سەرۆک وەزیرانی بەریتانیا بەهۆی ڤایرۆسی کۆرۆناوە، دەرگای قوتابخانەکانی وڵاتەکەی دادەخات.
بەپێی هەواڵێکی ئاژانسی (رۆیتەرز)، بۆریس جۆنسۆن، سەرۆک وەزیرانی بەریتانیا رایگەیاندووە، لە دوای نیوەڕۆی رۆژی هەینی 20-3-2020ـەوە تا کاتێکی نادیار، پرۆسەی خوێندن لە بەریتانیا دەوەستێندرێت و دەرگای قوتابخانەکان دادەخرێن.
بۆریس جۆنسۆن هەروەها رایگەیاندووە، داخستنی دەرگای قوتابخانەکان بۆ رێگرتنە لە زیاتر بڵاوبوونەوەی ڤایرۆسی کۆرۆنا لە بەریتانیا.
بەپێی دوایین ئامار، تا ئێستا دوو هەزار و 644 کەس لە بەریتانیا تووشی ڤایرۆسی کۆرۆنا بوون و لەو ژمارەیەشدا، 65 کەس چاک بوونەتەوە و 104 کەسیش گیانیان لەدەست داوە.
