خەبات: موسڵح عەبدولقادر – دهۆك:- پشتی بورینا چار ساڵا ل سەر ژیێ كابینا نەهێ یا حكومەتا هەرێما كوردستانێ وپشتی «د.عەلی تەتەر» پوستێ پارێزگارێ دهۆكێ وەرگرتی (959) پرۆژە ل سەنتەرێ دهۆكێ وقەزا وناحی وكومەلگەه وگوندان ودهەموو سەكتەران دا هاتینە رەوانەكرن بۆ بجهئینانێ ژوانا پتر ژ(485) ب دوماهی هاتینە وكەفتینە دخزمەتا هاولاتییان دا وكار یێ بەردەوامە ل سەر بجهئینانا یێن دیتر، هەروەسا رازیبون ل سەر چێكرنا (51) پرۆژێن دی بۆ ساڵا 2024ێ هاتیە وەرگرتن.
دساڵا 2020 وپشتی پەیدابونا نەخوشیا كرونایێ پارێزگارێ دهۆكێ لیژنەك پێك ئینا بۆ بەرهنگاربوونا بەڵاڤبوونا پەتایا كورانایێ وپاراستنا گیانێ هاوڵاتیان و ل گەل هەبونا ڤێ پەتایێ پارێزگارێ دهۆكێ دەست ب پلانا خزمەتكرنا هاوڵاتیان كر و(148) پرۆژە راگەهاندن وكار لسەر هاتە كرن و كەفتنە دخزمەتا هاوڵاتیان دا.
ول ساڵا 2021بۆ 2022 ب چاڤدێریا پارێزگارێ دهۆكێ بەرێ بنیاتی بۆ(586) پرۆژا هاتە دانان وگەلەك ژوان ب دوماهی هاتینە وهندەك ل قوناغێن دوماهیێ نە ، هەروەسا ل ساڵا 2023 (101) پرۆژە هاتنە رەوانەكرن بۆ بجهئینانێ زێدەباری(118) پرۆژێن هەر چار ساڵێن بوری یێن ل سەر بودجێ پارێزگەهێ یێن ڤێ دوماهیێ هاتینە رەوانەكرن بۆ قوناغێن راگەهاندن ودەستپێكرنێ.
پارێزگارێ دهۆكێ دچار سالێن بوری دا (506) كۆمبوون ئەنجامداینە وپێشوازی وهەڤدیتن ل گەل (200) كونسل وشاند ورێكخراوێن بیانی ونیڤ دەولەتی ئەنجامداینە ورونشتن ل گەل (3031) هاوڵاتییان سازكرینە و(229) دیدار وخەلات پێشكێشكرینە هەروەسا ل دەمێ رودانێن جودا جودا ولافاوا وئاگر بەربونێ هاریكاری وخزمەتا زیانڤێكەفتیا كریە.
