خه‌بات: رەمزی‮ ‬میرەكانی:-‮
لاوتارۆ مارتینێز،‮ ‬هێرشبەری‮ ‬یانەی‮ ‬ئینتەرمیلانی‮ ‬ئیتاڵی،‮ ‬تووڕەیی‮ ‬خۆی‮ ‬لەو دۆڕانە دەربڕی،‮ ‬كە‮ ‬یانەكەی‮ ‬لەسەر دەستی‮ ‬بوروسیا دۆرتمۆندی‮ ‬ئەڵمانی،‮ ‬شەوی‮ ‬سێ شەمەی‮ ‬رابردوو تووشی‮ ‬هات‮. ‬ئینتەر نەیتوانی‮ ‬بەرگری‮ ‬لە پێشكەوتنی‮ ‬بە دوو گۆڵ لە دەرەوەی‮ ‬یاریگەی‮ ‬خۆی‮ ‬بكات،‮ ‬دوای‮ ‬ئەوەی‮ ‬دۆرتمۆند توانی‮ ‬بە ئەنجامی‮ ‬سێ گۆڵ بەرامبەر دوو گۆڵ‮ ‬یارییەكە بباتەوە،‮ ‬كە لە گەڕی‮ ‬چوارەمی‮ ‬قۆناغی‮ ‬كۆمەڵەكانی‮ ‬خولی‮ ‬یانە پاڵەوانەكانی‮ ‬ئەوروپا بوو‮. ‬دوای‮ ‬تەواو بوونی‮ ‬یارییەكە،‮ ‬لاوتارۆ،‮ ‬لێدوانی‮ ‬بۆتۆڕی‮ ‬سكای‮ ‬سپۆرتی‮ ‬ئیتاڵی‮ ‬دا‮ ‬و وتی‮:”‬لە گێمی‮ ‬یەكەمدا زۆر باش دەركەوتین،‮ ‬بەڵام لە گێمی‮ ‬دووەمدا،‮ ‬شتەكە گۆڕا‮”.

‬هەروەها وتی‮:” ‬لەوانەیە لە رووی‮ ‬زەینەوە باش نەبووبین،‮ ‬چونكە دوای‮ ‬پشووی‮ ‬نێوان دوو گێمەكە،بە تەواوی‮ ‬گۆڕاین،‮ ‬ئێمە پێویستمان بە گەشەكردن و نەشونما كردنە،‮ ‬بۆ ئەوەی‮ ‬بتوانین بە ئاستێكی‮ ‬بەرز دەركەوین‮”. ‬وتیشی‮:”‬كێشەكە جەستەیی‮ ‬نەبوو،‮ ‬بەڵكو كێشەی‮ ‬زەینمان هەبوو،‮ ‬بەڵام هێشتا هیوابڕاو نەبووین و دەتوانین بۆ قۆناغی‮ ‬داهاتوو سەركەوین‮”. ‬بەو ئەنجامەش بوروسیا دۆرتمۆند بە كۆكردنەوەی‮ ‬7 خاڵ،‮ ‬بۆ پلەی‮ ‬دووەمی‮ ‬كۆمەڵەی‮ ‬شەشەم سەركەوت،‮ ‬ئینتەرمیلان بە‮ ‬4 خاڵ،‮ ‬بۆ پلەی‮ ‬سێیەم دابەزی‮ ‬و بەرشلۆنەش هەر لە پلەی‮ ‬یەكەم مایەوە‮.‬