سەرۆکی هەرێمی کوردستان پیرۆزبایی جەژنی چلەی هاوین لە کوردانی ئێزدی دەکات و پشتگیریی تەواوی خۆی بۆیان دووپات دەکاتەوە.
رۆژی هەینی، 2ـی ئابی 2024، نێچیرڤان بارزانی، سەرۆکی هەرێمی کوردستان لە پەیامێکدا رایگەیاند: “جەژنی چلەی هاوینی خوشک و برا ئێزدییەکانمان بە گەرمی لە بەڕێزان میر و جڤاتی رووحانی و هەموو ئێزدییان لە کوردستان، عێراق و جیهان پیرۆز دەکەم. هیوادارم جەژنێکی ئارام بەڕێبکەن.”
دەقی پەیامەکەی نێچیرڤان بارزانی:
جه‌ژنا چلێ هاڤينێ يا خوشك و برايێن مه يێن ئێزدى، ب گه‌رمى ل ڕێزداران مير و جڤاتا ڕووحانى و هه‌مى ئێزدييان ل كوردستانێ و عێراقێ و ل هه‌ر جهه‌كێ جيهانێ بن، پيرۆز دكه‌م. هيڤيدارم جه‌ژنه‌كا ئارام و ته‌نا ده‌رباز بكه‌ن.
د ڤێ هه‌لكه‌فتنێدا جاره‌كا دی هه‌مى وه‌لاتى يێن خۆ يێن ئێزدى پشتڕاست دكه‌ين كو وه‌كى هه‌رتم دێ هاريكار و پارێزڤان و پشته‌ڤانێن ماف و داخوازى يێن وان بين و چ ژ مه بێت دێ د هه‌ر واريدا خزمه‌تا وان كه‌ين.
جه‌ژن ل هه‌ميا پيرۆز بيت، هه‌رسال ب خێر و خۆشى.
نێچيرڤان بارزانى
سه‌رۆكێ هه‌رێما كوردستانێ
2024/8/2
