باره‌گای بارزانی له‌یادی له دایكبوونی بارزانی نه‌مردا له په‌یامێكی كورتدا دووپاتی له زیندوویی رێباز و یادی بارزانی نه‌مر كرده‌وه.
باره‌گای بارزانی ئه‌مڕۆ یه‌كشه‌م 14ی ئادار، ڕای گه‌یاندووه، له یادی له‌دایكبوونیی بارزانیی نه‌مردا، ناو و یادی بارزانیی نه‌مر به زیندوویی و، ڕێباز و خه‌باتی به نه‌مری ده‌مێنێته‌وه.
ئه‌مڕۆ 118 ساڵه‌ی له دایكبوونی مسته‌فا بارزانی ڕێبه‌ری نه‌ته‌وه‌یی كورده كه هه‌موو ته‌مه‌نی له پێناو ئازادی میله‌ته‌كه‌ی به‌سه‌ر بردووه و بۆته ڕه‌مزێك بۆ كوردستان و خه‌باتی به‌رده‌وامی تا به‌ده‌ستهێنانی مافه ڕه‌واكانی گه‌له‌كه‌ی هه‌میشه قوربانی به‌خۆی داوه.
