خه‌بات: هاوار مورتكەیی:-
رۆبیلا دی جیسۆس كچە شەترەنجزانێكی لاوی فلپینییە و خاوەن میدالیای زێڕی پاڵەوانێتی شەترەنجە لەسەر ئاستی ئاسیا بۆ خوار 18 ساڵ، ئەو پێی وایە كە شەترەنج ئەوی هەڵبژاردووە نەوەك بەپێچەوانەوە، ئەو كاتیك فێری شەترەنج بووە هێشتا فێرنەبووە بنوسی و بخوێنێتەوە، ئەو كچە شەترەنجزانە لە دیمانەیەكی لاپەڕەی وەرزشی رۆژنامەی خەبات باس لە كاروانی وەرزشی سەرەتای ئاشنابوونی بەم وەرزشە و هەروەها دەسكەوتەكانی كە بەدەستی هێناون لەگەڵ خەونی ئەو كە هێشتا نەهاتۆتەدی.
پێش خوێندن فیری شەترەنج بووم
رۆبێلا جیسۆس Robelle S. de Jesus ساڵی 2000 لە شاری مانیلای پایتەختی فلپین لەدایك بووە، ئەو سەرەتا باسی لەوە كرد كە چۆن شەترەنجی خۆشویست و گوتی: ناتوانم بڵێم كە خۆم شەترەنجم هەڵبژارد، بەلكو شەترەنج منی هەڵبژارد، بۆ یەكەمجار كە روناكیم بینی، شەترەنج لەبەردەمم بوو، من بچوكترین ئەندامانی ماڵەوە بووم، پێم وایە شەترەنج زۆر بەسوود بوو بۆ من، چونكە لەكاتێكدا كە مێشكم گەشەی دەكرد، شەترەنج لەپاڵم بوو، بۆیە جگە لە شەترەنج، هیچ جۆرە وەرزشێكی دی لەخەیاڵم نەبوو، بۆیە یاری شەترەنج تاكە وەرزش بوو كە ناسیم و لەوكاتیەوە بەشیوەیەكی درووست ئەو یارییە دەكەم، بەواتایەكی تریەكەمجار فێری شەترەنج بووم پێش ئەوەی فێرە نوسین و خوێندن بم، تەمەنم تەنها 3 ساڵان بوو فێری شەترەنج بووم.
5 جار ركابەری پاڵەوانێتییەكانم كرد
دواتر ئەو كچە شەترەنجزانە لاوەی فلپین زیاتر گوتی: كاتیك چوومە قوتابخانە بەردەوام بووم لە یاریكردن، بۆ ماوەی 5 ساڵ لەسەر یەكتری ركابەریم لە پاڵەوانڤیتییەكانی شاری مانێلا دەكرد، هەروەها لەسەر ئاستی قوتابخانەكانیش بەهەمان شێوە، لە ساڵی 2012 بۆ یەكەمجار رەیتینگی نیودەوڵەتیم وەرگرت (1875) ریتینگی فیدا، ئەمە بۆ من هەنگاوێكی گەورە بوو، چونكە لە فلپین رێنماییەك هەیە كە دەبی 3 تا 6 جار بەشداری پاڵەوانێتی سەر ئاستی فلپین بكەی ئەوكات ئەو مافەت پیدەدرێت رەیتینگ وەرگیت، رۆژ دوای رۆژ زیاتر حەزم دەچووە سەر شەترەنج و زۆرترین بەشداریم دەكرد، كچێكی چالاك بووم بۆیە ماڵەوەش بەهەموو شێوەیەك پشتگیریان دەكردم، شەترەنج فێرە یاسایەكی تایبەتی كردم كە ئەگەر بڕیاریكی هەڵەت دا ئەوا پیویستە رووبەڕووی سزا ببیتەوە، سزاش لە شەترەنج دۆڕاندنە.
خۆبەدەستەوە نادەم
لە كۆتاییدا رۆبێللا دی جیسۆس گوتی: ئەنجامی باشم لە پاڵەوانێتییە جۆراوجۆرەكان بەدەستهێناوە، بەڵام ئەوەی شانازی پێوەدەكەم و حەزەكەم ئاماژەی پێبدەم بەدەستهێنانی میالیای زێڕێ ئاسیا بوو كە ئەمساڵ لە UAAP بەدەستم هێنا، ئەو ئەنجامانەی بەدەستیشم هێناون لەسایەی پشتگیری ماڵەواەمان بووە هەروەها راهێنەرەكەم Christopher Rodriguez كە بڕوای پیم بەخشی و فێری زۆر تەكنیكی یاری كردم، هەروەها شەترەنج كاریگەری زۆری بەسەر ژیانی رۆژانەمەوە هەبووە، شەترەنج فێری كردم چۆن رووبەڕووی كێشەكانم ببمەوە، هەروەها فێری كردم كە خۆبەدەوەستەوە نەدەم.
