شانەی راگەیاندنی ئەمنی روونکردنەوە لەبارەی هاوەنبارانکردنی شارۆچکەی خورماتوو دەدات و رایدەگەیەنێت، هەشت گوللە هاوەن ئاراستەی ئەو شارۆچکەیە کراون.
سەرلەبەیانیی ئەمڕۆ پێنجشەممە 19-3-2020 میدیا عێراقییەکان بڵاویان کردەوە، کە دوو مووشەک ئاراستەی خورماتوو کراون و بەهۆیەوە 11 کەس بریندار بوون.
شانەی راگەیاندنی ئەمنیی عێراقی لە بەیاننامەیەکدا، رایگەیاندووە، هەشت گوللە هاوەن ئاراستەی خورماتوو کراون و هەموویان لە پشت سایلۆی ئەو شارۆچکەیە کەوتوونەتە خوارەوە.
هەروەک شانەکە رایگەیاندووە، بەهۆی هاوەنبارانەکەوە، دوو هاووڵاتیی مەدەنی بریندار بوون و هەشت خانووش زیانیان بەر کەوتووە.
