خه‌بات: ساسان دەروێش‮- ‬هۆڵەندا
حاجی‮ ‬عەبدوڵلا سلێمان ئیسماعیل جوتیارێكی‮ ‬نموونەیی‮ ‬دەڤەری‮ ‬شێخانی‮ ‬باشووری‮ ‬كوردستانە و خاوەنی‮ ‬كۆمپانیا و هێنانی‮ ‬بنەتۆوی‮ ‬پەتاتەیە لە ئەورووپاوە بۆ كوردستان و ئەزموونێكی‮ ‬دەوڵەمەندی‮ ‬لە كاری‮ ‬چاندن هەیە و ماوەی‮ ‬36 ساڵە لەو بوارەدا كاردەكات‮. ‬حاجی‮ ‬عەبدوڵلا بەخۆی‮ ‬و كەسوكارەكەی‮ ‬ساڵێ دووجار پەتاتە دەچێنن و بەرهەمیشیان لە‮ ‬20 ‮ ‬هەزار تۆن زیاترە‮.
‬
ئەو جوتیارە هەروەك خۆی‮ ‬دەڵێت لە ساڵی‮ ‬2008 دا‮ ‬یەكەم كەس بووە بەهاوكاری‮ ‬وەزیری‮ ‬پێشووی‮ ‬كشتوكاڵ بابەتی‮ ‬پەتاتەیان هێناوەتە نێو وەزارەت و كاریان لەسەر كردووە و دواتریش چەندین كۆمپانیای‮ ‬سەربەخۆ سەرقاڵبوون بەكاری‮ ‬هێنانی‮ ‬بنەتۆوی‮ ‬پەتاتە بۆ كوردستان و چاندنی‮ ‬لە ناوچەكانی‮ ‬كوردستاندا،‮ ‬بەمەش بواری‮ ‬كشتوكاڵی‮ ‬بووژاوەتەوە و بۆتە داهاتێكی‮ ‬باش بۆ جوتیاران و كۆمەڵێك لە گوندنشینەكان و پڕكردنی‮ ‬بازاڕەكانی‮ ‬كوردستان لە پەتاتە‮.‬

‮ ‬لەسەردانی‮ ‬ئەم جارەی‮ ‬حاجی‮ ‬عەبدوڵلادا بۆ وڵاتی‮ ‬هۆڵەندا هەروەك پیشەی‮ ‬هەمیشەیی‮ ‬بە جلوبەرگی‮ ‬كوردەواری‮ ‬دێت و دەچێ،‮ ‬پێی‮ ‬خۆشبوو لە‮ ‬ڕێگەی‮ ‬رۆژنامەی‮ ‬خەباتەوە نیگەرانییەكی‮ ‬دڵی‮ ‬خۆی‮ ‬بگەیەنێتە لایەنی‮ ‬پەیوەندیدار لە هەرێمی‮ ‬كوردستان،‮ ‬كە بۆچی‮ ‬كار لەگەڵ كۆمەڵەی‮ ‬جوتیارانی‮ ‬پەتاتە ناكرێ و پێی‮ ‬وایە سوودی‮ ‬زۆری‮ ‬بۆ جوتیارانی‮ ‬كوردستان وحكوومەتی‮ ‬هەرێمی‮ ‬كوردستان هەیە‮.

‬لەم بارەیەشەوە بۆ خەبات گوتی‮: ‬زیاتر لە‮ ‬36 ‮ ‬ساڵە من خەریكی‮ ‬كشتوكاڵ و چاندنم بەتایبەتیش پەتاتە،‮ ‬كە بوومەتە خاوەنی‮ ‬ئەزموونێكی‮ ‬دەوڵەمەند لەو بوارەدا‮. ‬لە ئێستادا زۆر كۆمپانیای‮ ‬كوردستانی‮ ‬لە دەرەوە بنەتۆوی‮ ‬پەتاتە بۆ كوردستان هاوردەی‮ ‬دەكەن،‮ ‬من بیرم لەوە كردەوە كە هەموو ئەمانە لە چوارچێوەی‮ ‬كۆمەڵەیەكدا‮ ‬ڕێكبخرێن،‮ ‬بۆ ئەو مەبەستەش من هەستام بە دروستكردنی‮ ‬كۆمەڵەیەك بەناوی‮ ‬جوتیارانی‮ ‬پەتاتە لەسەر ئاستی‮ ‬كوردستاندا و كۆنگرەمان كرد و من وەك سەرۆكی‮ ‬كۆمەڵەكە هەڵبژێردرام،‮ ‬دەكرا كۆمپانیاكان و جوتیاران لەو كۆمەڵەیەدا كۆبكرانایەتەوە هەم بۆ هێنانی‮ ‬بنەتۆوی‮ ‬پەتاتەو هەمیش بۆ ناردنە دەرەوەی‮ ‬بەروبوومەكانیان،‮ ‬كە پێكەوە هەموو سوودمەند دەبوون‮. ‬بەپێی‮ ‬یاساو‮ ‬ڕێساكانی‮ ‬كە لە پەیڕەو و پڕۆگرامی‮ ‬كۆمەڵەكەدا هاتووە و بەفەرمی‮ ‬مۆڵەتی‮ ‬كاركردنم وەرگرتووە،‮ ‬بەڵام داخی‮ ‬گرانم لەلایەن بەرپرسانی‮ ‬پەیوەندیدارەوە كاری‮ ‬پێناكرێ و پشتگوێ خراوە،‮ ‬بەهیوام لە داهاتوودا بتوانین وەك هەموو كۆمەڵەكانی‮ ‬تری‮ ‬كوردستان كە هەن‮ ‬كاری‮ ‬تیا بكەین و ببینە خاوەنی‮ ‬ئەو كۆمەڵەیە و چیتر جوتیار زەرەرمەندی‮ ‬یەكەم نەبێت و هەموو هاوبەشی‮ ‬قازانج و سوودبین‮.
‬
لە كۆتاییشدا جوتیارە نموونەییەكە گوتی‮: ‬هیوادارم كۆنفرانسەكانی‮ ‬كشتوكاڵ تەنها كۆكردنەوەی‮ ‬خەڵك و قسەكردن نەبێت و بەكردار بتوانن زیاتر كوردستان سەوز و پڕ‮ ‬لە ئاوەدانی‮ ‬كشتوكاڵی‮ ‬بكەن و هاوكار و پاڵپشتی‮ ‬جوتیاران بن بۆ هەمان مەبەست‮.‬