خالد ئەحمەد بادی
سیاسەتمەدار وزانا و دامەزرێنەرێ هندێ ماهاتما‮ ‬غاندی‮ ‬دبێژیت‮:(‬یێن لدور دەستهەلاتی‮ ‬دزۆرن،‮ ‬لێ‮ ‬یێن لدور وەلاتی‮ ‬دكێمن‮). ‬دكاروانێ ژیانێ دا ئەڤە بوو مە روهن بوویە كو تو مەزن نابی‮ ‬ئەگەر نە ب ئێش و ئازاران بی‮ ‬وتو نا فێر بی‮ ‬وزانا بی‮ ‬ئەگەر شاشیا نەكەی‮ ‬وتو نا سەركەڤی‮ ‬ئەگەر تو فاشل نەبی‮ ‬وتو حەژێكرنێ نا كەی‮ ‬ئەگەر بەرزە نەكەی‮ ‬و ئەڤە‮ ‬یە سیستەمێ ژیانێ ئانكو دێ‮ ‬یێ گەشبین بی‮ ‬وخو رادەستی‮ ‬شكەستنێ‮ ‬ناكەیی‮ ‬و دێ هەر سەركەڤی‮. ‬هەمی‮ ‬دەما بەرامبەر دوژمنێ خو‮ ‬یێ سەربلند بە ویێ ب هەیبەت بە و بەلكو ب سەر بەرزی‮ ‬و بێ ترس دبەرا هەرە و ببورە و هیچ دەمەكی‮ ‬هزرەكێ بو‮ ‬نەكە و چ جاران نەشێتە تە و پەنجەكێ لتە بدەت‮ ‬یان زیانەكێ بگەهینیتە تە‮. ‬زۆر جاران ئەم بهایێ كەسان نزانین و ئەگەر ئەم ب چاڤلێكرنا وەلاتێن بیانی‮ ‬بكەین كەسایەتی‮ ‬و سەركردە وم ەزنێن وانان كێم كریە لێ ئەو وەلات و‮ ‬وەلاتی‮ ‬بهایەكێ مەزن ددەنە وان سەركردە و مەزن و كەسایەتی‮ ‬یان پتر ژوێ خزمەتێ‮ ‬یا وانان بو مللەتێ خو كری‮ ‬ئەم بەروڤاژی‮ ‬وانان كار و هزر دكەین مە ژی‮ ‬ب هزاران سەركردە و زانا و شارەزا و سیاسەتمەدار هەنە،‮ ‬لێ ئەم وی‮ ‬بهایی‮ ‬نا دەینێ وەكو پێتڤی،‮ ‬چونكە مللەت مێژوویا دروست دكەن و مللەت كەسان دكەنە د وێ مێژوویێ دا و ئەو كەسێن دچنە دوێ مێژوویێ د ا ژی‮ ‬بێگومان ب هەلویستێن خو‮ ‬یێن وەلاتپارێزی‮ ‬و نیشتمانی‮ ‬ناڤێن وانان دفەرهەنگا دیروكێ دا دهێنە توماركرن‮. ‬بویەرێن لڤێ داویێ دروست بووین و ب سەر روژهەلاتا ناڤەڕاست دا هاتین و وەلاتێ مە ژی‮ ‬كەفتیە بەر پێلا وان بویەران و هەوا و باروڤا وان بویەران‮ ‬كوردستان ژی‮ ‬گرتی‮ ‬مینا هاتنا بوهارا عەرەبی‮ ‬و دیاربوونا دیمەنێن كوژەك و بریندار ل عیراقا گەنی‮ ‬و هاتنا قاعیدە و رێكخراوێن تیرورستی‮ ‬و هاتنا داعشا تیرۆریست و هاتنا حەشدا شیعی‮ ‬یا هەمەج و ئەڤ بویەرە ب سەر دەڤەرا مە دا هاتن و مللەتێ مە‮ ‬یێ كوردێ بەلەنگاز كەفتە بەر ڤان پێلێن نەخوش و دژوار و بەرگریەكا موكوم و ب هێز ودژوار ژ پێشمەرگێن كومارا كوردستانێ پێشمەرگێن بارزانی‮ ‬و پێشمەركێن قەهرەمان دیت و گورزێن گران و مەزن ل رێكخراوا ناڤئینای‮ ‬دان كو ئەو رێكخراو بو‮ ‬یا تیرۆریستی‮ ‬كو وەلاتێن مەزن شكاندین و پیچ كرین و نەشیان خو لبەر سینگێ وان درندە و هەمەجا بگرن لێ پێشمەرگێن چاڤنەترس و شێر و شورەشگێر خو لبەر سنگێ وانان ركباندن و چوك ژ چەپەران نە هەلاندن و ئەو پێشمەرگە بوون‮ ‬یێن كو داعشا گەنی‮ ‬و هەمەج شكاندین و ئەڤە هەمی‮ ‬ب سەركردایەتیا كەسەكی‮ ‬بوو كو هەیڤە و لناڤ ستێران دا دیارە‮. ‬هەمی‮ ‬دەما ب هیمەتا كەسانێن ب هێز و ب ئیرادە و ب سەربور و جوامێر وەلات ئاڤا بووینە و هاتینە پاراستن‮. ‬هەلویستێن‮ ‬بەرێ و ئەڤ هەلویستێن بهێزێن نیشتمانی‮ ‬یێن ڤێ داویێ كو بەرگریا تیروستان و حەشدێ و ئەنجام دانا ریفراندومێ كو بوویە بەلگەك و سەنەد بۆ گەلێ كورد كو بارزانی‮ ‬ئەنجام داینە و بدەستڤە ئیناینە و لەوما دبێژم هەیڤ لناڤ ستێرا زۆر دیارە و ئەڤ هەیڤە دێ رۆژ بو رۆژێ گەشتر لێ هێت و ئومێدێن بهێزتر دێ دەتە مە ژبۆ دەربازكرنا گەشتا مە لناڤ دەریایا‮ ‬هار و ب پێل و زڤرۆك كو بگەهینتە كەنارێن ئارام‮.‬