خەبات: سولین سلێمان:-
هونەرمەند گۆران ئەیار، لە چاوپێكەوتنێكدا لەگەڵ رۆژنامەی خەبات، دەربارەی سی ڤی خۆی دەڵێت: لە ساڵی1993 لە شاری سلێمانی لە دایكبووم، لە ئێستاشدا خەریكی كاری هونەریم ، سەبارەت بە چونییەتی دەسپێكردنی كاری هونەریش دەلێ: ماوەیەكی زۆرە سەرقاڵی هونەرم، بەڵام وەك یەكەم ڤیدیۆ كلیپ، كە بڵاومكردبێتەوە لە ساڵی 2016 بووە بەناوی برادەر كە دەنگدانەوەیەكی باشی هەبوو. هەروەها بینەرێكی زۆر باشیشی هەبوو، ئەیار گۆران ، سەبارەت بە بیرۆكەی دروستكردنی ئەو گۆرانییە، ئاماژەی بەوە كرد، چونكە برام نییە لەلایەكی تریشەوە ئەو كاتی زۆر هاورێ لە یەكتری جیابوونەوە، بۆیە بریارمدا گۆرانییەك تایبەت بە هاورێیەتی بڵێم، كەلە تێكست و ئاوازی عەلی شەوقی بوو، ئەوەشی ئاشكرا كرد كەوا كاری هونەری حەزوخولیایەكی لەمێژینەی بووە،بۆیە تاوەكو بەگەرموگوڕی لەسەری بەردەوامە.
گۆران ئەیار،سەبارەت بە پشگیریی خۆیەوە دەڵێت:- خێزانەكەم و كۆمەڵێك لە هاورێیانی ئازیزم زۆر پشتگیرییان كردوومە، ئەوەشی دووپاتكردەوە كە كاری هونەری بێجگە لەوەی حەزوخولیایەكە، هاوكات وەكو پیشەیەكیشە واتە هونەر بۆ من هەم حەزوخولیایە و هەمیش پیشەیە، گۆران ئەیار، سەبارەت بە دروستكردنی ئەلبووم گوتی: لە داهاتوودا ئەلبومێكی تایبەت بە خۆم دەبێت، بەڵام دروستكردنی ئەلبووم لە ئێستادا بایەخێكی زۆری نییە، چونكە باشترین رێگا بۆ زیاتر ناساندنی هونەرمەند دروستكردنی ڤیدیۆ كلیپە، ئاماژەی بەوەش دا، بێجگە لە كاری گۆرانی گوتن، تێكستیش دەنوسێ و زۆربەی هونەرمەندەكان تێكستی ئەویان بۆ گۆرانییەكانیان بەكارهێناوە، گوتیشیی: گوێ گری ئێستا زۆر گوێی لە گۆرانییە رەسەنەكانی كوردی ناگرن هەر بۆیە هونەرمەند ناچارە ئاوازی بیانی بۆ گۆرانییەكانی بەكاربهێنێت، هەروەها زۆر حەز بە ژەنینی ئامێری مۆسیقی گیتار دەكات و نوێترین بەرهەمی ڤیدیۆ كلیپیشی ئەو ساڵ بوو بەناوی خوشك بڵاویكردەووە ، لە ئێستاشدا خەریكی ئەنجام دانی لایڤ موزیكە هەروەها لە بونەو ئاهەنگەكاندا و لە دانیشتنەكاندا خەریكی گۆرانی گوتنە.
