یونس حەمەد-ئۆسلۆ
ئەگەرچی پێشتر و پێشووتریش لە گەورەترین ئاست و مەقامدا بەرپرسانی ئەمەریكا لە باڵیۆز و دیپلۆماتكار و وەزیری دەرەوە و تا دەگاتە جێگری سەرۆك سەردانی كوردستانیان كردووە، هەر جارێك سەردانەكان گرنگێتی خۆیان هەبووە، بەڵام سەردانی ئەمجارەی سەرۆكی یەكەمی دیپلۆماسییەتی ئەمەریكا مایك پۆمپیۆ و پێشتریش سەرۆكی گەورەترین دەسەڵاتداری وزە یاخود وەزیری وزە بۆ كوردستان و دانیشتن لەگەڵ ڕێبەر و سەرۆكی داهاتوو و سەرۆك وەزیرانی پاڵێوراو، خۆی لە خۆیدا ئەوەمان پێدەڵێت كە سەردانی ئەمجارە گرنگی و بەهای لە جاران زیاترە.
ئەمەریكا تەواو بڕیاری خۆی سەبارەت بە ڕۆژهەڵاتی ناوەڕاست داوە كە دەبێت و پێویستە گۆڕانكاری بكرێت ،هەر بۆیەشە لە ئاستی گەورەی دیپلۆماسی و ئۆكۆنۆمیدا بەرپرسانیان جموجۆڵێكی بەرفراوانیان دەستپێكردووە، تەوەرە گرنگەكان ئەوەیەه كە ویلایەتە یەكگرتووەكانی ئەمەریكا دەیەوێت دووبارە بە هێزەوە بێتەوە گۆڕەپانەكە، ئەگەرچی لە مێژە بوونی لە ناوچەی ڕۆژهەڵاتی ناوەڕاست هەبووە ، بەڵام دەرفەتی دا و چاوی خستە سەر ئەوەی تاچەند ناوچەكە بەرەو كوێی هەنگاو دەنێت، ئەوەی بیندرا دوای كشانەوەی هێزەكانی ئەمەریكا لە ناوچەكەدا بۆشایی بەرچاوكەوت ودروستبوو و گڕووپە تیڕۆریستییەكان پەرەیانسەند، هەروەها چەندین گرووپی دیكە هاتنە گۆڕەپان كە خۆیان لە ژێر ناوی یاسادا حەشارداوە، كردەوەی ناتەندروست ئەنجام دەدەن و دەست لە كەس ناپارێزن وەك حەشدی شەعبی، خاڵەكەی دیكە رژێم و سیستەمی ئێرانە كە لە لایەن كۆمەڵگا و دیپلۆماتكارانی جیهان بە گشتی و ڕۆژئاوایەكاندا ڕۆژ لە دوای ڕۆژدا پەراوێز دەخرێت گەیشتۆتە خاڵی سفر، وەك بڵێی سواوە بە مانای مانەوەی بێ تام بووە، ئێران ئەگەر دیقەت بدەیت وەك پار و پێرار و و ساڵانی ڕابردوو نییە، هەڕەشەكانی كەمبووەتەوە ، بەمە دەزانێت كە ئەمجارەیان ڕاستگۆیی لە بڕیاردان هەیە بۆ نەمانی بۆیە، هەر چییەك دەكات دەیەوێت خۆی لە وڵاتان و هەروەها نەتەوەكاندا نزیك بكاتەوە ، بۆ ئەوەی هەر هیچ نەبێت هەندێك باڵانس ڕابگرێت، وەك دەبینین شاندی نهێنی و نافەرمی بە تایبەتی شاندە لۆكاڵییەكان ئەوانەی زۆرترین كات لە ناوچەی سەوزی بەغدان دەنێرێتە ئیسرائیل تا تۆزێك ئەو بارە گرانەی سەر شانی نەختێك سووك بێت، بەڵام ئەمانە كار ناخاتە سەر بڕیاری گرنگی ئەمەریكا و ڕۆژئاوا كە پاككردنەوەی ڕۆژهەڵاتی ناوەڕاستە لە هێزە ئاژاوەگێڕی كە بە مەزەندەی ئەوان واتا ڕۆژئاواییەكان ئێران هۆكاری سەرەكی ئاڵۆزییەكانە لە شام و بەغدا و سەنعا و بەیرووت و هەتا كەنداویش، ئەوە ئێران لە بەرانبەردا توركیا ئەگەرچی كێشەكانی كەمترە، بەڵام ئەویش پێویستە ڕادەیەكی بۆ دابنرێت، ڕۆژئاواییەكان پێیانوایە توركیا لە چەند ساڵی ڕابردوودا كارەكتەرێكی ئاقڵ مەند نەبووە لە كێشەكاندا ، بەڵكو بەپێچەوانەوە ڕۆڵی نێگەتیڤی زۆر زیاتربووە لە پۆزەتیڤ، گرینگترین لە ???? و تا ئێستا توركیا كە ڕەجەب تەیب ئۆردوغان نوێنەرایەتی دەكات وەك نازانێ چۆن سیاسەت دەكات، ڕۆژێك دژ بە ڕووسیا لە هەمان كاتدا دۆستە، هەروەها لەگەڵ وڵاتانی ئەورووپی و هەتا ئیسرائیل مامەڵەی وا دەكات كە وەك بڵێی سیاسەتێكی هەرزەكارانەیە!.
جا لێرەدا سەردانی گەورە دیپلۆماسەكانی ئەمەریكا بۆ ناوچەكە و بۆ كوردستانیش بێشك وەڵامێكی ڕاستگۆیانەیە بۆ تەواوی ناوچەی ڕۆژهەڵاتی ناوەڕاست كە ئەمجارەیان زۆر زیاتر لە جاران جدییەت بەدی دەكرێت، دەبێت ڕەوشتی كۆمەڵایەتی و سیاسی بۆ ناوچەكە بگەڕێتەوە كە ماوەی ??? ساڵە ئەو مۆڕاڵە بوونی نەماوە. سەبارەت بە كوردیش دەبێت لەوە تێبگات كە چۆن گۆڕنكارییەكانی دوای ???? جیدی بوون ، ئێستاش لەوكات جیدیترە، بۆیە گرنگە بەتایبەتی ئەوانەی لە 16ی ئۆكتۆبەری 2017دا خیانەتیان لە خاك و نیشتمان كرد، بگەڕێنەوە ریزی نیشتمان و دووبارە خۆیان لەگەڵ كۆمەڵگا و سیاسەتی حەكیمانەی كورد كە سەرۆك بارزانی ڕابەرایەتی دەكات، بگونجێنن.
