خه‌بات: كامەران حاجی‮ ‬ئەلیاس
هونەرمەند‮ ‬مازیچن عەزیز‮ ‬یەكێكە لەو ئافرەتانەی‮ ‬وەك ئەكتەر بەشداری‮ ‬كارای‮ ‬هەبووە لە كارە شانۆیی‮ ‬و درامای‮ ‬تیڤییەكان و‮ ‬فیلمە‮ ‬سینەماییەكان‮. ‬سەیر كردنی‮ ‬زنجیرە دراماكان و‮ ‬فیلمە‮ ‬میسرییەكان ئاشنایەتی‮ ‬لەگەڵ‮ ‬هونەر دروست كردووە‮. ‬لەلایەكی‮ ‬تریش‮ ‬شوێنی‮ ‬لە دایك بوون و خێزانەكەشی‮ ‬هاوكار بوون بۆ ئەوەی‮ ‬بتوانێ پەرە بە بەهرەكەی‮ ‬خۆی‮ ‬بدات ئەو لە شاری‮ ‬راوندز‮ ‬لەدایك بووە لە بنەماڵەیەكی‮ ‬رۆشنبیر بەهۆی‮ ‬بوونی‮ ‬كەسانی‮ ‬هونەرمەند لە خێزانەكەی‮ ‬وەكو هونەرمەندی‮ ‬شەهید‮ ‬تەها فەقێ‮ ‬یوسف‮ ‬و براكەی‮ ‬كاك رزگار گەڵاڵی‮ ‬وە ئامۆزاكەی‮ ‬هونەرمەند‮ ‬موئەید فەقێ‮ ‬توانی‮ ‬لەسەردەستی‮ ‬هونەرمەند‮ ‬زرار مستەفا‮ ‬بەشداری‮ ‬لەیەكەم‮ ‬شانۆگەری‮ ‬بكات بە ناوی‮ ‬مەرگی‮ ‬بەختەوەری‮ ‬لە ساڵی‮ ‬1991 ‮ ‬لەوێ سەرەتایی‮ ‬هونەری‮ ‬دەست پێكرد تائیستاش بەردەوامە ئێمەش بە چەند پرسیارێك ئەم دیمانەیەمان لە گەڵی‮ ‬سازدا‮.‬

‮❊ ‬بەرێزتان لە ساڵی‮ ‬1991‮ ‬دەستتان بەكاری‮ ‬هونەری‮ ‬كرد‮ ‬،دوای‮ ‬دابڕان بۆماوەیەكی‮ ‬زۆر پاشان بە چالاكی‮ ‬زۆرەوە دەستتان پێكرد هۆكاری‮ ‬ئەو دابڕانە چی‮ ‬بوو ؟
‮- ‬زۆر راستە من بە عەشقەوە دەستم بە كاری‮ ‬هونەری‮ ‬كرد،‮ ‬بەڵام بە هۆی‮ ‬شەڕی‮ ‬نەگریسی‮ ‬براكوژی‮ ‬كەنامەوێت باسی‮ ‬بكەم بووە هۆی‮ ‬ئەوەی‮ ‬ماوەیكی‮ ‬زۆر لە هونەر داببرێم‮. ‬گرنگ ئێستا دڵخۆشم بەوەی‮ ‬ماوەی‮ ‬8‮‬ ساڵە بە گڕوتینەوە باوەشم بە هونەردا كردەوە‮ ‬لەو ماوەشدا بەشداری‮ ‬چەندین كاری‮ ‬هونەری‮ ‬كرد وەك‮: ‬
درامای‮ ‬ڕەوتی‮ ‬ژیان‮ ‬لەدەرهێنانی‮ ‬مەهدی‮ ‬حەسەن‮ ‬بەرهەمە سینەماییەكانی‮ ‬سیمای‮ ‬خۆڵەمێش‮ ‬‮-‬شاخەوان ئیدریس‮ ‬بیرەوەریەكانی‮ ‬سەر بەرد‮-‬ شەوكەت ئەمین‮ ‬دابەزین هەیە‮ ‬فڕینی‮ ‬بەرد‮ -‬ هەردی‮ ‬حەسەن عەلی‮‬،‮ ‬بۆ تەلەفزیۆنش بەشداریم لە‮ ‬زەق زەقە‮ ‬ڕەوسەی‮ ‬ڕەسەن‮ -‬ كەناڵی‮ ‬ڕەسەن‮ ‬هەگبەی‮ ‬دێوەرە‮ – ‬كەناڵی‮ ‬خێزان‮ ‬فلیمی‮ ‬بانەكەی‮ ‬هیوا‮ -‬ جانۆ‮ ‬ڕۆژبیانی‮ ‬ون بوەكان‮ -‬ جەوهەر ئەنوەر‮ ‬ڕەشید‮ ‬2018‮‬ لەگەڵ كورتە فیلمی‮ ‬هەنگاو‮ ‬لەسیناریۆ و دەرهینان‮ ‬مازن‮ ‬شیربەیانی‮ ‬وە فیلمی‮ ‬درێژی‮ ‬سینەمایی‮ ‬بەناوی‮ ‬شەوە‮ ‬لەدەرهینانی‮ ‬دلۆڤان‮.‬
‮❊ ‬ئێستا ماوەی‮ ‬چەند رۆژێكە‮ ‬فستیڤاڵی‮ ‬شانۆیی‮ ‬لە هەولێر بەرێوە دەچێت تێرامانتان بۆ ئەم‮ ‬فستیڤاڵە چییە؟
سازدانی‮ ‬پێنجەمین فیسڤاڵی‮ ‬هەولێر بۆ شانۆ دیاردەیەكی‮ ‬شارستانیە دەبێتە هۆی‮ ‬ئاشنا بوونمان بە كارە شانۆییەكانی‮ ‬دەرەوەی‮ ‬هەرێمی‮ ‬كوردستان‮ ‬سەبارەت بە نمایشەكان جۆراوجۆر بوون لە رووی‮ ‬ئاستەوە بەڵام بەگشتی‮ ‬بەرهەمی‮ ‬جوانم بینی‮ ‬بە تایبەتی‮ ‬بەرهەمی‮ ‬ئەڵمانیا‮ ‬لە چاوەڕوانیی‮ ‬گۆدۆدا‮ ‬هیوادارم ئەم جۆرە فستیڤاڵانە بەردەوابن دەست خۆشیش لە هەموو لایەك دەكەم‮. ‬
‮❊ ‬جگە لە كاری‮ ‬شانۆیی‮ ‬بەشداری‮ ‬دراماشت كردووەچ جیاوازییەك دەبینی‮ ‬لەڕووی‮ ‬نواندنەوە؟
‮- ‬جیاوازی‮ ‬گەلێ زۆرە شانۆ نواندنێكی‮ ‬زۆر قورسترە‮ ‬،چونكە‮ ‬دەبێ هەست و نەست و زمان و جەستە و پانتای‮ ‬سكێچی‮ ‬شانۆ حسابی‮ ‬وورد و درشتی‮ ‬بۆبكەی‮ ‬و‮ ‬ڕووبەڕووی‮ ‬بینەردەبیتەوە نواندنێكی‮ ‬ڕاستەوخۆیە‮ ‬یەك هەڵەییەكی‮ ‬بچووك كاریگەری‮ ‬نەرێنی‮ ‬لەسەر نمایشەكە دەبێت‮ ‬،‮ ‬لە هەمان كاتدا دەبێ ئەكتەر دەقێكی‮ ‬شانۆیی‮ ‬دوو سەعاتی‮ ‬هەمووی‮ ‬ئەزبەر بكات و بزانی‮ ‬هەر لەتەواوی‮ ‬دایەلۆگ و شوێن و جوڵەی‮ ‬ئەكتەرە كان و گونجاندنی‮ ‬لەگەڵ تەواوی‮ ‬سینۆگرافیای‮ ‬كارەكە بۆیە شانۆ تەركیز و هیلاكی‮ ‬و ئاگابوون و توانستی‮ ‬زۆری‮ ‬پێویستە‮.‬
بیگومان دراماش تەركیزی‮ ‬دەم و چاو و‮ ‬ڕووخسار و وشە و دایەلۆگی‮ ‬بەدەربڕینێكی‮ ‬دیاری‮ ‬كراو زمانێكی‮ ‬نەرم و لەسەرخۆ و زۆر بەشێنەیی‮ ‬دەوێت‮ ‬وەك ئەوەی‮ ‬لەژیانی‮ ‬ڕۆژانەت هەڵسوكەوت دەكەی‮ ‬بەڵام لە سینەما هەر هەڵەیەك دەتوانی‮ ‬بە چەند تێكێك دووبارەی‮ ‬بكەیتەوە بەڵام لەسەر تەختەی‮ ‬شانۆ ئەم حاڵتە بوونی‮ ‬نیە‮.‬
‮❊ ‬زۆر لەگەڵ كاری‮ ‬كورتە درامای‮ ‬تەلەفزیۆنی‮ ‬كار دەكەن هەندێك لەو درامایانە لە رووی‮ ‬بابەت و نواندن و دەرهێنان وەك پێویست نیە بیرت نەكردۆتەوە دور بكەیتەوە لەو جۆرە كارانە؟
‮- ‬زۆری‮ ‬و بۆری‮ ‬تەلەفزیۆنەكان و نەبوونی‮ ‬پسپۆڕی‮ ‬لەو بوارە و پڕكردنەوەی‮ ‬بۆشایی‮ ‬ئەو تەلەفزیۆنانە وای‮ ‬كردووە هەرچی‮ ‬هەڵبستێت‮ ‬كاری‮ ‬هونەری‮ ‬بكات،‮ ‬لە هەمان كاتدا تێنەگەیشتن لەبواری‮ ‬دراماو ئەو پانتاییە زۆرە بەكەسانی‮ ‬بێ ئەزموون پڕبكەنەوە‮ ‬لەوانەیە ئێمەش بێبەش نابین لەبەشداریكردن هەوڵی‮ ‬زۆر دەدەین دوورەپەرێز بین لەو كارانە‮ ‬لەوانەشە وەك كاروپیشە و بژێوی‮ ‬ژیان هۆكارێك بێت لە بەشداربوونمان لەو جۆرە كارەنەدا بۆیە لە داهاتوو تابۆمان بكرێت لە كاری‮ ‬هونەری‮ ‬كرچوكاڵ دووردەكەوینەوە‮. ‬
‮❊ ‬بە بۆچوونی‮ ‬بەرێزتان بینەر چێژ لەچ جۆرە نمایشی‮ ‬شانۆیەك‮ ‬بەزمەسات‮ ‬یان مەرگەسات؟
شانۆ قوتابخانەیەكە دەبێ هەموو جۆرە نمایشێك لە خۆ بگرێت و هەموو‮ ‬ستایل و شێوازەكان بە بینەر بناسێت،‮ ‬بەڵام بەهۆی‮ ‬ئەو واقیعییەی‮ ‬گەلی‮ ‬كوردستان چ لە رابردوو چ لە ئێستاش هەمووی‮ ‬بە ژیانێكی‮ ‬ناخۆش و ناسۆرییەكان‮ ‬بەسەر بردووە بە تایبەتی‮ ‬لەلایەنی‮ ‬سیاسی،‮ ‬هەر بۆیە شانۆییەكانیش زۆربەیان مەرگەساتی‮ ‬بوون لەوەی‮ ‬بەزمەساتی‮ ‬بێن لەبەر ئەوەی‮ ‬هەردەم نمایشی‮ ‬مەرگەسات زیاتر بووە لە نمایشی‮ ‬بەزمسات‮.‬
‮❊ ‬پرۆژەی‮ ‬نوێتان هەیە؟
ئێستا لەگەڵ هونەرمەندان‮ ‬بەكر مەعروف و قــاسم نــــوری‮ ‬دووپڕۆژەمان هەیە ئەگەر هیچ گرفت و كۆسپێك نەبێت پێشكەشی‮ ‬بە بینەرانی‮ ‬دەكەین‮.‬