لیوا حسن نورى
پشتى شكه‌ستا سالا (1975)ێ جڤاكێ كوردستانێ یێ سه‌رهلدایى و په‌رژین و شویرها موكما شوره‌شێ كه‌ته به‌ر چه‌ندین شالاوێن قركرنێ كو یا ژهه‌میان مه‌ترسیدارتر ئه‌و بو, نه‌هێلانا موركا راسته‌قینه‌یا وێ تۆرا موکما چڤاك و كومه‌لگه‌ھی بوو بو برێكا به‌رنامێ سێ كوچكا سه‌ره‌كى یا حزبا به‌عس:
(1- راگوهازتن. 2- به‌عس كرن . 3- عه‌ره‌ب كرن) كو بڤێ به‌رنامێ ژه‌هركرى ئه‌و پشت راست بوون ئه‌و چڤاكێ بدرێژاهیا خه‌بات و تێكوشینا پارتى دیموكراتى كوردستان و شورشا مه‌زنا ئه‌یلولێ دروستكرى دێ ژناڤ به‌ن و ناھێلن.
سه‌ركردایه‌تیا سیاسیا كوردستانێ بمه‌زنیا ڤێ مه‌ترسیێ حه‌سیان و كاردانه‌ڤه‌یا شوره‌شێ و بتایبەتی سەروک مسعود بارزانی ، بو ڤێ پیلانا مه‌زن گه‌له‌ك یا بله‌ز بوو و لئاستێ ڤێ ئالنگاریێ بوو.
ژبو كو ئاسه‌وارێن ڤێ سیاسه‌تا ره‌گه‌ز په‌ره‌ستی كێم بكه‌ن و نەھێلن نه‌خشه‌رێكا شوره‌شێ ئه‌و بوو لسه‌ر هه‌ر سێ گوره‌پانا چ گوره‌پانا
1- ده‌رڤه‌ى باشورێ كوردستانێ كه‌واته دناڤ ئاواره‌یێن كو ل ئیرانى و ئه‌وروپا و ئه‌مریكا.
2- ل گوره‌پانا ناڤخویى باژێر و باژێروكێن كوردستانێ یێن لبن دەستھەلاتا رژێمێ دا.
3- لگوره‌پانا ده‌ڤه‌رێن رزگار كرى یێن لبن دەستھەلاتا پێشمەرگەیێن کوردستانێ دا ، تۆرا كومه‌لایه‌تى و یەکخستنا نێرینێن به‌رخودان و خوراگریێ موكم بهێلن و پێشدا ببه‌ن.
ئه‌و بوو ل ئوروپا و ئه‌مریكا بده‌ها به‌لاڤوك و نامیلكه‌و گوتار و دیدارێن رۆشنبیرى بده‌ستپێشخه‌ریا جه‌نابێ سه‌رۆك مسعود بارزانى هاتنه زیندى كرن و بگره كارێن هونه‌رى ژى كو ده‌ربرینێ ژ دیدگاهێن به‌رخودانێ بكه‌ن هاتنه ئافراندن و باشترین میناک بو ھندێ دەربرینێ ژ وێ قویناغێ بکەت ، وه‌كو گوڤارا زاگروس و كوردستان پرێس و كارێن هونه‌ریێن هونه‌رمه‌ندێ مه‌زن و هه‌لگرێ مدالیا بارزانیێ نه‌مر ، جمال نه‌به‌ز.
لناڤ شوره‌شێ دا ژى جموجوله‌كا رۆشنبیرى فیكرى دورست كرن لناڤ پێشمه‌رگه‌ى و ده‌وروبه‌رێن وان ژ كه‌س و كار و گوند و باژێر و باژێروكێن كوردستانێ كو ده‌ربرینا گرنگیا خوراگرى و فیداكاریێ دكر و برێكا خرڤه بوون و ریكوردێن ده‌نگی یێن هه‌لبه‌ست و ستران و خرڤه‌بوونێن هه‌لبه‌ست و ستران و خرڤه‌بونێن هه‌لبه‌ست خواندن و شانوگه‌رى و هتد.
و بخوژى زه‌مینه‌یه‌كا لبار هه‌بوو كو چڤاكێ مه لبه‌ر خو بده‌ت ژ ئه‌نجامێ ئه‌و عمبارا مەزنا مورال و گیانێ کوردپەروەریێ و زنگینا شوره‌شا ئه‌یلولێ ب کەلتورێ خومالیێ رێبازا بارزانی و پێگه‌هێن نه‌ته‌وه‌ى یێن بزاڤا سیاسى سه‌رچافكى و یێ سه‌ره‌كى بوون برێكا پارتى دیموكراتى كوردستان، لناڤ باژێر و باژێروكێن لژێر ده‌ستهه‌لاتا رژێما به‌عس چه‌ند زولم و زۆری توند و تویژتر دبوو ھند ، به‌رخودان موكمتر لێدهات…. قوتابى و لاو و كاسب كار یه‌ك دل و یه‌ك ده‌ست و یه‌ك ده‌نگ سینگێ خۆ بزولم و زۆرێ ڤه‌نا و هه‌میان گوتارا نه‌ته‌وه‌ى هه‌مبێز كر و خورسكانه به‌راهیى (اولویه‌ت) بۆ كارێ نه‌ته‌وه‌ى بوو جاشایه‌تى و خو فروتن شه‌رمه‌زاریه‌كا مه‌زن بوو پێلەک و هێزه‌كا مه‌زن یا كومه‌لگه‌هه‌كێ پاك و فیداكار و به‌رگریكار دورست بوو سه‌ره‌راى توند و تویژیا رژێمێ ده‌نگێ دلێریا چه‌ک قاره‌مانیا پێشمه‌رگه‌ى ئیلهام به‌خشا هه‌مى كه‌رت و توێژێن چڤاكى و كومه‌لگه‌هێ مه بوو ژبو دورستكرنا چه‌په‌رێ مانێ و نه‌مانێ.
نڤیسه‌ر و هه‌لبه‌ستڤانا به‌رهه‌مێن ئاگرێن د ئافراندن هه‌وه‌كا مه‌زنا كوردایه‌تیێ كه‌ته دناڤ دل و ده‌رونێ كچ و كور و پیر و زاروكێن ولاتى دا و ئه‌و چڤاك دورست بوو یێ كو دوژمنا به‌رنامێن ژه‌هراوى دادرێتن ژبو سرین و نه‌هێلانا وى چڤاکی ئه‌و چڤاك سه‌ركه‌فت و سه‌ركه‌فتنێن ل ئاینده ژى دا هه‌ربو وى چڤاكى خورسك بن.
لبیرەوریا شورەشا ٢٦ ی گولانا پێشکەفتنخواز دا سەرێ رێز و نوازشێ دادەنوێنین بو کاروانێ شەھیدێن بزاڤا رزگاریخوازیا نەتەوا کورد و لپێشیا وان بارزانیێ نەمر و کاک ئیدریسێ جوانە مەرگ سلاڤا دھنێرین بو پێشمەرگەیێن گیانباز و فێرسێن چەپەرێن سەرفەرازی.
ھەرێ بەرز و بلند بیت ئالایێ کورد و کوردستانێ برێبەریا سەروکێ خوشتڤی کاک مسعود بارزانی
