خه‌بات: بەرهەم شێخ عزەدین:-
دیمەن بورهان مامۆستای بنەڕەتی و ڕۆژنامەنووسە ، لەچەندین گۆڤارو ڕۆژنامە كاری پەیامنێری كردووەو لە ساڵی 2010 هەتا ئێستا تەنیا لە ڕۆژنامەی ڕوداو كاری پەیامنێری بۆ لاپەڕەی كۆمەڵایەتی و ژنان كردووە .ئەم ژنە رۆژ نامەنووسە ئێستا بەئەركێكی گرنگو پیرۆز هەستاوە كەئەویش بەكتێبخانەكردنی شوێنەگشتیەكانە بەتایبەت زیندان كەوەك خۆی وتی فكرەكە لەوێوە دەستی پێكردوە لەم دیمانەكورتە بۆچونەكانی دیمەن بورهان بخوێنەوە:
ژنێك سەرنجی ڕاكێشام كتێبێك لەكۆشی بوو
دەربارەی بیرۆكەی ئەم پرۆژەیە دیمەن بورهان گوتی: بیرۆكەی خۆم بوو ، لە ڕاپۆرتێكی مەیدانی ڕۆژنامەی ڕوداو چونم بۆ چاكسازی ژنان و نەوجەوانانی سلێمانی ، ژنێك سەرنجی ڕاكێشام كتێبێك لەكۆشی بوو خوێندنەوەیەك دەیخوێندەوە ، واتێگەیشتم قوتابیەو بۆ تاقیكردنەوە خۆی ئامادەدەكات ، بەڵام توێژەرەكەیان پێی گوتم ، لێرە زۆرێك لە ژنەكانمان فێری خوێندنەوە كردووەو بەردەوامن ، كاتێك ڕووم كردە ژووری كتێبخانەكەیان ئەوەی بینیم كتێبخانەیەكی شكاو چەند سندوقێكی ڕەنگكراوی تەماتەو پیازبوو ، كتێبیان تێكردبوو ، بۆیە سەرەتا بیرۆكەیەكی بچووك بڕیارم دا خۆم كتێبخانەیەكیان بۆ بكڕم ، دواتر لەگەڵ شكاری هاوژین و هاوڕێم بیرۆكەكەمان فراوانتر كردوو بڕیاری بەكلتوركردنی خوێندنەوەمان دا ، بۆ سەرجەم چاكسازی و شوێنە گشتیەكان و نەخۆشخانەكان.
زۆركەس گاڵتەی بەپرۆژەكەمان دەهات
كاتێك لەدیمەن مان پرسی بۆبەس زیندان ؟هەست ناكەن خوێندنەوە بەگشتی كەمەو پێویست خوێندنەوە بەكلتوور بكرێت ئەو گوتی:هەڵبژاردنی زیندانەكان بەهۆی ئەوەبوو بیرۆكەكە لەوێ سەرچاوەی گرت ، بەڵام بەدڵنیاییەوە دوای سەركەوتنمان لە قۆناغی یەكەم كە دروستكردنی دوو كتێبخانەی مۆدێرن بە تەواوی پێداویستی و زیاتر لە سێ هەزار كتێب ، ئێستا زۆر شوێن ئامادەیی هاوكارییە ، بۆ تەواوی شوێنەكان ، ئێمەش دەزگای خێرخوازی بارزانیمان هەڵبژارد ، چونكە جگە لەچەند كەسێكی میهرەبان و كۆمپانیای قەیوان كەبڕی هەزار دۆلاریان لە پرۆژەكەدا پێداین ،لە دەرگای دەیان دەزگاو لایەن و بەڕێوبەرایەتی و بەرپرسانمان دا هاوكارمان نەبوون ، لە كۆتا ڕۆژی پرۆژەكەدا هانامان بۆ دەزگای خێرخوازی بارزانی برد ، كاتێك باسی بیرۆكەكەمان كرد كاك سۆران خەڵەف بەرپرسی نوسینگەی دەزگای خێرخوازی بارزانی لە سلێمانی ، بیست و چوار كاژێردا لەسەر خەت بوو لەگەڵمان ، ماندوبونێكی زۆر توانی بەڕێوبەری ئەو دەزگایە ڕازی بكات ، بەبێ هیچ ڕێكارێكی یاسایی بەهۆی نەمانی كات ، هاوكارمان بێت و بوون بە سپۆنسەری سەرەكی پرۆژەكە ،زۆركەس گاڵتەی بەبیرۆكەكامان دەهات ، بە پشتیوانی خێزانەكەم ، شكار و دوو هاوڕێمان سۆلین و پەرچەم بەردەوام بووین و سەركەوتین.
زۆر دڵسۆزانە هاوكارمان بوون
كاتێك پرسیمان دەگاكانی چاپ هاوكارتانن گوتی:دەزگاكان و بەڕێوبەرایەتیەكانی ڕۆشنبیری كە لە یەكی شەشی ساڵی پار هەتا ئەمڕۆ كە بەردەوامین ، زۆر دڵسۆزانە هاوكارمان بوون ، تەنیا ئەوان نا بەڵكو هەموو ڕۆشنبیران و نوسەران و خوێنەرانی كتێب بەكتێبێكیش بێت نەوەستاون لەهاوكاریكردنمان.بۆ قۆناغی دووەم ، كەدروستكردنی كتێبخانەیەكی گەورەیە بە تەواوی چاككاری لە هۆڵ و دابینكردنی پێداویستی ، بۆ چاكسازی ژنان و نەوجەوانانی هەولێرو چاكسازی گەورانی دهۆكە.
هەموو جۆرە كتێبێك
لەوەڵامی پرسیاری ئەوپەرتووكانە چین كەدەبێت ببرێنە ناو زیندانەكان؟ دیمەن دەڵێت:پەرتوكەكان لەسلێمانیش لەڕێگەی توێژەرانەوە سەرپەرشتی كراوەو هەموو جۆرە كتێبێكی تێدایە ، زیاتر كتێبی دەرونی و ڕۆمان و مێژووی ، ئینجا ئەوانی دیكە و جگە لەوەی كتێبەكانی خۆشیانمان هەموو سەیركردووەو ئەو كتێبانەی زیان لەفكرو بەرەو توندوتیژیان ببات ، لامان بردووە.
خوێندنەوەی كتێب لەبەرامبەر پێدانی خەڵاتێك كە سودی هەبێت
لەدوماهیدا ئەوخاتوونە دەربارەی كاری گەری خوێندنەوە لەسەرتاكی زیندانی كراو گوتی: ڕەنگە لەزیندانیەكان ڕێژەیەكی كەم خوێنەری كتێب هەبێت ، بەڵام ئێمە تەنیا ئامانجمان كردنەوەی كتێبخانە نیە ، بەڵكو بەكلتوركردنی كتێبە و گۆڕینی هزری تاكە ، ئەوان لەهەمووان زیاتر پێویستیانە چونكە دواتر زۆرینەیان دەگەڕێنەوە كۆمەڵگاو پێویستە چاكسازییەكان بەڕاستی چاكسازی بن بۆ ئەوان ، ئەوەی گرنگە لێرەدا ئێمە بەوە ناوەستین ، چالاكی خوێندنەوەی كتێب لەبەرامبەر پێدانی خەڵاتێك كەسودی هەبێت ، وەرزانە بۆ خوێنەری كتێب و هەڵسەنگاندنی لەلایەن كۆمەڵێك نووسەر و خوێنەر و توێژەر ، تا بزانین خوێندنەوە تاچەند هزری فراوان و لەتوندوتیژییەوە بۆ ئاشتەوایی بردووە . لەپەرلەمانی داهاتوودا ، بەپرۆژەیەك بەشداردەبین ، لەگەڵ چەند پەرلەمان تارێكی بەڕێز و كەسانی یاسایی بۆ دەركردنی پرۆژە یاسایەك بۆ كەمكردنەوەی ماوەی بەندی كەسی سزادراو بە خوێندنەوەی كتێب (جگە لەوانەی مەترسین بۆ كۆمەڵگا)
