دلگه‌ش باعه‌دری: شنگال:- كورێ میرێ ئێزدیان دیاركر, ئیرۆ رۆژا پێنچ شه‌مبوویێ رێكه‌فتی ٢٧ی١٠ی ٢٠٢٢ حازم ته‌حسین به‌ك میرێ ئێزدیان و جڤاتا رۆحانی و هژماره‌كا كه‌سانێن ئاینی سه‌ردانا شنگالێ كر.
هه‌كار حازم ته‌حسین به‌ك, بۆ رۆژناما خه‌بات گۆت:«حازم ته‌حسین به‌ك میرێ ئێزدیان سه‌ردانا گۆرستانا گوندێ گۆچۆ كر و دگه‌ل هژماره‌كا سه‌رۆك هۆزێن شنگالێ ل كۆمه‌لگه‌ها تلبنات كۆمبوو.
گۆتژی:« مه‌ره‌م ژ سه‌ردانا میرێ ئێزدیان ئاڤاكرنا شنگالێ و ئێكرێزی و خورتكرنا ناڤ مالا ئێزدییانه.
دیاركرژی, ئه‌ڤه بۆ ئێكه‌م جاره پشتی میر حازم ته‌حسین به‌ك بوویه میرێ ئێزدیان سه‌ردانا شنگالێ دكه‌ت.
ئاشكرا كرژی, میرێ ئێزدییان پشتی ڤه‌گه‌ریانا وی ژ شنگالێ دپلان و به‌رنامێ وی دایه سه‌ردانا به‌غدایێ بكه‌ت ژبۆ رێكه‌فتنا شنگالێ بهێته جێبه‌جێكرن.
