‬فارس قادر فەقێ عەبدوڵڵا‮❊‬
پەندێكی‮ ‬كوردی‮ ‬هەیە دەڵێت‮ “‬راست بڕۆ بڕۆ رێی‮ ‬شێری‮” ‬پێم وایە كەس نییە گوێبیستی‮ ‬ئەو پەندە نەبووبێ،‮ ‬مانای‮ ‬پەندەكەش ئاسانە و مەبەست لێی‮ ‬ئەوەیە گەر مرۆڤ راست بێت و پێچ و پەناو فرتوفێلی‮ ‬نەبێت و راستگۆ و دەستپاك و خاوێن بێت،‮ ‬كەواتە بێباكە و ترسی‮ ‬لە هیچ نییە‮.. ‬بارزانیی‮ ‬نەمریش فەرموویەتی‮ “‬ئەوەی‮ ‬پاكە لە موحاسبە بێ باكە‮” ‬دیارە بێباكی‮ ‬و خاوێنی‮ ‬و راست رۆیشتن و راست گوتن هەمووی‮ ‬پێناسەی‮ ‬مەردایەتی‮ ‬و ئازایەتی‮ ‬مرۆڤن،‮ ‬بۆیە گوتراوە گەر راست بووی‮ ‬بڕۆ رێی‮ ‬شێری،‮ ‬كەواتە سەربەرزی‮ ‬و بێ منەتی‮.. ‬كەچی‮ ‬ئەمرۆ ئەوەی‮ ‬دەبینرێ لەو سەردەمە دەقاودەق پێچەوانەی‮ ‬ئەو پەندەیە و راستی‮ ‬مایەی‮ ‬سەر ئێشەیە،‮ ‬جا مرۆڤ نازانێ چۆن قەناعەت بەخۆی‮ ‬بێنێ ئەو رێیەی‮ ‬كە شێر تێیدایە كام رێگەیە،‮ ‬چونكە گورگ و رێوی‮ ‬هێندە زۆر بوونە رێگای‮ ‬شێر و شێرخوازان و شێردۆستانیان شێواندووەو وێنەی‮ ‬ئاوی‮ ‬بەرچاویشیان شێلوو كردووە‮.‬
‮ ‬كەواتە گەر مرۆڤ راست بڕوا گورگ دەیخواو رێویش گاڵتەی‮ ‬پێدەكات و لە كۆتاییش شێر لێی‮ ‬بێئاگاو دەرئەنجام رەشەبا‮ ‬یان لافاو لاشەی‮ ‬دەبات و بزریشی‮ ‬دەكات و وای‮ ‬لێدێت قەلەرەشكەو سیساركە كەچەریش بەشێك لە جەستەی‮ ‬بخوات‮ “‬بەڵێ راست بڕۆ بڕۆ رێی‮ ‬شێری‮” ‬یان لەو سەردەمە باوی‮ ‬نەماوە‮ ‬یان هەر لە ئەساسەوە نەبووە و هەر وتەیەك بووە و گوتراوە‮! ‬بەخوا وەك مەسەلەكەی‮ ‬گوتەنی‮ ‬ئەو سەردەمە‮ “‬ئەوەی‮ ‬راست بڵێت كڵاوی‮ ‬دەپەڕێت‮” ‬كە ئەمەشیان مەسەلەیەكی‮ ‬كوردییەو گوتراوە و پێچەوانەی‮ ‬راست رۆیشتن و رێگای‮ ‬شێرە،‮ ‬بەڵێ شێر بێئاگایە و دەبێ پێی‮ ‬بگوترێ كڵاوی‮ ‬پەڕیو زۆرن،‮ ‬رۆژانەش كڵاو دەپەڕن‮! ‬وە راستی‮ ‬باجی‮ ‬لە سەرە‮! ‬هەروەك ئەو وتەیەی‮ ‬كە لەو ماوەیەدا لە سۆشیال میدیاكان بەرچاوم كەوت و تەعلیقێكی‮ ‬لەسەرەو لەسەر وێنەیەك نووسراوە‮ “‬خوار مورتاحە و راست تێر شەقە‮” ‬كە لەو وێنەیە دیاردەكەوێ‮.‬
چەندین بزماری‮ ‬خوار هەن چەكووشیان لەسەر نییە كەچی‮ ‬یەك بزماری‮ ‬راست هەیە چەكووش لەسەر سەری‮ ‬حازر و ئامادەیە،‮ ‬بەڵێ ئەوەی‮ ‬راست بێت لەو سەردەمە وەك ئەو چەكووشە هەر سەری‮ ‬هەڵبڕێ چەكووش دایدەكوتی‮! ‬زۆر بە داخەوە دەكرێ لەسەر ئەو تەختە جوانەی‮ ‬لە بەردەستمانە ئەم بزمارە خوار و ژەنگاویانە‮ ‬یان لابدەین‮ ‬یان لە جیاتی‮ ‬ئەوەی‮ ‬ئەو چەكووشە لەسەر‮ ‬یەك بزمار دانێین بەر لەو بزمارە خوارەكانی‮ ‬پێ راست بكەینەوە‮.. ‬بەڵێ چاومان‮ ‬یەك بزماری‮ ‬راست دەبینێ،‮ ‬لە راستیشدا ئەو بزمارە توانای‮ ‬راگرتنی‮ ‬ئەو تەختەیەی‮ ‬نییە بە تەنیا هەم لەگەل چەكووش لێدان هیلاكی‮ ‬دەكەین و هەم دەیڕزێنینەوە،‮ ‬جا چاكتر وایە و پێویستە چەكووشەكەمان رابگرین،‮ ‬یان كۆمەڵێك بزماری‮ ‬راست بێنین كە راست بڕۆن تا تەختەكەمان بۆ ببەستنەوە و ژێر پێی‮ ‬شێر توند بكەن‮ ‬یان بزمارە خوارە ژەنگاویەكان راست بكەینەوە‮. ‬هەر چەندە هیلاكیش دەبین و ئەستەمە بەو خوارانە كاربكەین،‮ ‬بەهەرحاڵ گەر بەهەمان عەقلیەت كاربكەین كە لەو وێنەیەدا هاتووە چەكووش لەسەر‮ ‬یەك بزمار دانێین و ئەو بزمارە هەر چەند پۆلاین بێت بەڵام لەناو تەختەكە بزر دەبێ و سەریشی‮ ‬بە چەكووش پان دەبێتەوەو رۆژێك لە رۆژان وەكو‮ “‬بەردی‮ ‬بن گۆمێ‮”‬ی‮ ‬لێ دێت و ون دەبێ‮.. ‬دەرئەنجامیش بە تەختەوە وەردەگەڕێ،‮ ‬بزماری‮ ‬خواریش لە قاچمان رادەچێ و ئەوەی‮ ‬خراپە پێمان دەكات‮.‬
دەبا بڕیار بدەین بزمارە خوار و ژەنگاوییەكان فڕێ بدەین و كات بەو بزمارە خوارانە نەكوژین و بزماری‮ ‬راست زۆرن سوودیان لێ وەرگرین،‮ ‬ئەو راستەی‮ ‬ماون لەناو خواران چەكووش لەسەر سەریان هەڵگرین تا ئەو هێندەی‮ ‬ماوە ئەویش بزر نەكەین گەر هەموو بزمارەكان راستبن و راست بكەینەوە ئەوكات دەچینە رێی‮ ‬شێر و تەختەی‮ ‬بن پێمان قایم دەكەین،‮ ‬كە شێریش بەئاگابوو لە مەملەكەتی‮ ‬خۆی‮ ‬گورگ و چەقەل لەناودەبەین و مەملەكەتێكی‮ ‬جوان و جوانتر دروست دەكەین،‮ ‬ئەوكات گومان لە پەندە كوردیەكانیشمان ناكەین لە جیاتی‮ ‬بنووسین‮ “‬راست بڕۆ‮)!! ‬دەنووسین‮ “‬راست بڕۆ بڕۆ رێی‮ ‬شێری‮”.‬
‮❊ ‬ئەندامی‮ ‬ئەنجوومەنی‮ ‬سەركردایەتی‮ ‬پارێزگای‮ ‬هەولێر‮ (‬پ.د.ك‮)‬