سەباح بەیتوڵڵا
پشتی‮ ‬هەلبوونا چریسكا شۆڕشا‮ ‬نیشتیمانیا مەزنا ئیلونێ ب سەركردایەتیا‮ ‬پارتیامە پارتی‮ ‬دیموكراتی‮ ‬كوردستان و ب رێبەریا مستەفا بارزانیێ نەمر و دەركەفتنا راست ودروستیا دۆزا مللەتێ مە‮ ‬بۆ دونیایێ و كوردستانێ و بوویە كەلها ئازادیخواز و ئاشتیخوازا‮ ‬بۆ هەمی‮ ‬نەتەوا و ئول و ئایینا،‮ ‬دوژمنان هەمی‮ ‬پێكول كرن سیمایێ ڤێ شورەشێ بەروڤاژی‮ ‬نیشا رەئیا نافخو و عەرەبی‮ ‬و دەرڤە بدەن و ئەو زولم و زوریا كو ددەرحەقی‮ ‬گەلی‮ ‬كورد دهاتە كرن ڤەبشێرن‮.‬
سەركردایەتیا پارتی‮ ‬دیموكراتی‮ ‬كوردستان و سەروك بارزانی‮ ‬هزر ل هندێ كر كو پێدڤی‮ ‬یە ئامرازەكێ‮ ‬ڕاگەهاندنێ هەبیت بۆ بەرسڤ دانا درو دەلەسە و بوختانێت رژێما داگیركەر و فاشیست و دەرئێخستنا روویێ گەشێ‮ ‬ڕاست و دروستیا دۆزا مللەتێ مە و شورشا مەزنا ئیلونێ و نیشادانا وێ جینوسایدا دژی‮ ‬كوردا دهێتە كرن‮ .‬
ئەڤە بوو‮ ‬ل‮ ‬28‮/‬9‮/‬1963 ‮ ‬دەنگێ كوردستانێ هاتە دامەزراندن‮ ‬و شەپولێت وێ گەهشتنە سەرتاسەرێ كوردستانێ‮ ‬و دەڤەرێ‮ ‬و‮ ‬ڕاستی‮ ‬خویا كرن‮ ‬و بۆ سكرەكێ موكم‮ ‬بەرامبەر پیلان و درەو‮ ‬و بوختانێت رژێما فاشی‮ ‬و روی‮ ‬ڕەشیا رژێمێ بۆ دونیایێ ئاشكرا كر كە چ‮ ‬دوژمنەكێ هۆڤ و درندەیە بەرامبەر ب مللەتێ كورد‮.‬
رژێم‮ ‬تویشی‮ ‬حێبەتیەكا مەزن بوو و رویێ‮ ‬ڕەشێ وێ لبن پەردێ‮ ‬دەركەفت‮ ‬و گەهشتە وی‮ ‬ئاستی‮ ‬گەلەك ژ عەشیرەتێت عەرەبا بریارا‮ ‬رژێمێ‮ ‬رەت كرەڤە كو چەكی‮ ‬هەلبگرن‮ ‬دژی‮ ‬كوردا و گەلەك ژ بەروكێت عەسكەری‮ ‬رەڤین و گەهشتنەڤ شورەشا گەلێ كورد و كاریگەریەكا گەلەكا مەزن لسەر رەئیا نافخو و دەوروبەرا و دەرڤە دروست كر‮ ‬،‮ ‬دەنگێ كوردستانێ بۆ نارنجوكەك بناڤ چاڤێت دۆژمن و داگیركەرێن كوردستانێ ڤە و بوو ئومێد و سەمیان بۆ گەلێ كورد و هەمی‮ ‬ئازادیخواز و ئاشتی‮ ‬خوازا و بو بلندگویا شۆڕشێ و شۆڕشگێریێ‮.‬
دەنگێ كوردستانێ قوتابخانەیەكا مەزن بوو‮ ‬بو بلندكرنا هەستا نەتەوایەتی‮ ‬و نیشتیمانپەروەریێ و بلند‮ ‬ڕاگرتنا دل گەرمیا پێشمەرگەی‮ ‬ل چەپەرێن بەرخوەدانێ دا و ببوو ماموستایەك بۆ تێگەهاندنا جەماورێ كوردستانێ ل هەمی‮ ‬باژێرو گوندا ل سەر وێ زولم و زوریا دەرحەقی‮ ‬وی‮ ‬دهێتە كرن و هوشیاركرنا وی‮ ‬بۆ شۆڕشێ و بەرخودانێ‮ .‬
دوژمنی‮ ‬هەمی‮ ‬پێكول كرن بۆ نەهێلانا ڤی‮ ‬دەنگەیی‮ ‬چ ب بومبەبارانكرنێ ژلایێ فروكانڤە‮ ‬یان ژی‮ ‬دانانا جیهازێت تەشویشێ‮ ‬چونكی‮ ‬باش دزانی‮ ‬چ كاریگەریەكا مەزن هەیە و چ برینەكا مەزن ئێخستیە لەشێ وێ و چەوا بەرامبەر دونیایێ روی‮ ‬ڕەش و شەرمەزار كری‮ ‬یە‮.‬
ل هەمی‮ ‬دان وستاندنێت خودا دگەل سەركردایەتیا پارتی‮ ‬دیموكراتی‮ ‬كوردستان‮ ‬ئێك ل مەرجێت رژێمێ‮ ‬ڕاگرتنا‮ ‬دەنگێ كوردستانا عیراقێ بوو‮ ‬،‮ ‬دڤێرەدا خویا دبیت كو چ كاریگەری‮ ‬هەبوویە‮ .‬
دەنگێ كوردستانێ هەمی‮ ‬سنوور بەزاندن و پەیاما خو‮ ‬یا راستەقینە گەهاندە وان قەهرەمان و خودان بیروباوەرا كو د زیندانێت رژێمێ دا بوون‮ ‬،‮ ‬ڤی‮ ‬دەنگێ زەلال‮ ‬پەیاما ئومێدیێ ب رزگاریا كورد وكوردستانێ هەلگرتبوو‮ ‬كو سەر ب هەمی‮ ‬دوژمن و داگیركەرا چەماندی‮ ‬و دەست ل مافێن كوردا بەرنەدایی‮ ‬وتەنازول ل بوهستەكا ئاخا پیرۆزا كوردستانێ‮ ‬نەكری‮ ..‬
دەنگێ كوردستانێ تاكە دەنگە ل كوردستانێ كو ‮ ‬56 ‬ساڵە بێ‮ ‬ڕاوەستان دگورەپانا‮ ‬خەباتێ دایە و‮ ‬ڕوژەكێ ل‮ ‬ڕۆژان‮ ‬ڕامانا ترسێ و ماندیبوونێ‮ ‬نەزانی‮ ‬یە و حەتا نهۆ ژی‮ ‬هەر‮ ‬یا بەردەوامە‮ ‬و ئەنتینا وێ ژی‮ ‬رۆژ ب رۆژێ بلندتر دبیت و خوشەویستیا وێ روژ ب روژێ بەرفرەهتر دبیت و هەمی‮ ‬نەتەوە و ئول و ئایینێن كوردستانێ ب دەنگێ خۆ دزانن چونكی‮ ‬دەنگی‮ ‬هەمیا بوو و بەرنامێن وێ ب كوردی‮ ‬و عەرەبی‮ ‬و توركمانی‮ ‬و ئاشوری‮ ‬بوون لەوما جهێ خوشەویستیا هەمیان بوو‮..‬
دەنگێ كوردستانێ جهێ پویتە پێ دانەكا مەزن بوو ل سەر دەمێ شورشا مەزنا ئیلونا نیشتیمانی‮ ‬ب تایبەت ژلایێ بارزانیێ‮ ‬نەمر‮ ‬،‮ ‬ل سەردەمێ شورشا گولانا پێشكەفتنخواز‮ ‬ژی‮ ‬هێژا سەروك مەسعود‮ ‬بارزانی‮ ‬چاڤدێریەكا رۆژانە‮ ‬یا دەنگێ كوردستانێ دكر و گرنگیەكا مەزن پێ ددا‮ ‬،‮ ‬چونكی‮ ‬تاكە ئامراز بوو دەنگێ كوردا بگەهینیت‮ ‬،‮ ‬ل سەر دەمێ شورشا گوڵانێ ژی‮ ‬چەندین جاران بارەگایێ دەنگێ كوردستانێ هاتە توپ بارانكرن‮ ‬و بومبەبارانكرن‮ ‬ژلایێ بالەفرێت دۆژمنی‮ ‬ڤە و چەندین هەڤال و پێشمەرگێت ئیزگەی‮ ‬شەهید بوون و ژوانا ژی‮ ‬شەهید محمدامین و محسن نێروەیی‮ ‬ل دەمێ بومبەبارانكرنا‮ ‬بارەگایی‮ ‬دەنگێ كوردستانێ ل دەڤەرا خرێنەیی‮ .‬
دەنگێ كوردستانێ رولەكێ سەرەكی‮ ‬هەبوو ل سەرهلدانا سالا‮ ‬1991ێ و حەتا ئەڤرۆ ژی‮ ‬رولێ وێ هەری‮ ‬مەزن و مەزنە‮ . ‬دەنگێ كوردستانێ قوتابخانەیەك بوو بۆ پێگەهاندنا كادرا و زوربەیا ئەندامێن سەركردایەتیا پارتیا مە و پارتێن دیتر ژی‮ ‬دەرچوویێن قوتابخانادەنگێ كوردستانێ بووینە‮ ‬،‮ ‬سەرەرای‮ ‬كاودانێن سەخت و دژوار‮ ‬یێن كوردستانێ لسەر دەمێ هەردوو شورشادا دەنگێ كوردستانێ بەیاڤێن پەروەردەیی‮ ‬،‮ ‬جڤاكی‮ ‬،‮ ‬تەندروستی‮ ‬،‮ ‬ئایینی‮ ‬و هەمی‮ ‬بەیاڤێن ژیانێ بخوڤە گرتبوون و هەمی‮ ‬رۆژێ ئەڤ دەنگە مێهڤانێ هەمی‮ ‬چەپەرێن پێشمەرگە و هەمی‮ ‬گوندا و باژێرا بوو‮ ‬،‮ ‬هەر رۆژ پەیامەكا سەركەفتنێ ومزگینیێ‮ ‬ڕادگەهاند بۆ گەلێ كوردستانێ‮.‬
یا هەژی‮ ‬گوتنێ‮ ‬یە دڤێرێ دا بیرهاتنا چەندین هەڤالێن خۆ بكەینەڤە كو دەمەكێ دویرو درێژ ل ئیزگەی‮ ‬خزمەت كری‮ ‬یە و گیانێ خۆ‮ ‬ژ دەست دایە‮ ‬یان چووینە بەردلوڤانیا خودێ‮ ‬ژوانا ژی‮ ‬ماموستایێ نەمر فلك الدین كاكەیی‮ ‬و حمید سوری‮ ‬و عبدالخالق معروف و نیسانا ئوشانا و سەركەوت قەرەداغی‮ ‬و شەهید محمدامین ومحسن نێروەیی‮ ‬و چەندین شەهیدێن دیتر‮ .‬
ڕاستە تەمەنێ دەنگێ كوردستانێ‮ ‬56 ‬ساڵە و گەلەك كادر و پێشمەرگا تێدا خزمەت كری‮ ‬یە‮ ‬،‮ ‬لێ هندەكا بۆ دەمەكێ كورت‮ .. ‬بەلێ هندەك‮ ‬ژوانا ل نیڤا تەمەنێ دەنگێ كوردستانێ خزمەت كری‮ ‬یە و زەحمەتەكا مەزن كێشایە‮ ‬و رولێ وان بەرچاڤ بوویە و فەرە ئەڤە بێتە دەست نیشانكرن ورێزەكا تایبەت لێ بێتە گرتن‮ ‬،‮ ‬چونكی‮ ‬ددەلیڤێت گەلەك نەخوش و دژواردا خەبات دكر و دەست لێ بەرنەدا و دەنگێ وان و پێلێت ئیزگەی‮ ‬و دەنگێ سرودێن شورشگێری‮ ‬بوونە ترس و سەهمەكا مەزن بۆ دوژمنی‮ ‬،‮ ‬فەرە خزمەتا ڤانە ئەوێن تەمەنەكێ دویرو درێژ تێدا بوراندی‮ ‬و هەر هیچ نەبیت ژلایێ مەعنەویڤە رێز لێ بێتە گرتن و ب تایبەتی‮ ‬ژی‮ ‬ئەوێن كو گیانێ خۆ ل دەست دایین‮ .‬
‮ ‬56‮ ‬پەیڤێن پیرۆزباهیێ بۆ بیرهاتنا‮ ‬تە دەنگێ رەسەنێ كوردایەتیێ‮ ….‬
سلاڤ ل ل گیانێ پاقژێ شەهیدێن كورد و كوردستانێ و نەمازە شەهیدێن دەنگێ كوردستانێ و سەروەرێ وان بارزانیێ نەمر و ئیدریسێ جوانەمەرگ‮ ..‬
سلاڤ ل وان هەمی‮ ‬هەڤالێن دەنگێ كوردستانێ كو روژەكێ ل روژا تێدا خزمەت كربیت‮..‬
سلاڤ ل نەتەوا كورد كو دڤان رۆژاندا بیرهاتنا دەنگێ وێ بوویە و هەر بلند و بلند بیت دەنگ و پێل و ئەنتینا دەنگێ كوردستانێ‮.‬