لە راگەیاندراوێكدا،‮ ‬بانكی‮ ‬ناوەندی‮ ‬عێراق بڵاویكردووەتەوە كە،‮ ‬بە ئامانجی‮ ‬جێبەجێكردنی‮ ‬مەرجی‮ ‬لیژنەی‮ ‬شوێنەوارە جیهانییەكانی‮ ‬یونسكۆ سەبارەت بە لابردنی‮ ‬پاشماوەكان لە شوێنەوارەكانی‮ ‬شاری‮ ‬بابل،‮ ‬یەك ملیار دینار بۆ نۆژەنكردنەوەی‮ ‬شوێنەوارەكانی‮ ‬شارەكە تەرخان دەكات‮. ‬بانكی‮ ‬ناوەندی‮ ‬عێراق ئەوەیشی‮ ‬خستووەتەڕوو لە ماوەكانی‮ ‬داهاتوودا،‮ ‬دوای‮ ‬راوێژ و گفتوگۆ لەگەڵ وەزارەتی‮ ‬رۆشنبیری،‮ ‬شوێنەوارەكانی‮ ‬پارێزگای‮ ‬بابل و لایەنە پەیوەندارەكان،‮ ‬پارەكە بۆ نۆژەنكردنەوەی‮ ‬شوێنەوارەكانی‮ ‬شاری‮ ‬بابل خەرج دەكات‮.
‬
جێی‮ ‬باسە رۆژی‮ ‬هەینی‮ ‬لیژنەی‮ ‬شوێنەوارە جیهانییەكانی‮ ‬یونسكۆ بەكۆی‮ ‬دەنگ بڕیاریدا شاری‮ ‬بابلی‮ ‬شوێنەواری‮ ‬بخرێتە ناو‮ ‬لیستی‮ ‬شوێنەوارە جیهانییەكانی‮ ‬رێكخراوەكە بەو مەرجەی‮ ‬تاوەكو مانگی‮ ‬شوباتی‮ ‬ساڵی‮ ‬داهاتوو پاشماوەكانی‮ ‬لاببردێت‮. ‬لیژنەی‮ ‬رۆشنبیری‮ ‬و راگەیاندن لە ئەنجوومەنی‮ ‬نوێنەرانی‮ ‬عێراق لە بەیاننامەیەكدا رایگەیاندووە‮ “‬سەرۆك و جێگر و ئەندامێكی‮ ‬لیژنەی‮ ‬رۆشنبیری‮ ‬و راگەیاندن لە ئەنجوومەنی‮ ‬نوێنەرانی‮ ‬عێراق ئامادەی‮ ‬دانیشتنی‮ ‬خولی‮ ‬43ی‮ ‬خولی‮ ‬لیژنەی‮ ‬شوێنەوارە جیهانییەكانی‮ ‬یونسكۆ بوون كە لە باكو پایتەختی‮ ‬ئازەربایجان بەڕێوەچوو و تاوتوێی‮ ‬دۆسیەی‮ ‬بابل و دەنگدان لەبارەیەوە بەڕێوەچوو‮. ‬لە بەیاننامەكەدا ئاماژە بەوەش دراوە،‮ ‬ئەندامانی‮ ‬لیژنەی‮ ‬شوێنەوارە جیهانییەكانی‮ ‬یونسكۆ كە ژمارەیان‮ ‬21 كەسە،‮ ‬بەكۆی‮ ‬دەنگ بڕیاریاندا شاری‮ ‬بابلی‮ ‬شوێنەواری‮ ‬بخرێتە ناو لیستی‮ ‬شوێنەوارە‮ ‬جیهانییەكانی‮ ‬رێكخراوەكە‮.‬