سەربەست بامەڕنی
لە ژێر دروشمی گوایە یەكپارچەیی عێراق، حكوومەتی سەربەخۆ و پاراستنی سەروەریی، چەند هەوڵێكی گوماناویی بۆ پەراوێزخستن، وەلانانی هەرێمی كوردستان و دەركردنی لە هاوكێشەی هاوبەشیەتی نیشتمانی، هاوسەنگی و سازان لە رێگەی دەست نیشان كردنی ئەندامان لە حكوومەتی داهاتووی كاتی بەڕێوەدەچێت، بۆ ئەوەی ببنە تەنیا لایستۆكی پاشكۆ و شایەدی ساختەی بێ دەسەڵات، كە گوزارشت لە بۆچوون، ویستی شەقامی كوردستان، سەركردایەتییە سیاسییەكەی و پەرلەمانە نیشتمانییە هەڵبژێردراوەكەی ناكەن. لەوەی گوتمان، مانای پێشێلكردنی هەموو رێكەوتنەكانی پێشوو لە نێوان دەوڵەتی فیدراڵی و گەلی كوردستان، رەتكردنەوەی دەستووری فیدراڵیی، گەڕانەوە بۆ رەوتی تاكڕۆیی و رژێمی دیكتاتۆری گۆڕ بەگۆڕ دەگەێنێت، كە ئەویش هەندێ بەكرێگیراوی بەناوی (برایانی كوردمان) و نوێنەرانی (باكووری خۆشەویستمان)ـی دادەمەزراند. ئەو ئاراستەگرتنە رەگەزپەرست و تایەفییە چەپەڵە، بە پشتگوێخستنی ویستی گەلی كوردستان و مافە رەواكانی ، لە دەست نیشان كردنی نوێنەرەكانی، كە پشتگوێخستنێكی بە ئەنقەستە بۆ خەباتی نیشتمانی درێژخایەنی كوردستانیان، بە هەموو ئەو قوربانیانەی لە پێناوی هاوبەشیەتی نیشتمانی، بنیاتنانی دەوڵەتی هاووڵاتیبوون، یەكسانی، دادگەری و پاراستنی یەكڕیزی دڵبژێرانەی پێكهاتە نەتەوەیی، ئایینی و تایەفییەكانی عێراق داویەتی، هەڕەشە لە بنەماكانی سیستمی فیدراڵیی دەكات. ئەو ئاراستەگرتنە لە ژێر هەر لافیتە، دروشم و ناوێك بێت، هاوتای رەتكردنەوەی دەستووری فیدراڵیی، راگەیاندنی جەنگ بۆ سەر گەلی كوردستان و بێبەشكردنیەتی لە دەست نیشان كردنی نوێنەرەكانی، لەوكاتەی هاوشانی رۆژەڤە گوماناوییە هەرێمایەتی و دژ بە سیستمی فیدراڵیی و مافەكانە، كە دەستوور بۆ گەلی كوردستانی مسۆگەر كردووە، دەرگەی دۆزەخیش بەسەر دەوڵەتی لاوازی عێراق دەكاتەوە، كە لە كەوتن و دابەشبوون نزیكە، ئەوەش لە ئاكامی سیاسەتی رەگەزپەرستی و تایەفی قووڵە، بۆ رەتكردنەوەی پێكهاتە سەرەكییەكانی عێراق. گەلی كوردستان، كەزیاتر لە جارێك رۆڵی لە بنیتانانەوەی دەوڵەتی عێراق و پاراستنیدا هەبوو و هێشتاش لە تەك داواكارییە رەواكانی جەماوەری شۆڕشگێڕی عێراقە، بە كەمتر لە هاوبەشیەتی راستەقینە لە بەڕێوەبردنی وڵات، دروستكردنی بڕیاری ناوەندیی و ئەو كەسانە دەست نیشان بكات، كە لەسەر هەموو ئاستەكان نوێنەرایەتی دەكەن رازی نابێت، لەوانەیە سوودی هەبێت بە بیری هەندێكیان بهێنینەوە، بەوەی گەلی كوردستان بە رێژەی زیاتر لە نەوەد لە سەدا، سەربەخۆیی هەڵبژارد، ئەوەش لە ئاكامی سیاسەتی رەگەزپەرستی، پەراوێزخستن و وەلانانی پێشوو بوو، ئەوی بشیەوێت جارێكی دیكە بەختی خۆی تاقی بكاتەوە، ئەوا دوایین بزمار لە تابووتی دەوڵەتی عێراق دەدات.
