا كۆنباو‮ ‬تقلید‮ ‬یەو بەشێوەیەكی‮ ‬كلاسیكی‮ ‬بەرێوەدەچێت،‮ ‬بەڵام پەروەردە لەكۆمەڵگاكانی‮ ‬كراوەدا لەئاستێكی‮ ‬هەرەبەرز و مۆدێرن دایە و رۆژانە بەدەیان و سەدان داهێنانی‮ ‬زانستی‮ ‬و نوێ بەهۆی‮ ‬ئەو سیستەمەوە دێنە ئاراوە و سیستەم لەسەر بنەما زانستیەكان داڕێژراوە و ساڵانە گۆڕانی‮ ‬ڕیشەیی‮ ‬بەسەر پرۆگرامەكان دێت‮.
‬
لێرەدا دەردەكەوێت بۆمان هەركۆمەڵگایەك بۆچین و توێژ و ئەندام و تاكەكانی‮ ‬خۆی‮ ‬قوتابخانەیەكی‮ ‬گەورەیە بەواتایەكی‮ ‬تر تاكەكان كۆپی‮ ‬پەروەردەی‮ ‬كۆمەڵگایەكانیانن بۆ نمونە‮ : ‬كۆمەڵگای‮ ‬پەروەردە رۆشنبیر و وشیار و زانستپەروەر كەسانی‮ ‬رۆشنبیر و وشیار و زانستپەروەردروست دەكات،‮ ‬بەڵام كۆمەڵگای‮ ‬پەروەردە نارۆشنبیر و نەفام و تەمبەڵ كەسانی‮ ‬ناڕۆشنبیر دروست دەكات‮. ‬بێگومان ژێرخانی‮ ‬پەروەردەیی‮ ‬و زانستی‮ ‬هەرگەل و وڵاتێكیش لەسەر بناغەی‮ ‬سیستەمی‮ ‬خوێندندا بونیادنراوە و ئەگەرسیستەمی‮ ‬خوێندن سیستەمێكی‮ ‬پەروەردەیی‮ ‬نوێ و زانستی‮ ‬و بابەتی‮ ‬واقعی‮ ‬بێت و دەرهاوێشتەی‮ ‬واقیعی‮ ‬كۆمەڵگا و پێداویستیەكانی‮ ‬ژیانی‮ ‬ئەو سەردەمەبێت بێگومان زەمینەیەكی‮ ‬لەبار و گونجاو بۆ تێگەیاندن و پێگەیاندنی‮ ‬نەوەیەكی‮ ‬تەندروست و كەسانێكی‮ ‬زانا و دانا و شارەزا و بلیمەت دەرەخسێنێ و دەبێتە هۆی‮ ‬رزگاركردنی‮ ‬كۆمەڵگە لەچەقبەستووی‮ ‬و بەستەڵەكی‮ ‬هزری‮ ‬و مەعریفی‮ ‬بەڵام،‮ ‬ئەگەڕ‮ ‬سیستەمی‮ ‬پەروەردە سیستەمێكی‮ ‬نارێك و ناتەواو بوو بێ و كەم وكوری‮ ‬تێدابێت و لەسەربنەمای‮ ‬زانستی‮ ‬دانەڕێژرابێت ناتوانێ ببێتە خاڵی‮ ‬وەچەرخان بۆ بەرەوپێشبردنی‮ ‬كۆمەڵگە و دروستكردنی‮ ‬نەوەیەكی‮ ‬تەندروست‮.

‬ئاڵێرەدا حكومەت و میری،‮ ‬لەدارشتنی‮ ‬ستراتیژیەتی‮ ‬بەپەروەردەكردنی‮ ‬كۆمەڵگا بۆ دروستكردنی‮ ‬نەوەیەكی‮ ‬تەندروست بەرپرسیاریەتی‮ ‬گەورەی‮ ‬لەئەستۆدایە،‮ ‬بۆیە چەندە حكومەت بەتەنگ پەروەردە و زانست و مەعریفەوە و خوێندنەوەبێت ئەوەندە كاروانی‮ ‬پەروەردە و زانست و زانیاری‮ ‬بەئاراستەیەكی‮ ‬دروست دادەروات و خوێندن رێچكەی‮ ‬راستەقینەی‮ ‬خۆی‮ ‬وەردەگرێ و توانا هزری‮ ‬و جەستەییەكانی‮ ‬چین و توێژەكانی‮ ‬كۆمەڵگە دەخاتەگەر بۆجوانكردنی‮ ‬دیمەنەكانی‮ ‬شارستانی‮ ‬بەڵام ئەگەر حكومەت بەجددی‮ ‬كارنەكان بۆ زیندووكردنەوە و پایەداركردن و چەسپاندنی‮ ‬سیستەمی‮ ‬پەروەردە ناتوانێ هەنگاوی‮ ‬كرداری‮ ‬بۆ بنەبركردن و نەهێشتنی‮ ‬نەفامی‮ ‬و نەزانین و پاشاگەردانی‮ ‬و دواكەوتوویی‮ ‬بهاوێژێ و رابەرایەتی‮ ‬كۆمەڵگایەكی‮ ‬وشیاربكات و سەروەریی‮ ‬و شكۆمەندی‮ ‬یاساكان و زانست بپارێزێ‮. ‬بۆیە لەم سۆنگەیەوە ناكرێ رۆڵ و پێگەی‮ ‬پەروەردە لەكۆمەڵگا لەبەرچاو نەگیرێت و فەرامۆش بكرێت بەڵكۆ پێویستە كار بۆگەشەكردنی‮ ‬پەروەردەیەكی‮ ‬دروستبكرێت بۆ ئەوەی‮ ‬نەوەیەكی‮ ‬دروست بهێنێتە كایەوە لەكۆمەڵگا لەرووی‮ ‬مرۆڤایەتی‮ ‬و زانستی‮ ‬و سیاسی‮ ‬و ئابووری‮ ‬و كۆمەڵایەتی‮ ‬و بازرگانی‮ ‬و هزری‮ … ‬تاد‮ ‬تاكو لەرێگەی‮ ‬پەروەردەیەكی‮ ‬دروستەوە بتوانین نەوەیەكی‮ ‬تەندروست و زانا و دانا و وشیار و رۆشنبیر و بەئاگا و داهێنەر و ئاستبەرز بونیادبنێین و خزمەتێكی‮ ‬شایستە پێشكەش بەكۆمەڵگە و جیهانی‮ ‬مرۆڤایەتی‮ ‬بكەین‮.‬