خەبات‮ – ‬مەریوان نەقشبەندی
گرێتا ڤان ستێرن‮ ‬یەكێك لە بەناوبانگترین رۆژنامەنووسانی‮ ‬ئەمەریكا و جیهان لەسەر گۆڕانكارییەكانی‮ ‬رۆژهەڵاتی‮ ‬ناوەڕاست و شەڕی‮ ‬داعش و رۆڵی‮ ‬كورد لە ناوچەكەدا بۆ خەبات دەدوێت و تەئكید دەكاتەوە كە سەردانی‮ ‬بۆ شاری‮ ‬هەولێر و دواتریش خوێندنەوەی‮ ‬بارودۆخی‮ ‬سیاسی‮ ‬ناوچەكە كۆمەڵێك پێشبینی‮ ‬و بڕوای‮ ‬لا دروستكردووە كە كورد فاكتەری‮ ‬بەهێزی‮ ‬ئاشتییە لە ناوچەكەدا و پێویستە كۆمەڵگەی‮ ‬نێودەوڵەتی‮ ‬بە چاوی‮ ‬ڕێزەوە لە خەونەكانی‮ ‬كورد بڕوانێت‮. ‬
خاتو گرێتا كە‮ ‬یەكێكە لە بەتواناترین و دیارترن رۆژنامەنووسەكان كە چەندین بەرنامەی‮ ‬لە كەناڵە جیهانییەكانی‮ ‬وەك سی‮ ‬ئێن ئێن،‮ ‬فۆكس نیوز،‮ ‬سی‮ ‬بی‮ ‬ئێس،‮ ‬هەبووە و سەرۆكەكانی‮ ‬25ساڵی‮ ‬رابردووی‮ ‬ئەمەریكای‮ ‬لە بەرنامەكانی‮ ‬دواندووە لە لێدوانێكی‮ ‬تایبەت بە رۆژنامەی‮ ‬خەبات ئاماژەی‮ ‬بۆ‮ ‬ڕاهاتنی‮ ‬كورد لەگەڵ كێشەكانی‮ ‬ناوچەكە كرد و گوتی‮: ‬ئەو نەهامەتی‮ ‬و جینۆسایدەی‮ ‬بەسەر گەلی‮ ‬كورددا هاتووە بووەتە هۆی‮ ‬ئەوەی‮ ‬زیاتر لە گەلانی‮ ‬ناوچەكە لەبەردەم تەنگەژە سیاسی‮ ‬و ئابوورییەكاندا خۆڕاگربێت و من لە ساڵی‮ ‬2014‮ ‬لە هەولێر بە دیداری‮ ‬سەرۆك بارزانی‮ ‬گەیشتم و قسەكانی‮ ‬ئێجگار ئومێدبەخشبوون بۆ رۆژهەڵاتی‮ ‬ناوەڕاست و شرۆڤەی‮ ‬من بۆ قسەكانی‮ ‬سەرۆك بارزانی‮ ‬و ئەو مامەڵە مرۆڤانەی‮ ‬كە حكوومەت و خەڵكی‮ ‬كوردستان لەگەڵ ئەو هەموو ئاوارە مەسیحی‮ ‬و ئێزیدی‮ ‬و موسڵمانەی‮ ‬عێراق و سووریا و ناوچەكە دەیكەن وادەكات بگەمە ئەو قەناعەتەی‮ ‬كە دەوڵەتی‮ ‬كوردی‮ ‬لە ئایندەدا تەنها خواستی‮ ‬گەلی‮ ‬كورد نەبێت،‮ ‬بەڵكو گەلانی‮ ‬ناوچەكە و كۆمەڵگەی‮ ‬نێودەوڵەتیش بەزەروورەتی‮ ‬بزانن لەپێناو گەڕانەوەی‮ ‬سەقامگیریی‮ ‬و لەناوبردنی‮ ‬توندرۆیی‮ ‬لەناوچەكەدا‮. ‬
خاتو گرێتا بەشانازییەوە باسی‮ ‬پێشمەرگە و قارەمانێتی‮ ‬پێشمەرگەی‮ ‬لە شەڕی‮ ‬دژ بە داعشدا كرد و گوتی‮: ‬ئێستا پێشمەرگە هێمای‮ ‬ئازایەتییە و رەنگە هۆڵیود چیڕۆكەكانی‮ ‬سەركەوتنی‮ ‬پێشمەرگە بكەنە چەندین بەرهەمی‮ ‬گرنگ‮.