ئه‌مڕۆ هه‌ینی 27ی 12ی 2024، سه‌رۆكی ئه‌ڵمانیا په‌رله‌مانی وڵاته‌كه‌ی هه‌ڵوه‌شانده‌وه و 23ی شوباتی داهاتووی دیاری كرد، بۆ به‌ڕێوه‌چوونی هه‌ڵبژاردن له ئه‌ڵمانیا.
فرانك ڤاڵته‌ر شتاینمایر، سه‌رۆكی ئه‌ڵمانیا، په‌رله‌مانی وڵاته‌كه‌ی هه‌ڵوه‌شانده‌وه و هه‌روه‌ها بڕیاریدا هه‌ڵبژاردنی پێشوه‌خته له 23ی مانگی شوباتی ساڵی داهاتوو له وڵاته‌كه‌ی به‌ڕێوه بچێت.
بڕیاره‌كه‌ی سه‌رۆكی ئه‌ڵمانیا، دوای هه‌ره‌سهێنانی هاوپه‌یمانیی حكوومه‌ت و لێسه‌ندنه‌وه‌ی متمانه له ڕاوێژكار ئۆلاف شۆڵته‌س هات.
سه‌رۆكی ئه‌ڵمانیا دوای هه‌ڵوه‌شاندنه‌وه‌ی په‌رله‌مانی وڵاته‌كه‌ی ڕایگه‌یاندووه، كه سه‌قامگیریی سیاسیی له ئه‌ڵمانیا سوودێكی گه‌وره‌ی هه‌یه.
