خه‌بات‮: ‬سەرهەنگ نەجمەدین:-
بەرواری‮ ‬19/9 كاروانی‮ ‬خولی‮ ‬نایابی‮ ‬تۆپی‮ ‬پێی‮ ‬عێراق لەسەرتاسەری‮ ‬شارەكان بەرێوەچوو،‮ ‬لەیەكەمین‮ ‬یاریدا و لە‮ ‬یاریگای‮ ‬نێو دەوڵەتی‮ ‬فرەنسۆ هەریری،‮ ‬یانەی‮ ‬وەرزشی‮ ‬هەولێر میوانداری‮ ‬لەیانەی‮ ‬وەرزشی‮ ‬نەفتی‮ ‬باشوور كرد،‮ ‬هەولێر لەنێو‮ ‬یاریگا وهاندەرانی‮ ‬خۆیدا لەیەكەمین‮ ‬یاری‮ ‬خۆیدا بەرانبەر‮ ‬یانەی‮ ‬نەفتی‮ ‬باشوور بەبێ گۆڵ‮ ‬یەكسانبوون‮.‬
هەولێر بەسەرپەرشتی‮ ‬ئەكرەم سەڵمانی‮ ‬ڕاهێنەر لەیەكەمین‮ ‬یاری‮ ‬و لەیەكەمین گەڕی‮ ‬خولەكەدا متمانەی‮ ‬لەسەر پێكهاتەیەك كرد كە خۆی‮ ‬بروای‮ ‬پێ هەبوو،‮ ‬بەتایبەتی‮ ‬لەهێڵی‮ ‬هێرشبردن هەر‮ ‬یەك لەیاریزانان حسین عەبدولواحد،ئاسۆ رۆستەم،كریستوفر،بارزان شێرزاد لەئاستی‮ ‬خۆیاندا نەبوون كە بتوانن تۆری‮ ‬تیپی‮ ‬بەرانبەر بهەژێنن،‮ ‬ئەگەرچی‮ ‬تیپی‮ ‬میوان واتە نەفتی‮ ‬باشوور تیپێكی‮ ‬ئاسان نییە،‮ ‬بەڵام هەولێر لەنێو‮ ‬یاریگاو هاندەرانی‮ ‬خۆیدا نەیتوانی‮ ‬لەیەكەمین تاقیكردنەوەدا سەركەوتن بەدەست بهێنێت و دڵی‮ ‬هاندەران جۆش و خرۆش بكات،‮ ‬بەمشێوەیە هەردوو گێمی‮ ‬یارییەكە بەبێ گۆڵ تۆمار كردن كۆتایی‮ ‬هات و هەردوو‮ ‬یانە بەخالێكی‮ ‬یارییەكە بەناچاری‮ ‬رازی‮ ‬بوون،‮ ‬هەولێریش بەم ئەنجامە تەنها‮ ‬یەك خاڵی‮ ‬وەڕگرت و وبۆ‮ ‬یاری‮ ‬داهاتوو واتە ئەم پێنجەشەمەیە هەولێر دەبێتە میوانی‮ ‬كارەبا لەشاری‮ ‬بەغدا‮.‬
لەیاری‮ ‬دووەمدا‮ ‬یانەی‮ ‬زاخۆ لەشاری‮ ‬بەسرە‮ ‬ڕووبەرووی‮ ‬یانەی‮ ‬مینا بووەوە،‮ ‬یانەی‮ ‬مینای‮ ‬خاوەن‮ ‬یاریگا و هاندەر توانیان ئەنجامی‮ ‬یارییەكە لەبەرژەوەندی‮ ‬خۆیان كۆتایی‮ ‬بهێنن و بەئەنجامی‮ ‬تاكە گۆڵێكی‮ ‬بێ وەڵام لەزاخۆ ببەنەوە،‮ ‬بەم ئەنجامە‮ ‬یانەی‮ ‬مینا لەیەكەمین‮ ‬یاریدا‮ ‬3 خاڵی‮ ‬گرینگی‮ ‬دەستەبەر كرد‮.‬
ئەنجامی‮ ‬یارییەكانی‮ ‬دیكە بەمشێوەیەبوو‮:‬
كەرخ‮ ‬3* تەڵەبە‮ ‬2
نەجەف‮ ‬2* كەربەڵا‮ ‬2
ئەلقاسم‮ ‬1* نەفت‮ ‬0
نەفتی‮ ‬ناوەراست‮ ‬3* دیوانیە‮ ‬1
شورتە‮ ‬2* حدود‮ ‬1