خالد ئەحمەد بادی
دەمێ تو شوكا خو تژی‮ ‬وگران بهاڤێژی‮ ‬ددەریایێ‮ ‬یان رویباری‮ ‬دا بێ گومان دێ شوكا تە تژی‮ ‬وگران هێتە دەستێ تە،‮ ‬لێ ئەگەر شوكێ سڤك‮ ‬یان ڤالا بهاڤێژی‮ ‬یا دیارە كر،‮ ‬دێ شوك ڤالا‮ ‬یان سڤك بیت دێ هێتە ددەستێ تە دا‮ . ‬لڤێرە رامان ئەوە مللەتێ كورد چەندین سالە شوكا خو گران هاڤێتی‮ ‬یە وب هزارەها بەرخودان‮ ‬و قوربانی‮ ‬وشورەش وسەرهلدان ئەنجام داینە وهەلبەت دێ بەرهەم‮ ‬هەبیت‮ . ‬كوردا دیروكەك زەلال و بناڤ ودەنگ هەیە كو شانازیێ پێ بكەن وب سەدان دەستكەفتێن پڕبها هەنە وبەرسینگێ مەزنترین هێزا جیهانێ بگرن وب هزاران هەلویستێن جودا هەنە كو فەربو مللەتێن دی‮ ‬لبەرچاڤ وەرگرتبا چونكە ئەردێ وانان‮ ‬یێ هاتی‮ ‬داگیرمرت،‮ ‬كورد ژدەستێن دوژمنان دەرخستیە، مینا قودسێ ل فەلەستین ویونان وتوركیا‮ ‬و زور جهێن دی‮ ‬وكورد دبەرنیاسن ب مێرچاكی‮ ‬وئاشتیخوازی‮ ‬وجوامێریێ‮ ‬وچ جاران كوردان مافێن كەسێ نە خوارینە لێ‮ ‬كورد ناهێلن كەس مافێن وانان ژی‮ ‬بخوت‮ . ‬جاران دوژمنێن مللەتێ كورد شیابون كونترولەكا مەزن لسەر هەمی‮ ‬ژێدەرێن راگەهاندن‮ ‬وسیاسیێن كوردی‮ ‬بكەن لكوردستانێ وجیهانێ وبەروڤای‮ ‬وێ چەندێ پالەوانی‮ ‬ودیروكا سپی‮ ‬یا مللەتێ كورد رەش دكرن لناڤەندێن جیهانێ‮ . ‬لڤێ قوناغێ ودەمێ دەرفەتەكا كێم بو مللەتێ كورد پەیدا بوی‮ ‬ئێكسەر مللەتێ كورد شیان وان بوچون وهزرێن لسەر كوردا هاتینە ئاڤاكرن ب نەراست ونەرەوا دیار بكەن بو كومەلگەهێ نێڤ دەولەتی‮ ‬وشیان دەستهەلاتەكێ جودا ژدەستهەلاتێ عیراقا فیدرال بگێرن وپەیرەو بكەن و كورد شیان دەستهەلاتێ خو بكەنە خیڤەتەك ونیهانی‮ ‬كو جهێ هەمی‮ ‬گەل وئاینێن ل عیراقێ وكوردستانێ لبن وێ خیڤەتێ بكەت ودەستهەلاتەكێ نمونەیی‮ ‬بگێرن وببیتە ئەگەرێ وێ چەندێ كو بەرێ وەلاتێن ئەوروپی‮ ‬وكومەلگەهێ نیڤ دەولەتی‮ ‬بدەنە هەرێما كوردستانێ ودانپێدانێ ب سیاسەتا راستەقینەیا هەرێما كوردستانێ بكەن و هەرێم بكەڤتینە دناڤ هەڤكێشێن نێڤدەولەتی‮ ‬وهەرێمی‮ ‬دا‮ . ‬روژانە ل میدیایا كوردی‮ ‬وجیهانی‮ ‬دبینین دەمێ شاندێن ئاست بەرزێن وەلاتێن بیانی‮ ‬و وەزیر وبالیوز وسەركردێن وانان سەرەدانا عیراقا فیدرال دكەن و ئێكسەر سەرەدانا هەڤلێرا پایتەخت دكەن و دگەل سەركردایەتیا كوردی‮ ‬دانوستاندنان دكەن ورەئی‮ ‬وبوچونێن هەرێمێ وەردگرن وئەڤ جورە سەردانە پێگەیێ سیاسی‮ ‬وئابوری‮ ‬یێ هەرێما كوردستانێ ل ناڤەندێن جیهانێ بەرز وبها بهەلسەنگینن‮ . ‬لەوما دبێژم بلا لڤی‮ ‬سەردەمی‮ ‬كو قوناغا‮ ‬بزاڤا ئازادایخوازا كوردی‮ ‬گەهشتییە ئاستەكێ باش وپلێن زور باش بدەست ڤە ئیناینە ولناڤەندێن بلندێن جیهانێ كورد كەفتینە دبەر باس ولیكولین وبرس كرنێ‮ ‬دا وقوناغێن باش بدەست كوردان ڤە هاتینە بلا ئەم كار بكەین كو پتر بدەست خو ڤە بینین وئەڤە هەمی‮ ‬وێ چەندێ بو مە كوردان دوپات دكەت كو هەمی‮ ‬بزاڤ وپارت وكومەلە وكەسایەتی‮ ‬ل هەمی‮ ‬پارچێن كوردستانێ هەڤ بگرن ودەستێن خو بكەنە دناڤ دەستێن هەڤ دا وبلا نەهێلین كو دوژمن پتر دیروكا مە رەش بكەت وكوردان ب تیرورست وخرابكار ونەباش دانن و بدەن نیاسین،‮ ‬بلا ئەم دروست بو كومەلگەهێ نێڤ دەولەتی‮ ‬دیار بكەین كو بتنێ كورد مللەتەكن بو ئاشتی‮ ‬وراستی‮ ‬و ئارامی‮ ‬و داهێنانێ بناڤ ودەنگ ببن،‮ ‬بەروڤاژی‮ ‬وێ چەندێ كو نوكە كورد هاتینە بناڤ كرن كو شەڕكەر و خوگوریكەر و بوێرن‮. ‬بلا ئەڤ ناڤە لسەر مە رابیت،‮ ‬بلا نە بێژین كورد شەڕكەرن،‮ ‬بلا بێژین ودیار بكەین كو كورد ئارام وئاشتیخواز وزانا وداهێنەرن و مروڤدوستن‮. ‬لدوماهیێ‮ ‬یا فەرە بێژم بلا ئەم دیروكا خو‮ ‬یا كو دوژمنا رەشكری‮ ‬سپی‮ ‬بكەین وناڤ ودەنگێن كوردان بەربەلاڤ بكەین وكوردستانێ بهێز بێخین‮.‬