ڕاپۆرت‮: ‬سەید فاتیح بەرزنجی
لەماوەی‮ ‬ئەو چەند ساڵانەی‮ ‬دواییدا بەڕێوەبەرایەتی‮ ‬ئەندازەی‮ ‬پاركەكانی‮ ‬هەولێر ژمارەیەك پارك و باخچەی‮ ‬لە نێو گەڕەكەكانی‮ ‬شاری‮ ‬هەولێر دروستكرد،‮ ‬جگە لەوەش هەوڵیدا هەموو ناوەندە شەقامەكانیش سەوزو جوان بكات،‮ ‬ئەندازیار عەبدولواحێد ئەحمەد بەڕێوەبەری‮ ‬ئەندازەی‮ ‬پاركەكانی‮ ‬هەولێر دەڵێت‮: ‬هەموو كاتێك هەوڵەكانمان لە پێناو زیاد كردنی‮ ‬ڕێژەی‮ ‬سەوزایی‮ ‬بووە ئەویش بە هەوڵ و كۆشش و ماندووبوونی‮ ‬ئەندازیاران و كارمەندە دڵسۆزەكانی‮ ‬ئەندازەی‮ ‬پاركەكان بووەو هەوڵیشمانداوە هەموو ناوەندە شەقامەكان‮ ‬سەوز بكەین و ساڵانەش چەندین هەڵمەتی‮ ‬نەمام چاندن و گوڵ چاندن ئەنجام دەدەین تا سیمای‮ ‬پایتەخت‮ ‬ڕازاوەتر بێت‮.‬
هەڵمەتێك بۆ چاندنی‮ ‬30 ‮ ‬هەزار نەمام
هەر شەقامێكی‮ ‬تازە دروست بكرێت تیمەكانی‮ ‬ئەندازەی‮ ‬پاركەكان هەوڵی‮ ‬چاندنی‮ ‬نەمامی‮ ‬بۆ دەدەن،‮ ‬دەربارەی‮ ‬دوایین هەڵمەتی‮ ‬نەمام چاندن لەشەقامی‮ ‬هەولێر ژ مەخمور‮ ‬ئەندازیار عەبدولواحێد‮ ‬ئەحمەد بەڕێوەبەری‮ ‬ئەندازەی‮ ‬پاركەكانی‮ ‬هەولێر گوتی‮: ‬ساڵانە چەندین هەڵمەتی‮ ‬نەمام چاندن لە شوێنە جیاجیاكانی‮ ‬هەولێر ئەنجام دەدەین وەك هەڵمەتی‮ ‬نەمام چاندن لە شەقامی‮ ‬هەولێر-مەخمور كە ماوەیەكی‮ ‬زۆربوو ئەو شەقامە پێویستی‮ ‬بە چاندنی‮ ‬نەمام و سەوزكردن هەبوو،‮ ‬ئەوەبوو بەهەوڵ و كۆششی‮ ‬ئەندازەی‮ ‬پاركەكان توانرا شەقامی‮ ‬مەخمور بەچاندنی‮ ‬نەمام جوان بكەین ئەو شەقامە‮ ‬ماوەیەك بوو لە سەوزایی‮ ‬بێبەش كرابوو ئێمە هەوڵماندالە شەقامەكە‮ ‬30 ‮ ‬هەزار نەمام بچێنین ئەویش بە پاڵپشتی‮ ‬و هاو ئاهەنگی‮ ‬وەزارەتی‮ ‬شارەوانی‮ ‬و چەند شارەوانیەكی‮ ‬ناو گەڕەكەكان‮ ‬و لە پلان و بەرنامەشدایە ژمارەیەك پارك و باخچە لە هەولێر دروست بكەین بەبێ جیاوازی‮ ‬وهەڵمەتی‮ ‬ئەمجارە لەشەقامی‮ ‬100 ‮ ‬مەتری‮ ‬دارو نەمام چاندراوە تا گەڕەكی‮ ‬مامزاوە جگە لەوەش هەوڵمانداوە ناوەندە شەقامەكانیش سەوزبكەین ئەگەرچی‮ ‬ئەو شوێنە ناوچەی‮ ‬پیشەسازی‮ ‬باشوورەو هاووڵاتیان بەردەوام گلەیی‮ ‬لە پیسبوونی‮ ‬ژینگەی‮ ‬ئەو شوێنە دەكەن بەهۆی‮ ‬هەبوونی‮ ‬دەیان كارگەی‮ ‬جۆراوجۆرو زۆرجار ژینگەی‮ ‬ئەو ناوچەیە تەپ و تۆزاویەو چاندنی‮ ‬نەمام و دروستكردنی‮ ‬پارك و باخچە بۆ ئەو ناوچەیە زۆر گرنگە،‮ ‬بۆیە ئێمە بەدرێژایی‮ ‬5 ‮ ‬كیلۆ مەتر لەناوەندە شەقامەكە‮ ‬نەمام چاندران ئەگەرچی‮ ‬لەكاتی‮ ‬نەمام چاندن چەندین كێشەو كەموكوڕی‮ ‬هاتە بەردەمی‮ ‬كارەكانمان،‮ ‬بەڵام هەوڵماندا هەموو كێشەكان چارەسەر بكەین و داری‮ ‬تەسبیح و سنەوبەرو ئەدۆنیا لەلایەن كارمەندانەوە بەجوانی‮ ‬خزمەت دەكرێت و ئاودانی‮ ‬بەردەوامی‮ ‬بۆ دەكەن و ئەو دارونەمامانەش بەرهەمی‮ ‬نەمامگەكانی‮ ‬خۆمانە‮.‬
هەڵمەتی‮ ‬دیكەی‮ ‬نەمام چاندن لەبەرنامەدایە
دواتر ئەندازیار عەبدولواحێد ئەحمەد بەڕێوەبەری‮ ‬ئەندازەی‮ ‬پاركەكانی‮ ‬هەولێر دەربارەی‮ ‬هەڵمەتی‮ ‬دیكەی‮ ‬نەمام چاندن‮ ‬ڕوونیكردەوە‮: ‬بۆ زیاتر گرنگیدان بەو دارو درەختانە‮ ‬لەو شەقامە‮ ‬سیستەمی‮ ‬ئاودێری‮ ‬دڵۆپاندن دانراوە تا نەمامەكان نەفەوتێت و پێشتریش چەندین نەمامی‮ ‬جۆراو جۆرمان لەشەقامەكان چاندووە ئەگەر هاتوو نەمامێك فەوتا‮ ‬ئەوا هەوڵ دەدەین نەمامێكی‮ ‬دیكەی‮ ‬لەشوێنی‮ ‬دابنێن دیارە ئەو هەڵمەتە درێژەی‮ ‬هەیە هەوڵ هەیە هەڵمەتی‮ ‬دیكەی‮ ‬نەمام چاندن ئەنجام بدەین و لەچوارچێوەی‮ ‬بەرنامەو پلانی‮ ‬چوارساڵەی‮ ‬كابینەی‮ ‬تازەی‮ ‬حكومەتی‮ ‬هەرێمی‮ ‬كوردستان بڕیاروایە بایەخێكی‮ ‬تەواو بەپارك و باخچەكان بدرێت بۆ ئەو مەبەستەش خودی‮ ‬وەزیری‮ ‬شارەوانی‮ ‬پاڵپشتی‮ ‬تەواو لەكارەكانمان بكرێت لەهەگبەدایەو كۆمەڵێك پڕۆژە هەن‮ ‬ئومێدەوارین بە زوویی‮ ‬جێبەجێ بكرێت گەڕەكە تازەكانیش فەرامۆش ناكرێت و داواش لە هاووڵاتیان دەكەین كە پارێزگاری‮ ‬لە دارو درەخت بكەن‮ ‬تا ژینگەیەكی‮ ‬پاك و خاوێنیان هەبێت و پێویستە هاووڵاتیان نەمام لەبەردەمی‮ ‬ماڵەكانیان بچێنن تا‮ ‬ڕێژەی‮ ‬سەوزایی‮ ‬زیاتربێت لەكۆتاییدا سوپاسی‮ ‬سەرۆكی‮ ‬شارەوانی‮ ‬هەولێر دەكەین كە پاڵپشتیمان لێ دەكات وزۆرجار هاوكاری‮ ‬كردووین بە دابینكردنی‮ ‬پێداویستی‮ ‬بۆ پارك و باخچەكان و هەڵمەتەكانی‮ ‬نەمام چاندن درێژەی‮ ‬هەیە‮.‬