فەرمانگەى میدیا و زانیارى ئه‌مڕۆ پێنج شه‌ممه 20 کانوونی دووەم 2022 بڵاویكردۆته‌وه كه فەرمانی دامەزراندنی سێ یەکەمەکانی ساڵى خوێندنى ٢٠١٦ ـ ٢٠١٧ بە شێوەى هەمیشەیی دەرچوێنرا.
فەرمانگەى میدیا و زانیارى روونیكردۆته‌وه كه بە پێى بڕیارى ژمارە ١٢٣ى ئەنجومەنى وەزیران کە لە ڕێکەوتى ١ی کانوونی یەکەمى ٢٠٢١ دەرچووە, مەسرور بارزانی سەرۆکى حکومەتی ھەرێمی کوردستان، فەرمانی دامەزراندنی بە شێوەى هەمیشەیی بۆ سێ یەکەمەکانى ساڵى خوێندنى (٢٠١٦ ـ ٢٠١٧) لەسەر ئاستی کۆلێژ و پەیمانگاکانی سەر بە وەزارەتی خوێندنی باڵا و توێژینەوەى زانستى دەرکرد.
فەرمانگەى میدیا و زانیارى ئاماژه‌ی بۆ ئه‌مه‌ش كردووه كه دەرچووەکان کە ژمارەیان ١٦٨٥ کەسە، لەسەر میلاکى وەزارەتى خوێندنى باڵا و توێژینەوەى زانستى وەزارەتەکانى دیکە دابەش دەکرێن.
