خه‌بات: هێمن ئاری:-
هونەرمەندی‮ ‬شێوەكار تەیب عەبدولڕەحمان‮ ‬بابان لەدایكبووی‮ ‬ساڵی‮ ‬1976‮ ‬شاری‮ ‬كەركوكە‮.‬
وەك خۆی‮ ‬ئاماژەی‮ ‬بۆ دەكات لەسەرەتاوە خۆرسك دەستی‮ ‬بەهونەری‮ ‬شێوەكاری‮ ‬كردووە‮.‬
دەڵێت‮: ‬هەر لەسەرەتای‮ ‬مناڵیمەوە كاتێك نیگارێكم دەكێشا دەوروبەرم بەشێوەیەك سەرسامی‮ ‬خۆیان دەردەبری،‮ ‬ئەوە خاڵی‮ ‬دەستپێك و پاڵنەربوو بۆمن بۆ ئەوەی‮ ‬زیاتر حەزم بۆ هونەری‮ ‬شێوەكاری‮ ‬بچێت‮.‬

دەشڵێت‮: ‬لەژیانی‮ ‬هونەریم‮ ‬20 ‮ ‬پێشانگای‮ ‬تایبەتم كردۆتەوە و بەشداریشم لەچەندین پێشانگای‮ ‬هاوبەشكردووە‮ .‬
ئەو شوێنانەی‮ ‬پێشانگام تێداكردۆتەوە‮: ‬زاخۆ‮ ‬،سلێمانی‮ ‬كەركوك،‮ ‬شارەزور‮ ‬،‮ ‬بازیان‮. ‬هەروەها پێشانگام لەدەرەوەی‮ ‬وڵاتیش كردۆتەوە لە ئەستورالیا شاری‮ ‬ئەدلاید‮ .‬
پرۆژەی‮ ‬داهاتووشم پێشانگایەكە لە شاری‮ ‬بەغدا بەڵام بەهۆی‮ ‬دۆخی‮ ‬ئەوشارە دوام خستووە‮. ‬
جگە لەوەش لەبەرنامەمدایە لە شاری‮ ‬بەیروت لە لوبنان پێشانگایەك بكەمەوە‮.‬

قوڵایی‮ ‬رۆح و هونەری‮ ‬شێوەكاری
هونەرمەندی‮ ‬شێوەكار تەیب عەبدولڕەحمان لەدیمانەیەكی‮ ‬ڕۆژنامەی‮ ‬خەباتدا سەبارەت‮ ‬بە بایەخدان بە هونەری‮ ‬شێوەكاری‮ ‬دەڵێت:هەڵبەت لەجیهانی‮ ‬پێشكەوتوو هونەری‮ ‬شێوەكاری‮ ‬بەدایكی‮ ‬هونەرەكان هەژمار دەكرێ،‮ ‬بەوپێیەی‮ ‬هونەری‮ ‬شێوەكاری‮ ‬دەرهاویشتەی‮ ‬فكر‮ ‬و رۆشنگەریی‮ ‬بەرزی‮ ‬هونەرمەندەكەیە‮ .‬لەجیهانی‮ ‬پێشكەوتوو هونەری‮ ‬شێوەكاری‮ ‬بەترۆپكەی‮ ‬مەعریفەی‮ ‬مرۆیی‮ ‬پێناسەدەكرێ‮ .‬سەرجەم قوتابخانە فەلسەفییەكانی‮ ‬كۆن و نوێ پانتایەكیان لە فەلسەفەكانیان تەرخانكردووە بۆ هونەری‮ ‬شێوەكاری‮ ‬و هەریەكە و لەروانگە و دیدی‮ ‬خۆیانەوە پێناسەی‮ ‬ئەو چەمكەیان كردووە‮ . ‬ئەوەی‮ ‬لەسەری‮ ‬كۆكن و هاوڕان ئەوەیە كە كایەی‮ ‬هونەری‮ ‬نیگاركێشان ترۆپكەی‮ ‬هزری‮ ‬مرۆییە،‮ ‬هەندێك جار سۆز و ویژدان و هزر تێدەپەرێنێ دەڕوات تاكو قوڵایی‮ ‬روح‮.‬

میشێل فۆگۆ فەیلەسوفی‮ ‬فەرەنسی‮ ‬دەڵێت:كاتێك دیاردەیەكی‮ ‬دیاریكراو شاعیرێك ناتوانێ گوزارشتی‮ ‬لێبكات و فەیلەسوفێك وشەی‮ ‬پێ نییە شیتاڵی‮ ‬بكات پەنا دەبەینە بەر نیگاركێشێك ئەو بەجوانترین شێوە گوزارشتی‮ ‬لێوە دەكات.بەڵام لە وڵاتی‮ ‬ئێمە لە كوردستان بەهۆی‮ ‬ئاستی‮ ‬وشیاری‮ ‬و هەستی‮ ‬تاك هونەری‮ ‬شێوەكاری‮ ‬لە پلەی‮ ‬خواری‮ ‬خوارەوەیە لەناو چەمكی‮ ‬بەرفراوانی‮ ‬هونەر‮. ‬چونكە هونەری‮ ‬شێوەكاری‮ ‬تەمەنی‮ ‬زۆر كورتە،‮ ‬رەنگە هەر هەشتا ساڵێك بێت هاتۆتە ناو وڵاتی‮ ‬ئێمەوە‮ .‬ئێمە بەراورد ناكرێین لەگەڵ‮ ‬جیهانی‮ ‬پێشكەوتوو ئەوان چەندین قۆناغی‮ ‬هونەری‮ ‬و بزاڤی‮ ‬هونەرییان تێپەراندووە‮ .‬هەربۆیە خوێندنەوەی‮ ‬كارێكی‮ ‬هونەری‮ ‬لای‮ ‬تاكێكی‮ ‬ئەوروپی‮ ‬و لای‮ ‬تاكێكی‮ ‬ئێمە زۆر جیاوازە‮ .‬تاكو ئیستا تاكی‮ ‬ئێمە رووی‮ ‬دەرەوەی‮ ‬جوانی‮ ‬نیگارێك دەبینێ هەرگیز‮ ‬رووی‮ ‬ناوەوە و فكری‮ ‬پشت نیگارەكە نابینێ‮.‬

سروشتی‮ ‬كوردستان و هونەری‮ ‬شێوەكاری
هەروەها لە درێژەی‮ ‬قسەكانیدا تەیب عەبدوڵرحمانی‮ ‬شێوەكار گوتی‮: ‬هەڵبەت من لەماوەكانی‮ ‬رابوردوو لەچەندین رێبازی‮ ‬هونەری‮ ‬كارم كردووە‮. ‬
لەكۆتایدا وەك پێداویستیەك بۆ ماركێتینك و بڵاوكردنەوەی‮ ‬رۆشنگەریی‮ ‬هەڵواسینی‮ ‬تابلۆ لەماڵەكان و شوێنەگشتیەكان پەنام بردە بەر واقعی‮ ‬و هەندێكجار ئینتیباعی‮ ‬و ئەبستراكت‮ . ‬چونكە وەرگری‮ ‬كورد ئاسانتر جوانی‮ ‬رووكەشی‮ ‬واقعی‮ ‬وەردەگرێ‮.‬
بەڕاستی‮ ‬دیمەنی‮ ‬پڕ‮ ‬ڕەنگی‮ ‬سروشتی‮ ‬كوردستان كاریگەریەكی‮ ‬یەكجار گەورەی‮ ‬لە دەروون هەستم بەجێ هێشتووە و هەمیشە ویستوومە بەشێوەیەكی‮ ‬ئیستاتیكی‮ ‬دیمەنەكان بكەمە نیگار‮.‬

هونەری‮ ‬شێوەكاری‮ ‬و زمانی‮ ‬هاوبەش
لەوەڵامی‮ ‬پرسیارێكی‮ ‬دیكەی‮ ‬ڕۆژنامەی‮ ‬خەباتدا گوتی‮: ‬هەڵبەت وەك لەسەرەتا ئاماژەمان پێكرد هونەری‮ ‬شێوەكاری‮ ‬ترۆپكەی‮ ‬مەعریفەی‮ ‬مرۆییە،‮ ‬بۆیە‮ ‬برەودان بەم كایەیە كارێكی‮ ‬گرنگە و بەدەرەجەیەك ئێمەی‮ ‬هونەرمەند‮ ‬لێی‮ ‬بەرپرسین و پاشان دامەزراوەپەیوەندارەكان وەك رۆشەنبیری‮ ‬و پەروەردە‮ .‬ئەم دوو دامەزراوە هەستیارە‮. ‬هونەری‮ ‬شێوەكاری‮ ‬زمانی‮ ‬هاوبەشی‮ ‬سەرجەم مرۆڤایەتییە،‮ ‬زۆر بەئاسانی‮ ‬دەتوانێ پەیامی‮ ‬خۆت بگەیەنی،‮ ‬بۆیە ئەم كایەیە زۆر شت دەگەیەنێ‮ . ‬جگە لەجوانی‮ ‬بۆنمونە ئاستی‮ ‬وشیاری‮ ‬كۆمەڵگا‮ ‬بەهیوای‮ ‬ئەوەی‮ ‬بتوانین لەئایندە كاری‮ ‬باشتر ئەنجام بدەین و برەو بەو كایەیە بدەین‮.‬