خەبات‮: ‬هاوار مورتكەیی:-
نوێنەرایەتی‮ ‬حكومەتی‮ ‬هەرێمی‮ ‬كوردستان لەپۆڵۆنیا،بەهەماهەنگی‮ ‬لەگەڵ سەنتەری‮ ‬كوردی‮ ‬و هونەرمەندانی‮ ‬كورد و‮ ‬ڕەوەندی‮ ‬كوردستانی‮ ‬لە پۆڵەندا،‮ ‬بە نمایشكردنی‮ ‬كەلتووری‮ ‬كوردی،‮ ‬بەشداریان لە فیستیڤاڵی‮ ‬فرەكەلتوری‮ ‬و پێكەوەبوونی‮ ‬شاری‮ ‬كراكۆڤ كرد فیستیڤاڵەكە لەلایەن‮ ‬ڕێكخراوی‮ ‬ڤیللا دێسیوسەوە بەڕێوەچوو،‮ ‬نوێنەرایەتی‮ ‬حكومەتی‮ ‬هەرێمی‮ ‬كوردستان لەپۆڵۆنیا و سەنتەری‮ ‬كوردی‮ ‬یەكێك بوون لە هاوبەشانی‮ ‬بەڕێوەبردنی‮ ‬فیستیڤاڵەكە،‮ ‬ئامانجی‮ ‬فیستیڤاڵەكە زیاتر ئاشناكردنی‮ ‬خەڵكەكە بوو بە كەلتووری‮ ‬جیاوازی‮ ‬میللەتانی‮ ‬ناو شاری‮ ‬كراكۆڤ و بۆ ئەم مەبەستەش زیاد لە‮ ‬60 ‮ ‬بەرنامەی‮ ‬جیاجیا لەلایەن میللەتە جیاوازەكانەوە،‮ ‬پێشكەشكرا.

لەیەكەم‮ ‬ڕۆژی‮ ‬فیستیڤاڵەكەدا لەچەند شوێنێكی‮ ‬جیاجیا میللەتەكان كەلتووری‮ ‬خۆیان نیشاندا،‮ ‬كوردەكانی‮ ‬پۆلۆنیا لە تەلاری‮ ‬سەنتەری‮ ‬كوردی‮ ‬لەكراكۆڤ كۆبوونەوەو چەند نمایشێكی‮ ‬كەلتووری‮ ‬كوردیان نمایشكرد،‮ ‬سەرەتا بەڕێز زیاد‮ ‬ڕەئووف نوینەری‮ ‬حكومەتی‮ ‬هەریم لە پۆڵەندا‮ ‬و خاتوو كەتاژینا گورالچیك لە وتەیەكدا بەخێرهاتنی‮ ‬میوانەكانیان كرد و دواتر دوو هونەرمەندی‮ ‬بەتوانا‮ ‬ئاراد ئەمامغولو و سامان ئەلیاس باسیان لەمێژووی‮ ‬دێرینی‮ ‬ئامێری‮ ‬دەف و زوڕنا بۆ ئامادەبووان كرد و دواتر چەند پارچە میوزیكێكیان پێشكەش بەئامادەبوان كرد،‮ ‬بەهۆی‮ ‬خۆشی‮ ‬موزیكەكەوە ئامادەبووان كەوتنەجۆش و خرۆش و دواتر دەستكرا بەهەڵپەڕكێی‮ ‬كوردی‮ ‬و پۆڵۆنیەكانیش بەمنداڵ و گەورەوەبەشداریان لەهەڵپەڕكێی‮ ‬كوردیدا كرد و هەوڵی‮ ‬فیربوونی‮ ‬لێدانی‮ ‬دەفیان دا.لەكۆتا بەشی‮ ‬بەرنامەكەدا،‮ ‬ئامادەبوان‮ ‬ڕۆیشتنە ناوەندی‮ ‬شار و بەئاڵای‮ ‬كوردستان و هەڵپەڕكێ و میوزیكی‮ ‬كوردیەوه سەرنجی‮ ‬سەرجەم هاوڵاتیانی‮ ‬ئامادەبوویان بۆ لای‮ ‬خۆیان‮ ‬ڕاكێشا،‮ ‬زۆرێك لەهاوڵاتیان لەو لاتەدا پرسیاریان لەناو و شوێنی‮ ‬ئاڵا و جۆری‮ ‬ئامێره میوزیكیەكه دەكردو وێنەو ڤیدێۆیان تۆمار دەكرد،‮ ‬لەوێدا دەرفەتێكی‮ ‬باش‮ ‬ڕەخسا بۆ زیاتر ناساندنی‮ ‬كەلتووری‮ ‬كوردی‮ ‬بەئامادەبووان‮. ‬بڕیارە ئەمڕۆ لە كۆتا‮ ‬ڕۆژی‮ ‬فیستیڤاڵەكەدا بەرنامەیەك تایبەت بەكوردستان سەبارەت بەسیستەمی‮ ‬ڕێنووس و دیالێكتی‮ ‬كورد و چیرۆك بۆ مناڵان ساز بكرێت،‮ ‬هەروەها كورتەفیلمی‮ ‬”كراكۆڤی‮ ‬من،‮ ‬كوردستانی‮ ‬من” پێشكەش دەكرێت و دواتر نوێنەری‮ ‬حكومەتی‮ ‬هەرێم لە پۆڵەندا بەشداری‮ ‬پانێڵێك دەكات و زیاتر كەلتووری‮ ‬كوردی‮ ‬بەئامادەبوان ئاشنا دەكات‮.‬