سەگڤان بەهجەت
دگەل هەلبژارتنا نێچیرڤان بارزانی‮ ‬وەكو سەروكێ نوی‮ ‬یێ هەرێما كوردستانێ دەنگڤەدانەكا مەزن‮ ‬یا نیڤدەولەتی‮ ‬لە پەی‮ ‬خوە ئانی‮ ‬وپشتەڤانی‮ ‬یەكا مەزن لێ هاتەكرن وئەڤەژی‮ ‬دبیتە دەستپێكەكا گرنگ‮ ‬یا سیاسی‮ ‬بو هەرێما كوردستانێ ب تایبەت پشتی‮ ‬ڤان قەیرانێن هەرێم تێدا بوری‮ ‬وەكی‮ ‬هاتنا شەرێ داعش و قەیرانێن دارایی‮ ‬وبرینا بودجەی‮ ‬ژلایێ حكومەتا ناڤەندی‮ ‬و دەرهاڤێشتەیێن گشتپرسیێ،‮ ‬د نوكەدا قوناغەكانوی‮ ‬ژبو هەرێما كوردستانێ هاتیە ڤ پێش ژبو مفا وەرگرتن ژ ڤان پەیوەندیێن نیڤدەولەتی‮ ‬ژبوو دووبارە بهێزكرنا پێگەهێ هەرێما كوردستانێ چ ل سەرئاستێ نیڤدەولەتی‮ ‬وچ ل سەر ئاستێ نافخوە‮.‬

وەكی‮ ‬یاخویا ژبوڤێ‮ ‬یەكێ ژی‮ ‬بەرێز سەروكێ هەرێما كوردستانێ سەردانەكافەرمی‮ ‬كر بو پاریسا پایتەختی‮ ‬فرەنسا،‮ ‬كو فرەنسا ب دەولەتەكا بهێز‮ ‬یا ئەوروپایێ دهتە نیاسین وئەنداما هەردەمكی‮ ‬یا جڤاتا ئاسایشا ئەولەكاری‮ ‬یا نیڤدەولەتی‮ ‬یە وپەیوەندیین هەرێما كوردستانێ و فرەنسا پەیوەندیێن مێژوویی‮ ‬نە ب تایبەت پشتی‮ ‬كو فرنسا بریارا ژ مارە688 بریە جڤاتا ئاسایشا نیڤدەولەتی‮ ‬كو ل‮ ‬25/4/1991ئەڤ بریارە هاتیە پەژراندن كو تێدا كێشەیا كوردان بەرەڤ قوناغەكا نوی‮ ‬چوو وجورەك ژ گرنتیا نیڤدەولەتی‮ ‬ژبو خوەبرێڤەرنا هەرێما كوردستانێ دروست بوو،وهەمی‮ ‬گەلێن‮ ‬بن دەست وئەڤ بریارە ژبوو پاراستنا گەلان بوو ژ بن دەستێن رژێمێن دكتاتور‮.‬

ئەڤ پەیوەندیێن هەرێما كوردستانێ و فرەنسا بەردەوام بەرەڤ پێشڤەچونێ چون ودماوێ چەند ساڵین بوری‮ ‬دا ب تایبەت ددەما دەستپێكا شەرێ داعش دا چەندین سەرەدانێن گرنگ و دیروكی‮ ‬دناڤبەرا هەردوو ئالیان دا هاتنە ئەنجام دان فرەنسوا ئولاند وەكو ئیكەم سەروك كومارێ فرەنسا‮ ‬سەرەدانا‮ ‬هەرێما كوردستانێ كر و ژلایێ بەرێز سەروك مسعود بارزانی‮ ‬ڤە ل وی‮ ‬دەمی‮ ‬هاتە پێشوازی‮ ‬كرن و فرانسوا ئولاند رولێ پێشمەرگێ كوردستانێ بەرز راگرت دشەرێ دگەل داعش دا‮.‬

وهەروەسا فرەنسا رولەكێ كاریگەر دیت ددەربارا شكاندنا ئابلوقەیێن سیاسی‮ ‬و ئابووری‮ ‬ل سەر هەرێما كوردستانێ و هەردیسان د ئالكاریكرنا هێزێن پێشمەرگەی‮ ‬دا،ولێ روژا‮ ‬10ڤێ مانگێ دا ژی‮ ‬بوو دوبارە خورتكرنا ڤان پەیوەندی‮ ‬یا بەرێز نێچیرڤان بارزانی‮ ‬ل كوشكا ئیلیزێ دگەل بەرێز‮ ‬ماكرون سەروكێ فرەنسا جڤیا و دڤێ جڤینێ دا گەلەك خالێن گرنگ ئاماژە پێ هاتەكرن وەكی‮ ‬قوناغا پشتی‮ ‬شەرێ داعش ورێگری‮ ‬گرن ل دوبارە سەرهلدانا داعش و هەروەسا بەحس ل سەر پەیوەندیێن هەولێر و بەغدایێ هاتەكرن كو هەردوو سەروك واقع بینانە ژ بوو كو ب رێگا ئاشتیێ و دیالوگێ كێشەیێن دناڤبەرا بەغدایێ و هەولێرێ بهێنە چارەسەركرن و سیاسەتا بەرێز نێچیرڤان بارزانی‮ ‬جهێ بایەخەكا گرنك بو ژبوو رایەدارێن فرەنسا كو هەولا ئاشتیانە ودبلوماسی‮ ‬ژبوو چارەسەركرنا كێشەیان دا،‮ ‬فرەنسا دیاركركو دڤێ دەربارێ دا دێ پشتەڤانیا تەمام‮ ‬یا هەرێما كوردستانێ كەت و هەروەسا‮ ‬ئالیەكێ دن‮ ‬یێ گرنگێ ڤێ جڤینێ كو سەروكێ هەرێما كوردستانێ دا دیاركرن ژبو پتر خورتكرنا پەیوەندیێن ئابووری‮ ‬و ژبو راكێشانا بەرژەوەندی‮ ‬یان ژبوو هەرێما كوردستانێ و هانا كومپانیێن فرەنسا ددەین ژبو كو وەبەرهێنانێ ل هەرێما كوردستانێ بكەن كو ئەڤێ چەندێ ژی‮ ‬گرنگی‮ ‬یەكا زورا هەیە ژبو بهێزكرنا پێگەهێ هەرێما كوردستانێ و پێشڤەچونا پەیوەندیێن هەردوو ئالیان ل سەر بنەمایێ دەستوور و رێزگرتنا بەرژەوەندیێن هەڤپشك‮.‬