خه‌بات‮: ‬سەرهەنگ نەجمەدین:-
خولێكی‮ ‬خلیسكانی‮ ‬سەربەفر لەشاری‮ ‬هەولێر كرایەوە،‮ ‬خولەكە ماوەی‮ ‬یەك مانگی‮ ‬خایاند و زیاتر لە25 یاریزانی‮ ‬كوڕان و كچانی‮ ‬ئەو‮ ‬یارییە بەشداریان تێدا كرد‮. ‬
حاجی‮ ‬ئاغا زراری‮ ‬بەرپرسی‮ ‬پەیوەندییەكانی‮ ‬سمایلاند لەبارەی‮ ‬ئەنجامدانی‮ ‬خولەكە بۆ خەبات‮ ‬ڕایگەیاند‮: ‬ئەمەیان‮ ‬یەكەمین و دواهەمین خولی‮ ‬فێركاری‮ ‬نییە بۆ‮ ‬یاریزانان و ئارەزوومەندانی‮ ‬ئەو‮ ‬یارییە دەكەینەوە،‮ ‬ئێمە ماوەی‮ ‬چەند ساڵێكە بەبەردەوامی‮ ‬بەهەوڵ وكۆششی‮ ‬هەموو لایەك خولی‮ ‬جۆراو جۆری‮ ‬وەرزشی‮ ‬و هونەری‮ ‬بۆ كچان وكوڕانی‮ ‬شاری‮ ‬هەولێر رێكدەخەین،‮ ‬مەبەست لەسازدانی‮ ‬ئەم جۆرە خولانە تەنها بەرەو پێشبردن و بایەخ و گرنگیدانە بەئاست و توانای‮ ‬گەنج و مناڵانی‮ ‬نێو شارەكەمان،‮ ‬بۆیە تا لە توانامدابێت هەموو ساڵێك خولی‮ ‬جۆراوجۆری‮ ‬وەرزشی‮ ‬بۆ گەنجان و‮ ‬یاریزانان رێكدەخەین‮.‬

هەروەها گوتی‮: ‬لەرێگەی‮ ‬كردنەوی‮ ‬ئەم جۆرە خولانە لەیارییە جۆراوجۆرەكان تائێستا چەندین‮ ‬یاریزانی‮ ‬ئاست بەرز و بەتوانامان دروست كردووە و هەر‮ ‬هەمووان دەتوانن بەشداری‮ ‬سەرجەم خول و پاڵەوانیەتیەكانی‮ ‬كوردستان و عێراق بكەن‮.‬

جێی‮ ‬باسە‮ ‬یاری‮ ‬خلیسكانی‮ ‬سەربەفر لەچەندین وڵات پێشكەوتنێكی‮ ‬یەكجار بەرزی‮ ‬بەخۆیەوە بینیوە،‮ ‬لەوڵاتی‮ ‬ئەمریكاش بەخۆشترین و سەرنجراكێشترین‮ ‬یاری‮ ‬سەیر دەكەرێت و هەموو سالێكیش لەم وڵاتە گەورەترین فیستیڤاڵی‮ ‬وەرزشی‮ ‬لەسەر‮ ‬یاری‮ ‬خلیسكانی‮ ‬سەربەفر بۆ هاوڵاتیان و وەرزشوانان ئەنجام دەدرێت‮.‬