خه‌بات: بەرهەم‮ ‬شێخ‮ ‬عزەدین:-
هونەرمەندی‮ ‬بە ئەزموون و دەنگخۆش‮ ‬بەرهەم حەسەن‮ ‬كە‮ ‬یەكێكە لەو هونەرمەندانەی‮ ‬ساڵانێكی‮ ‬دوورو‮ ‬درێژە‮ ‬لە بواری‮ ‬هونەری‮ ‬گۆرانیگوتن‮ ‬ئەسپی‮ ‬خۆی‮ ‬تاو داوەو خاوەن پێگەیەكی‮ ‬بەهێزەو‮ ‬گوێگرێكی‮ ‬زۆری‮ ‬هەیە،‮ ‬ئەم‮ ‬هونەرمەندە‮ ‬ساڵانێكە‮ ‬لە دەرەوەی‮ ‬وڵات‮ ‬ژیان‮ ‬بەسەردەبات،‮ ‬بەڵام‮ ‬هیچكات‮ ‬لە‮ ‬كۆمەڵگای‮ ‬كوردستان‮ ‬دانەبڕاوەو لەگەڵ‮ ‬ئازارو خۆشیەكانی‮ ‬گەلی‮ ‬كورددا‮ ‬بووەو لەسەرجەم‮ ‬پرسە‮ ‬نیشتیمانییەكان‮ ‬هەڵوێستی‮ ‬هەبووە،‮ ‬ئەمجارەش‮ ‬لەسەر هێرشی‮ ‬تورك‮ ‬بۆ سەر‮ ‬ڕۆژئاوای‮ ‬كوردستان‮ ‬ئەم‮ ‬هونەرمەندە لەواڵی‮ ‬تایبەتی‮ ‬خۆیەوە پەیامێكی‮ ‬ڤیدۆیی‮ ‬بڵاوكردۆتەوەو چەند پەیڤێكی‮ ‬لەسەر ئەو كارەساتە دەربڕی‮ ‬و گوتی‮:‬
كارەساتێكی‮ ‬گەورە بەسەر میللەتەكەمدا هاتووە
هونەرمەند‮ ‬بەرهەم حەسەن‮ ‬گوتی‮ : ‬هاوڕێیان‮ ‬سڵاو‮ ‬خۆم‮ ‬زۆر بە دڵگران‮ ‬دەزانم‮ ‬كەوا‮ ‬كارەساتێكی‮ ‬گەورە‮ ‬بەسەر میللەتەكەمدا‮ ‬هاتووە،‮ ‬بە تایبەت پارچەیەك‮ ‬لە دڵە گەورەكەی‮ ‬كوردستان‮ ‬ڕۆژئاوا،‮ ‬بە توندی‮ ‬ئیدانەی‮ ‬ئەو هێرشە دڕندانەی‮ ‬ئەو‮ ‬دوژمنە سەر سەختە‮ ‬ئەكەم‮ ‬كە كەوتۆتە وێزەی‮ ‬گیانی‮ ‬ژن و منداڵ و پیرو خەڵكی‮ ‬بێتاوانی‮ ‬خەڵكی‮ ‬ڕۆژئاوا،‮ ‬بە توندی‮ ‬ئیدانەی‮ ‬دەكەم و‮ ‬بەرەنگاری‮ ‬دەوەستمەوە‮.‬
شەرمە بۆ وڵاتانی‮ ‬زلهێزی‮ ‬جیهان
لە بەشێكی‮ ‬دیكەی‮ ‬قسەكانیدا‮ ‬ئەو هونەرمەندە‮ ‬دەڵێت‮:‬‮ ‬بە‮ ‬ڕاستی‮ ‬شەرمە بۆ‮ ‬وڵاتانی‮ ‬زلهێزی‮ ‬جیهان‮ ‬هەركات‮ ‬میللەتی‮ ‬كورد‮ ‬توشی‮ ‬ناخۆشی‮ ‬و تەنگانە بوو‮ ‬ئەوان پشتی‮ ‬تێدەكەن،‮ ‬لەگەڵ‮ ‬ئەوەی‮ ‬ئێمەی‮ ‬كورد‮ ‬هەمیشە‮ ‬لەگەڵ‮ ‬هەموو ئەو‮ ‬دەوڵەتانە هاوكارو‮ ‬دەست‮ ‬لەسەر سنگ‮ ‬بووین‮ ‬بۆیان‮.‬
بایكۆتی‮ ‬گۆرانی‮ ‬و
فیلمی‮ ‬توركی‮ ‬بكەن
پاشان‮ ‬بەرهەم حەسەن‮ ‬ڕوویكردە‮ ‬میللەتی‮ ‬كوردو كەناڵەكانی‮ ‬ڕاگەیاندن‮ ‬بە تایبەتی‮ ‬تیڤییەكان و گوتی‮: ‬
تكایە‮ ‬داواتان‮ ‬لێدەكەم‮ ‬درامای‮ ‬توركی‮ ‬و‮ ‬بیانی‮ ‬لە ئێستاوە‮ ‬ڕابگرن،‮ ‬ئەو پارانەی‮ ‬كەوا ئەیدەن‮ ‬بە درامای‮ ‬توركی‮ ‬بیدەن‮ ‬بە ئەكتەرو‮ ‬دەرهێنەرانی‮ ‬كورد‮ ‬ئەوا‮ ‬ئێمەش‮ ‬خاوەنی‮ ‬كلتورو‮ ‬فەرهەنگ و‮ ‬هونەری‮ ‬خۆمان‮ ‬دەبین،‮ ‬بە‮ ‬ڕاستی‮ ‬زۆر حەیفە‮ ‬كورد‮ ‬هەتا‮ ‬ئێستا‮ ‬بێ خاوەنە،‮ ‬هەتا‮ ‬ئێستا سەفیرو‮ ‬بەرپرسانی‮ ‬تورك‮ ‬لە كوردستانەوە‮ ‬لە كەناڵە كالنی‮ ‬خۆمانەوە‮ ‬كورد‮ ‬بە تیرۆریست‮ ‬ناو دەبەن،‮ ‬بۆیە لێرەوە‮ ‬دووبارە‮ ‬داواكارم‮ ‬بایكۆتی‮ ‬گۆرانی‮ ‬و فیلم و كەلو پەلی‮ ‬توركی‮ ‬بكەن‮ ‬چونكە‮ ‬دەركەوت‮ ‬تورك‮ ‬دوژمنی‮ ‬سەر سەختی‮ ‬كوردە‮.‬
رۆژئاوا ئێمە لەگەڵتاین
لە دوماهیدا‮ ‬ئەو هونەرمەندە‮ ‬گوتی‮:‬
هەر لەگەڵ‮ ‬ئەو ئازارە‮ ‬بە سۆییە هەر چۆنێك‮ ‬بێت‮ ‬توانیم‮ ‬ئەمە چەند‮ ‬دێڕە‮ ‬هۆنراوەیە پێشكەش‮ ‬بە گەلەكەم‮ ‬بكەم‮ ‬،‮ ‬ئەو‮ ‬گەلەی‮ ‬كە هەمیشە زامەكانی‮ ‬ساڕێژ نابێ‮ ‬هیوادارم‮ ‬ئەم‮ ‬گەلە خێر لەخۆ نەدیوە‮ ‬بە زوویی‮ ‬سەر بكەوێت و زامەكانی‮ ‬ساڕێژ ببێت‮. ‬بەرەو دەوڵەت و سەربەخۆیی‮ ‬و سەركەوتن و پێشكەوتنی‮ ‬یەكجاری‮ ‬بڕۆین،‮ ‬ئەم‮ ‬لاواندنەوەیەش‮ ‬لەژێر ناوی‮ ‬ڕۆژ ئاوا‮ ‬ئێمە‮ ‬لەگەڵتاین‮ ‬پێشكەشە‮ . ‬
بەشێك‮ ‬لە هۆنراوەكەی‮ ‬هونەرمەند‮ ‬بەرهەم‮ ‬حەسەن‮ ‬كە بە لاواندنەوە پێشكەشی‮ ‬كرد‮:‬
دیسان‮ ‬بەختەكەی‮ ‬كوردە‮ ‬لارییە
خوایە هەتا كەی‮ ‬ئەو‮ ‬غـەدارییە
ئێستا رۆژ ئاوام لێهاتۆتە‮ ‬ژان
خوێنم ئەڕێژن‮ ‬دوژمنی‮ ‬كوردان
دەمێ مەجووسی‮ ‬و دەمێ‮ ‬پێ پەتی
هەموو ساڵێكمان كۆچ و مەینەتی
دەمێ سەر سەخت و دەمێ عەباسی
كوردە‮ ‬تۆ‮ ‬یەكنیت بۆیە كەساسی
ئاگرێك‮ ‬نەماوە‮ ‬تۆی‮ ‬تیا نەسووتێی
رووبارێك‮ ‬نەماوە‮ ‬تۆی‮ ‬تیا نەخنكێی
بەردێك‮ ‬نەماوە خوێنتی‮ ‬لێنەپرژێ
گردێك نەماوە كوردی‮ ‬لێنەنێژرێ‮.‬