خەبات‮: ‬بڕیار كۆیی
ئەمڕۆ سێشەممە،‮ ‬2019/2/26‮ ‬دانیشتنی‮ ‬ژمارە‮ ‬1ی‮ ‬نائاسایی‮ ‬پەرلەمانی‮ ‬كوردستان بەرێوەدەچێت ئەمەش دوای‮ ‬ئەوەی‮ ‬لە چەند رۆژی‮ ‬ڕابردوودا لە پرۆسەیەكی‮ ‬دەنگداندا دەستەی‮ ‬سەرۆكایەتی‮ ‬پەرلەمان هەڵبژێردرا،‮ ‬بە پێی‮ ‬زانیارییەكان ئەو دانیشتنەی‮ ‬پەرلەمان تایبەتە بە پێكهێنانی‮ ‬لیژنەی‮ ‬یاسایی‮ ‬پەرلەمان و بەپێی‮ ‬گوتەی‮ ‬پەرلەمانتارێكی‮ ‬فراكسیۆنی‮ ‬پارتی‮ ‬دیموكراتی‮ ‬كوردستانیش،‮ ‬سەرجەم فراكسیۆنەكان ناوی‮ ‬بەربژێر و نوێنەری‮ ‬خۆیان بۆ ئەو لیژنەیە ناردووە جگە لە فراكسیۆنی‮ ‬یەكێتیی‮ ‬نیشتمانی‮ ‬كوردستان كە لە دانیشتنەكەی‮ ‬ڕابردووشدا بایكۆتی‮ ‬كرد‮.
‬
د‮. ‬ڕێبوار بابكەیی‮ ‬،‮ ‬ئەندامی‮ ‬فراكسیۆنی‮ ‬پارتی‮ ‬دیموكراتی‮ ‬كوردستان لە پەرلەمانی‮ ‬كوردستان بۆ‮ (‬خەبات‮) ‬گوتی‮: ‬كۆبوونەوەكەی‮ ‬ئەمڕۆ كۆبوونەوەیەكی‮ ‬نائاساییە و لەمیانەیدا لیژنەی‮ ‬یاسایی‮ ‬پەرلەمانی‮ ‬كوردستان پێكدەهێندرێت و دەنگی‮ ‬لەسەر دەدرێت‮. ‬سەبارەت بە ئەوەی‮ ‬ئاخۆ ئەندامانی‮ ‬فراكسیۆنی‮ ‬یەكێتیی‮ ‬نیشمانی‮ ‬كوردستان كە لە دانیشتنەكەی‮ ‬ڕابردوودا بایكۆتیان كرد،‮ ‬لەو دانیشتنەی‮ ‬ئەمڕۆ ئامادە دەبن‮ ‬یاخود نا،‮ ‬هەروەها نوێنەر و پشكی‮ ‬فراكسیۆنەكە لە لیژنەی‮ ‬یاسایی‮ ‬دەستنیشان دەكرێت‮ ‬یاخود نا؟ بابكەیی‮ ‬گوتی‮: ‬لیژنەی‮ ‬یاسایی‮ ‬پەرلەمان لە‮ ‬11‮ ‬ئەندام پێكهاتووە و پشكی‮ ‬فراكسیۆنی‮ ‬یەكێتیش دوو كورسییە لە كۆی‮ ‬ئەو‮ ‬11‮ ‬ئەندامە و بەپێی‮ ‬زانیارییەكانیش فراكسیۆنەكە لەو دانیشتنەی‮ ‬پەرلەماندا بەشداری‮ ‬ناكات،‮ ‬ئەگەر بەشداریی‮ ‬نەكەن ئەوا دەنگ لەسەر نۆ ئەندامی‮ ‬لیژنەكە دەدرێت و دوو كورسییەكەی‮ ‬تر كە پشكی‮ ‬یەكێتییە بە بەتاڵی‮ ‬دەهێڵدرێتەوە‮.‬

ئەو ئەندامەی‮ ‬فراكسیۆنی‮ ‬پارتی‮ ‬دیموكراتی‮ ‬كوردستان سەبارەت بە كاتی‮ ‬یەكلاییكردنەوە و پێكهێنانی‮ ‬لیژنەكانی‮ ‬دیكەی‮ ‬پەرلەمان گوتی‮: “‬ئێستا لەسەروبەرندی‮ ‬پێكهێنانی‮ ‬لیژنەی‮ ‬یاسایین و دوای‮ ‬ئەوەش كار لەسەر بابەتی‮ ‬هەمواركردنەوەی‮ ‬یاسای‮ ‬سەرۆكایەتی‮ ‬هەرێمی‮ ‬كوردستان دەكرێت و دامەزراوەیەكی‮ ‬گرنگی‮ ‬وەكو سەرۆكایەتی‮ ‬هەرێم كارا دەكرێتەوە ئینجا هەنگاوی‮ ‬دوای‮ ‬ئەوە بریتی‮ ‬دەبێت لە ناوزەندكردنی‮ ‬ڕێزدار مەسروور بارزانی‮ ‬بۆ پێكهێنانی‮ ‬كابینەی‮ ‬تازەی‮ ‬حكوومەت لە ماوەی‮ ‬سێ‮ ‬ڕۆژدا،‮ ‬ئینجا پەرلەمان سەرقاڵی‮ ‬پێكهێنانی‮ ‬14‮ ‬لیژنەكەی‮ ‬تری‮ ‬پەرلەمان دەبێت‮”. ‬لەلایەن خۆیەوە ماڵپەری‮ ‬فەرمی‮ ‬پەرلەمانی‮ ‬كوردستان بڵاویكردووەتەوە كە دەستەی‮ ‬سەرۆكایەتیی‮ ‬پەرلەمانی‮ ‬كوردستان،‮ ‬بەرنامەی‮ ‬كاری‮ ‬دانیشتنی‮ ‬ژمارە‮ (‬1‮)‬ی‮ ‬نائاساییی‮ ‬رۆژی‮ ‬سێشەممە رێككەوتی‮ ‬2019/2/26ی‮ ‬راگەیاندوو كە بەمشێوەیە دەبێت‮: ‬بەپێی‮ ‬حوكمی‮ ‬بڕگەی‮ (‬1‮)‬ی‮ ‬مادەی‮ (‬16) و مادەی‮ (‬47‮) ‬لە پەیڕەوی‮ ‬ناوخۆی‮ ‬پەرلەمانی‮ ‬كوردستان-عێراق،‮ ‬دەستەی‮ ‬سەرۆكایەتیی‮ ‬پەرلەمان،‮ ‬بڕیاریدا بەرنامەی‮ ‬كاری‮ ‬دانیشتنی‮ ‬ژمارە‮ (‬1‮)‬ی‮ ‬نائاسایی‮ ‬ساڵی‮ ‬یەكەم لە خولــی‮ ‬هەڵبژاردنی‮ ‬پێنجەمی‮ ‬پەرلەمان لە كاتژمێر‮ (‬11‮)‬ی‮ ‬پێشنیوەڕۆی‮ ‬رۆژی‮ ‬سێشەمە رێكەوتی2019/2/26 ‮ ‬بێت و بەرنامەی‮ ‬كاری‮ ‬دانیشتنەكە بریتییە لە‮” ‬پێكهێنانی‮ ‬لیژنەی‮ ‬یاسایی‮ ‬پەرلەمان بەپێی‮ ‬حوكمی‮ ‬مادەكانی‮ (‬28‮ ‬و‮ ‬29‮) ‬لە پەیڕەوی‮ ‬ناوخۆی‮ ‬پەرلەمانی‮ ‬كوردستان-عێراق‮”.‬

ڕێوار بابكەیی‮ ‬سەبارەت بە ئامادەبوونی‮ ‬فراكسیۆنەكانی‮ ‬تری‮ ‬پەرلەمان لە دانیشتنەكەی‮ ‬ئاماژەی‮ ‬بۆ ئەوە كرد كە سەرجەم فراكسیۆنەكان نوێنەر و بەربژێری‮ ‬خۆیان بۆ ئەندامێتیی‮ ‬لە لیژنەی‮ ‬یاسایی‮ ‬ناردووە،‮ ‬دەڵێت‮: ‬دابەشكردنی‮ ‬كورسییەكانی‮ ‬لیژنەكە بەپێی‮ ‬ڕێژەی‮ ‬دەنگی‮ ‬فراكسیۆنەكان دەبێت لە هەڵبژاردن‮.‬