سه‌رۆكی ئه‌مه‌ریكا، دۆناڵد تره‌مپ، ئه‌مڕۆ هه‌ینی باری نائاسایی له ئه‌مه‌ریكا راگه‌یاند.
ئامانج له راگه‌یاندنی باری نائاسایی رێگرتنه له بڵاوبوونه‌وه‌ی زیاتری ڤایرۆسی كۆرۆنا له وڵاته‌كه‌یدا.
ترەمپ بە گەشبینییەوە قسەی کرد و رایگەیاند، ڤایرۆسەکە کۆتایی دێت و ئەوان بەهێزتر دەبن لە پێشوو.
هەر لە چوارچێوەی رێکارەکان، دۆناڵد ترەمپ دەڵێت، 50 ملیار دۆلار لە بودجەی فیدراڵی بۆ رووبەڕووبوونەوەی کۆرۆنا تەرخاندەکات. راگەیاندنی باری نائاسایی بە گوتەی ترەمپ، بۆ ئەوەیە حکومەت دەسەڵاتی تەواوی هەبێت لە رووبەڕووبوونەوەی ڤایرۆسەکە.
ئه‌مڕۆ سه‌نته‌ری چاودێری و رێگرتن له بڵاوبوونه‌وه‌ی په‌تاكان له ئه‌مه‌ریكا رایگه‌یاند، ژماره‌ی حاڵه‌ته‌كانی تووشبوون له ئه‌مه‌ریكا گه‌یشتووه‌ته هه‌زار و 678 كه‌س و ژماره‌ی مردووانیش گه‌یشتووه‌ته 41 كه‌س.
49 كه‌س له تووشبووه‌كان له‌و كه‌سانه‌ن، كه ئه‌مه‌ریكا به فڕۆكه‌ی تایبه‌ت له شاری وهانی چین گواستبوونییه‌وه.
