شەهاب سەید نوری
بەم دواییانە پێشڤەچوونێكی‮ ‬سیاسی‮ ‬و نیازپاكی‮ ‬و لێك تێگەیشتن لە نێوان هەوڵێر و بەغدا دروست بوو،‮ ‬تا ئەو‮ ‬ڕادەیەی‮ ‬كە سەردانی‮ ‬شاندەكانی‮ ‬هەرێم بۆ عێراق و عێراق بۆ هەرێم و تاوتۆكردنی‮ ‬كێشەكان ئاماژەیەكی‮ ‬باش بوون بۆ نزیك بوونەوەی‮ ‬هەردوو لا بە مەبەستی‮ ‬چارەسەر كردنی‮ ‬كێشەكان،‮ ‬بەتایبەت سەردانی‮ ‬سەرۆك كۆمار و سەرۆكی‮ ‬پەڕلەمان و وەزیرانی‮ ‬دارایی‮ ‬و نەوت بۆ كوردستان و داڕشتن و گەڵاڵەكردنی‮ ‬ڕێككەوتنێك لە نێوانی‮ ‬هەردوو لا و گەڕانەوە بۆ دەستور و ناردنی‮ ‬بودجە بۆ هەرێم بە بێ مەرجی‮ ‬پێش وەختە،‮ ‬هەموو ئەمانە ئاماژی‮ ‬باش بوون و نیەت و نیازی‮ ‬باش بوون بە ئاراستەی‮ ‬چارەسەر كردنی‮ ‬كێشەكانی‮ ‬نێوان هەولێر و بەغدا‮.‬
هەروەها لەلایەكی‮ ‬دیكەشەوە حزبە كوردستانییەكان لە چەند‮ ‬ڕۆژی‮ ‬ڕابورد لە كۆبوونەوەیەكی‮ ‬بەرفراواندا لیستی‮ ‬هاوپەیمانی‮ ‬كوردستانییان بۆ هەڵبژاردنەكانی‮ ‬ئەنجوومەنی‮ ‬پارێزگای‮ ‬كەركوك‮ ‬ڕاگەیاند و عەبدولرەحمان مستەفایان وەك سەرۆكی‮ ‬لیست دیاری‮ ‬كرا‮.‬
وێدەچێ كە ئەم پێشڤەچوونانە لە نێوان هەولێر و بەغدا و نزیك بوونی‮ ‬كێشەكان لە چارەسەری‮ ‬بوونەتە مایەی‮ ‬نیگەرانی‮ ‬بۆ لایەنە شۆڤینییەكان و ئەو ئەجیندانەی‮ ‬كە لە پشت خۆپێشاندانەكانن،‮ ‬ئەو لایەنانەی‮ ‬كە ناسەقامگیری‮ ‬عێراق لە بەرژەوەندی‮ ‬ئەواندایە و دەبێتە مایەی‮ ‬بڵاوەبوون و زیادبوونی‮ ‬هەژموونی‮ ‬ئەوان لە عێراق و دەڤەرەكەدا‮.‬
شاراوەنییە كە ناسەقامگیری‮ ‬و لاواز بوونی‮ ‬حكوومەتی‮ ‬بەغدا لەبەرژەوەندی‮ ‬كەسدا نییە‮ (‬بێجگە لە ئەجندای‮ ‬دەرەكی‮ ‬دژ بە عێراق‮)‬،‮ ‬خواست و داواكارییەكانی‮ ‬خۆپێشاندەران لە چاكسازی‮ ‬و بەرەنگار بوونەوەی‮ ‬گەندەڵی‮ ‬و فەراهەم كردنی‮ ‬هەلی‮ ‬كار بۆ گەنجان و پەرەپێدانی‮ ‬كەرتی‮ ‬تەندروستی‮ ‬و پیشەسازی‮ ‬و بازرگانی‮ ‬و پاراستنی‮ ‬سەروەری‮ ‬و سەربەخۆی‮ ‬عێراق دوور لە هەژموون و ژێر دەستی‮ ‬وڵاتانی‮ ‬دەوروبەر و‮…‬هتد،‮ ‬هەموو ئەم خواست و داواكارییانە،‮ ‬خواستی‮ ‬كەڵەكەبووی‮ ‬چەندین ساڵی‮ ‬ڕابردووە بەر لە حكوومەتی‮ ‬عادل عەبدولمەهدی‮ ‬كە پشتگوێ خرابوون،‮ ‬بۆیە پێویستە بەشێوەیەكی‮ ‬جیدی‮ ‬و بەپەلە بیر لە چۆنیەتی‮ ‬جێبەجێ كردنی‮ ‬خواستی‮ ‬خۆپێشاندەران‮ ‬و چارەسەركردنی‮ ‬كێشە ناوخوییەكان بكرێ‮.‬
چارەسەر كێشەكان و پاراستنی‮ ‬سەروەری‮ ‬عێراق و پتەوبوونی‮ ‬پەیوەندییەكانی‮ ‬نێوان هەولێر و بەغدا،‮ ‬درز و كەلێنەكانی‮ ‬نێوانیان بنبڕدەكات،‮ ‬ئەو كات وڵاتانی‮ ‬دەوروبەر و ولایەنە نەیارەكانی‮ ‬عێراق توانا ئەوەیان نابێت بخزێنە نێو ناوەندی‮ ‬بڕیاری‮ ‬سیاسی‮ ‬عێراق و ئەجندای‮ ‬سیاسی‮ ‬ئەقلیمی‮ ‬خۆیان بەسەر عێراق و دەڤەرەكەدا بسەپێنن‮.‬
كەواتە خواست و بەرژەوەندی‮ ‬ئەجندای‮ ‬ئەقلیمی‮ ‬لەوەدایە كە دەسەڵات و حكوومەتی‮ ‬عێراق لاواز و لێك ترازاوبێت هەروەها پەیوەندی‮ ‬نێوان هەولێر و بەغدا ئاڵۆز و ناسەقامگیربێت،‮ ‬هەر‮ ‬بۆیە لەودیوی‮ ‬سنوورەوە بە بەرنامە و لە ژێر ناوی‮ ‬ناونیشانی‮ ‬خزمەتگوزاری‮ ‬و بێ كاری‮ ‬و گەندەڵی‮ ‬و چەند دروشمێكی‮ ‬دیكە،‮ ‬خەڵكیان ئاراستە كردووە بە تێكدانی‮ ‬ئارامی‮ ‬و هەوڵدان لەپێناو پەكخستنی‮ ‬حكوومەتی‮ ‬عێراق و پەكخستن و لەبار بردنی‮ ‬ئەو هەوڵەی‮ ‬ئێستا لە ئارادایە لەپێناو گەڕانەوە بۆ دەستوور و چارەسەركردنی‮ ‬كێشە هەڵپەسێردراوەكانی‮ ‬نێوان هەولێر و بەغدا‮. ‬بۆیە پێویستە كورد لە ئامادەباشیدابێت بۆ هەموو ئامانج‮ ‬و ئەنجامێكی‮ ‬ئەم دۆخەنالەبارە‮.‬