خەبات‮: ‬سەربەست برزۆ:-
محەمەد هاشم هونەرمەندێكی‮ ‬خاوەن پێداویستی‮ ‬تایبەت‮ ‬و ئاوارەی‮ ‬كەمپی‮ ‬ئەڵوەنە لە شاری‮ ‬خانەقین‮ ‬،‮ ‬محەمەد خەڵكی‮ ‬شارۆچكەی‮ ‬سەعدییە و بەهۆی‮ ‬شەڕی‮ ‬داعش و كەوتنی‮ ‬شارۆچكەی‮ ‬سەعدییە بەدەست داعش زیاتر لە شەش ساڵە لەناو خێوەتێكی‮ ‬كەمپی‮ ‬ئەڵوەندا و دەژی‮ ‬بەبێ هیچ موچەو هاوكارییەك‮ ‬،‮ ‬لە ساڵی‮ ‬2012 محەمەد لە روداوێكی‮ ‬هاتوچۆدا توشی‮ ‬ئیفلیجی‮ ‬دەبێت و قاچەكانی‮ ‬لەكار دەوەستن،پێشتر محەمەد لە ساڵێ‮ ‬1993 وە دەستی‮ ‬داوەتە كاری‮ ‬هونەری‮ ‬و ئۆتۆمبێلی‮ ‬بچوكی‮ ‬وەكو‮ ‬یاری‮ ‬مناڵان دروست دەكات بەشێوەیەكی‮ ‬سەرنجڕاكێش و نایاب‮ ‬،‮ ‬چەند ساڵێكە محەمەد دەستی‮ ‬داوەتە دروستكردنی‮ ‬ئۆتۆمبێلی‮ ‬سەربازی‮ ‬و بەتایبەت ئەو ئۆتۆمبیلە سەربازییە ئەمریكاییانە‮.

‬ئەو ئۆتۆمبیلانە بەقارەیەكی‮ ‬زۆر بچوك دروستیان دەكات بەشێوەیەك ئەگەر زومی‮ ‬كامێرا گەورەی‮ ‬بكاتەوە هیچ جیاوازییەك نابینی‮ ‬لەنێوان ئۆتۆمبیلە سەربازییە راستییەكان و ئۆتۆمبیلە دروستكراوەكانی‮ ‬محەمەد هاشم‮‬،‮ ‬محەمەد دەڵێ‮: ‬ئەم ئۆتۆمبیلانە بە تەنەكەی‮ ‬كۆن ویارییە شكاوەكانی‮ ‬مندالانی‮ ‬سەر زبڵخانەكان‮ ‬و بۆیاخ و تەل و چەند كەرەستەیەكی‮ ‬تر دروست دەكەم و بەوە دەژیم چونكە نەموچەی‮ ‬كەمئەندامی‮ ‬و نە موچەی‮ ‬هونەری‮ ‬و نەهیچ هاوكارییەكم دەكرێ‮ ‬،‮ ‬هەندێك كەس رەخنەم لێ دەگرن و دەڵێن كۆمەڵگا بەسەربازی‮ ‬دەكەی‮ ‬،‮ ‬ئەمەی‮ ‬من دەیكەم خولیایەكە نەك بەسەربازی‮ ‬كردنی‮ ‬كۆمەڵگا‮ ‬،‮ ‬لە دەیان ڤیستیڤاڵ و بۆنەی‮ ‬گشتیدا بەشداریم كردوە و خاوەن دەیان خەڵاتم‮ ‬،‮ ‬من چی‮ ‬لە خەڵاتێك بكەم بەگیرفانەكانم بەتاڵ بن‮.!‬