وەزارەتی دارایی و ئابووریی حكوومەتی هەرێمی كوردستان، لە ڕاگەیاندراوێكدا ئاماژە بەوە دەدات، 421 ملیار و 760 ملیۆن دینار خرایە سەر هەژماری وەزارەتی دارایی.

ئەمڕۆ سێشەممە 9/7/2024، وەزارەتی دارایی و ئابووری، ڕاگەیاندراوێكی بڵاو كردەوە، تێیدا هاتووە: “كەمێك لەمەوبەر، بڕی 421 ملیار و 760 ملیۆن دینار، وەک بەشێک لە شایستەی مووچەی مانگی حوزەیرانی فەرمانبەرانی شارستانیی هەرێمی کوردستان، خرایە سەر هەژماری بانکیی وەزارەتی دارایی لە لقی هەولێری بانکی ناوەندیی عێراق.”