غەفوور مەخمووری
لە سەرەتای‮ ‬سەرهەڵدانی‮ ‬راپەڕینەكانی‮ ‬گەلانی‮ ‬سووریا،‮ ‬گەلانی‮ ‬ناوچەكە و جیهان بە چاوی‮ ‬ئومێدەوە دەیانڕوانییە داهاتووی‮ ‬سووریا و رزگاربوونی‮ ‬لە دكتاتۆرییەت و زۆر وڵات و لایەنیش لەو باوەڕەدابوون كەوا سەرۆكی‮ ‬سووریا و رژێمەكەی‮ ‬پەند لە راپەڕین و گۆڕانگارییەكانی‮ ‬تونس و میسر و لیبیا وەردەگرن و بۆ پاراستنی‮ ‬سووریا لە وێرانكاری‮ ‬و خوێنڕشتن دەستبەرداری‮ ‬حوكم دەبن،‮ ‬بەڵام ئەوەیان نەكرد و بە ئاگر و ئاسن رووبەڕووی‮ ‬خەڵكی‮ ‬راپەڕیو و هێزە چەكدارەكانی‮ ‬سووریا بوونەوە،‮ ‬ئەوەتا دەبینین لە ئەنجامدا رژێمی‮ ‬سووریا نیوەی‮ ‬وڵاتەكی‮ ‬خۆی‮ ‬وێرانكردووە و بە هەزاران هاوڵاتی‮ ‬خۆی‮ ‬كوشتووە و گازی‮ ‬قەدەخەكراوی‮ ‬كیمیاوی‮ ‬لە دژ گەلی‮ ‬خۆی‮ ‬بەكارهێناوە و زیاتر لە ملیۆنێك هاووڵاتی‮ ‬سووریای‮ ‬ئاوارە و دەردەبەدەری‮ ‬وڵاتان كردووە و ئابوورییەكەی‮ ‬دارووخاوە،‮ ‬لە ناوخۆدا متمانەی‮ ‬لای‮ ‬گەلی‮ ‬سووریا نەماوە،‮ ‬لە ئاستی‮ ‬هەرێمی‮ ‬و نێودەوڵەتیشدا خۆی‮ ‬گۆشەگیر و بێڕێز كردووە‮.‬
‮ ‬رۆژئاوای‮ ‬كوردستان وەك بەشێك لە جوگرافیای‮ ‬سووریا كەوتە ژێر كاریگەری‮ ‬رووداوەكان و لەسەرەتای‮ ‬سەرهەڵدان و راپەڕینەكانی‮ ‬گەلانی‮ ‬سووریا گەلی‮ ‬كوردمان لە رۆژئاوای‮ ‬كوردستان زۆربەی‮ ‬شار و شارۆچكەكانی‮ ‬رۆژئاوای‮ ‬كوردستانیان ئازادكرد و لە هێرشی‮ ‬تیرۆریستان پاراستیان،‮ ‬بە حوكمی‮ ‬ئەوەی‮ ‬كەوا رۆژئاوا و باشووری‮ ‬كوردستان پەیوەندییەكی‮ ‬دیرۆكی‮ ‬و بەتینیان هەیە و‮ ‬لە سەرەتای‮ ‬كاری‮ ‬سیاسی‮ ‬رۆژئاوا رێبەرایەتی‮ ‬شۆڕشی‮ ‬كوردستان و خودی‮ ‬مستەفا بارزانیی‮ ‬نەمر پشتیوانی‮ ‬بزاڤی‮ ‬سیاسی‮ ‬رۆژئاوا بوون و‮ ‬یەكەم پارتی‮ ‬سیاسی‮ ‬لە رۆژئاوای‮ ‬كوردستان‮ (‬پارتی‮ ‬دیموكراتی‮ ‬كوردستان‮ ‬_ سووریا‮) ‬لە ساڵی1957 ‮ ‬بە رێنمایی‮ ‬و پشتیوانی‮ ‬بارزانیی‮ ‬نەمر دامەزراوە،‮ ‬بارزانیی‮ ‬نەمر لە رێی‮ ‬دامەزراندنی‮ ‬ئەو پارتە ئامانجی‮ ‬ئەوە بوو كەوا نەتەوەی‮ ‬كورد لە رۆژئاوای‮ ‬وڵات‮ ‬یەكبخات و پارتێك هەبێت پێشەنگایەتی‮ ‬خەباتی‮ ‬رۆژئاوا بكات،‮ ‬بۆیە بە وردی‮ ‬چاودێری‮ ‬رەوشی‮ ‬رۆژئاوای‮ ‬كوردستانی‮ ‬دەكرد و رێنمایی‮ ‬سەركردەكانی‮ ‬دەكرد كەوا هەوڵ بدەن لە دەوری‮ ‬یەكدا كۆببنەوە و هێز و توانای‮ ‬خۆیان‮ ‬یەكبخەن و بە‮ ‬یەكدەنگی‮ ‬داوای‮ ‬مافی‮ ‬نەتەوەیی‮ ‬خۆیان لە دەسەڵاتدارانی‮ ‬سووریا بكەن،‮ ‬مستەفا بارزانیی‮ ‬نەمر مامەڵەیەكی‮ ‬تایبەتی‮ ‬لەگەڵ رۆژئاوای‮ ‬كوردستان دەكرد،‮ ‬هەر بۆیە تا ئێستاش زۆربەی‮ ‬هەرە زۆری‮ ‬خەڵكی‮ ‬رۆژئاوای‮ ‬كوردستان رێزو خۆشەویستییەكی‮ ‬زۆریان بۆ مستەفا بارزانی‮ ‬نەمر و بارزانییەكان هەیە‮.‬
‮ ‬لەسەر بنەمای‮ ‬ئەو پەیوەندییە دیرۆكییە سەرەڕای‮ ‬بوونی‮ ‬رەخنە و سەرنج و تێبینی‮ ‬لەسەر چۆنیەتی‮ ‬بەڕیوەبردنی‮ ‬رۆژئاوای‮ ‬كوردستان لە لایەن دەسەڵاتدارانی‮ ‬رۆژئاوا،‮ ‬سەركردایەتیی‮ ‬سیاسیی‮ ‬كوردستان و رێبەرایەتیی‮ ‬بزاڤی‮ ‬رزگاریخوازیی‮ ‬نیشتمانیی‮ ‬كوردستان بەردەوام هەوڵیداوە و ناكۆكی‮ ‬نێوان لایەنە سیاسییەكانی‮ ‬رۆژئاوا چارەسەر بكات و نەیانهێلێت،‮ ‬بۆ ئەم مەبەستەش رۆڵ و هەوڵەكانی‮ ‬سەرۆك مەسعود بارزانی‮ ‬رێبەری‮ ‬بزاڤی‮ ‬رزگاریخوازیی‮ ‬نیشتمانیی‮ ‬كوردستان لەبەرچاون،‮ ‬پشتیوانییە سیاسی‮ ‬و دیپلۆماسی‮ ‬و سەربازییەكانی‮ ‬سەرۆك مەسعود بارزانی‮ ‬هەر لە هەوڵەكانی‮ ‬بۆ لێكنزیكردنەوەی‮ ‬لایەنەكانی‮ ‬رۆژئاوا تا دەگاتە گەیاندنی‮ ‬دەنگی‮ ‬رۆژئاوا بە ناوەندە نێودەوڵەتییەكان و ناردنی‮ ‬پێشمەرگە و پێداویستی‮ ‬سەربازی‮ ‬بۆ كۆبانێ ئەوانە هەموو خاڵی‮ ‬درەوشاوەن لە دیرۆكی‮ ‬نوێی‮ ‬كوردستاندا،‮ ‬جەنابیان هەوڵێكی‮ ‬زۆریدا و بەردەوامە بۆ ئەوەی‮ ‬لایەنە سیاسییەكانی‮ ‬رۆئاوای‮ ‬كوردستان‮ ‬یەكڕیز و‮ ‬یەكدەنگ بن بۆ چۆنیەتی‮ ‬بەڕێوەبردن و پاراستنی‮ ‬رۆژئاوای‮ ‬كوردستان،‮ ‬بۆ ئەم مەبەستەش كاتێكی‮ ‬زۆری‮ ‬خۆی‮ ‬بۆ رۆژئاوای‮ ‬كوردستان تەرخانكردووە و لە خەمی‮ ‬پاراستنی‮ ‬رۆژئاوادایە و لەم پێناوەشدا چەندین كۆبوونەوەی‮ ‬لە نێوان لایەنە ناكۆكەكانی‮ ‬رۆژئاوا رێكخستووە و لە ئەنجامدا‮ (‬رێككەوتننامەی‮ ‬هەولێر‮) ‬و دواتریش‮ (‬رێكەوتننامەی‮ ‬دهۆك‮) ‬بە هەوڵ و دەستپێشخەری‮ ‬و سەرپەرشتی‮ ‬سەرۆك بارزانی‮ ‬لە نێوان‮ (‬تەڤگەری‮ ‬كۆمەڵگەی‮ ‬دیموكرات‮ ‬TEVDEM ‮)‬ و‮ (‬ئەنجوومەنی‮ ‬نیشتمانی‮ ‬كورد لە سووریا‮ (‬ENKS‮)‬ ئیمزاكران،‮ ‬بەڵام بەداخەوە هەردوو لایەن پابەندی‮ ‬جێبەجێكردنی‮ ‬رێككەوتننامەكان نەبوون،‮ ‬ئەگەر دەسەڵاتدارانی‮ ‬رۆژئاوا هاوكاری‮ ‬سەرۆك مەسعود بارزانی‮ ‬بووان بۆ جێبەجێكردنی‮ ‬رێككەوتننامەكان و سوودیان لە رێنماییەكانی‮ ‬جەنابیان وەربگرتبووایە ئەوا بە دڵنیاییەوە ئەزموونی‮ ‬رۆژئاوا زۆر پێشدەكەوت و قورسایی‮ ‬سیاسی‮ ‬و سەربازی‮ ‬و لەنێو هاوكێشە سیاسییە هەرێمی‮ ‬و نێودەوڵەتییەكان زێدەتر دەبوو،‮ ‬لە رووی‮ ‬ئابووری‮ ‬و دبلۆماسی‮ ‬و ئیداریشەوە دەوڵەمەندتر دەبوو،‮ ‬لەسەر ئاستی‮ ‬نەتەوەیش هاوسۆزو پشتیوانی‮ ‬زێدەتر دەبوو‮.‬
‮ ‬سەرەڕای‮ ‬هەوڵ و پشتیوانییەكانی‮ ‬سەرۆك مەسعود بارزانی‮ ‬بۆ پشتیوانیكردنی‮ ‬رۆژئاوای‮ ‬كوردستان،‮ ‬هاوكات‮ ‬مەسرور بارزانی‮ ‬راوێژكاری‮ ‬ئەنجوومەنی‮ ‬ئاسایشی‮ ‬كوردستان‮ ‬هاوكار و پشتیوانێكی‮ ‬كارای‮ ‬رۆژئاوای‮ ‬كوردستان بووە و هەوڵیداوە مەینەتییەكانی‮ ‬رۆژئاوای‮ ‬كوردستان و زوڵم و چەوساندنەوەیان لە لایەن رژێمی‮ ‬سووریاوە بە ناوەندە نێودەوڵەتییە بڕیار بەدەستەكان بگەیەنێت،‮ ‬بۆ ئەم مەبەستەش لە چەندین دیدار لەگەڵ ناوەندە نێودەوڵەتییەكاندا پرسی‮ ‬رۆژئاوای‮ ‬كوردستان‮ ‬یەكێك بووە لە خاڵە گرنگەكانی‮ ‬ئەجێندای‮ ‬كۆبوونەوەكانی‮ ‬چ لە ئەوروپا و چ لە ئەمەریكا،‮ ‬جێی‮ ‬وەبیرهێنانەوەیە كەوا مەسرور بارزانی‮ ‬كاتێ سەردانی‮ ‬پەرلەمانی‮ ‬یەكێتیی‮ ‬ئەورووپای‮ ‬كرد بە بایەخەوە باسی‮ ‬لە رۆژئاوای‮ ‬كوردستان كرد و داوایكرد كەوا وڵاتانی‮ ‬ئەورووپا رۆڵیان هەبێت لە پشتیوانیكردن و پاراستنی‮ ‬رۆژئاوای‮ ‬كوردستان،‮ ‬ئەو داوایەی‮ ‬مەسرور بارزانی‮ ‬لە پەرلەمانی‮ ‬یەكێتیی‮ ‬ئەوروپا وایكرد كەوا ئەوروپییەكان و بە تایبەت فەڕەنسا پشتیوانی‮ ‬زیاتری‮ ‬رۆژئاوای‮ ‬كوردستان بكەن،‮ ‬هەر لەو كۆبوونەوەیەدا كاتێك‮ ‬یەكێك لە ئامادەبووان روو دەكاتە مەسرور بارزانی‮ ‬و دەڵێت‮: ‬هەفتەی‮ ‬داهاتوو دەچم بۆ سووریا و بەشار ئەسەد دەبینم چیت هەیە پێی‮ ‬بڵێم؟،‮ ‬مەسرور بارزانی‮ ‬پێیدەڵێت‮: ‬لە بەشار ئەسەد بپرسە كوردەكانی‮ ‬سووریا بۆ بێناسنامەن‮.‬،‮ ‬بەڵێ ئەو پەیوەندی‮ ‬و پشتیوانییە دیرۆكییەی‮ ‬سەركردایەتیی‮ ‬سیاسیی‮ ‬كوردستان و پشتیوانییەكانی‮ ‬سەرۆك مەسعود بارزانی‮ ‬بۆ رۆژئاوای‮ ‬كوردستان رژێمی‮ ‬سووریای‮ ‬هەناسە تەنگ كردووە،‮ ‬بۆیە لای‮ ‬خۆیەوە ناوی‮ ‬مەسرور بارزانی‮ ‬خستۆتە لیستی‮ ‬تیرۆرەوە،‮ ‬بە باوەڕی‮ ‬من ئەوەش مەدالیای‮ ‬شانازییە بۆ مەسرور بارزانی‮ ‬،‮ ‬بێگومان پاداشتی‮ ‬هەڵوێستی‮ ‬نەتەوەیی‮ ‬و نیشتمانی‮ ‬مێدالیای‮ ‬شانازییە،‮ ‬رژێمی‮ ‬سووریا باش دەزانێت كەوا مەسرور بارزانی‮ ‬لەسەر ئاستی‮ ‬نێودەوڵەتیدا سەنگ و قورسایی‮ ‬خۆی‮ ‬هەیە و كەسایەتییەكی‮ ‬گوێلێگیرا و حیساب بۆكراوە و‮ ‬دەتوانێ رۆڵێكی‮ ‬مەزن بگێڕێت لە گەیاندنی‮ ‬مەزلوومییەتی‮ ‬كوردانی‮ ‬رۆژئاوا بە جیهانی‮ ‬دەرەوە،‮ ‬ئەو كارانەی‮ ‬كەوا لەم پێناوەشدا ئەنجامیداون بەرهەمەدار بوون‮. ‬
‮ ‬سەرەڕای‮ ‬ئەمانەی‮ ‬كە باسمانكردن‮ ‬مەسرور بارزانی‮ ‬وەك كەسایەتییەكی‮ ‬سیاسیی‮ ‬وردبین و دووربین و خودان هزر و رامان و بەرنامە لە كاركردندا،‮ ‬وەك راوێژكاری‮ ‬ئەنجوومەنی‮ ‬ئاسایشی‮ ‬كوردستان لە ماوەی‮ ‬رابردوودا زۆر سەركەوتووانە توانیویەتی‮ ‬كوردستان بپارێزێت و هێمنی‮ ‬و ئارامی‮ ‬بۆ هاووڵاتییان دابین بكات،‮ ‬لە كاتی‮ ‬هێرش و پەلاماری‮ ‬تیرۆیستانی‮ ‬داعش بۆ سەر كوردستان وەك پێشمەرگەو هاوكارێك لەگەڵ جەنابی‮ ‬سەرۆك مەسعود بارزانی‮ ‬رێبەری‮ ‬بزاڤی‮ ‬رزگاریخوازیی‮ ‬نیشتمانیی‮ ‬كوردستان بەردەوام لە سەنگەری‮ ‬بەرگریكردن لە خاكی‮ ‬كوردستان و پاراستنی‮ ‬سەر و ماڵی‮ ‬هاووڵاتییان مایەوەو رۆڵی‮ ‬كاریگەرانەی‮ ‬خۆی‮ ‬بینی‮ ‬لە وەستانەوە دژ بە تیرۆریستان و تێكشكاندنیان،‮ ‬مەسرور بارزانی‮ ‬وەك پێشمەرگەیەكی‮ ‬چاونەترس بەردەوام شەڕی‮ ‬تیروریستانی‮ ‬كردووە و‮ ‬لە خەمی‮ ‬پاراستنی‮ ‬تەواوی‮ ‬پێكهاتەكانی‮ ‬كوردستان و قووڵكردنەوەی‮ ‬زیاتری‮ ‬گیانی‮ ‬بە‮ ‬یەكەوە ژیان بووە و‮ ‬پرسە نەتەوەیی‮ ‬و نیشتمانییەكانی‮ ‬لە پێشینەی‮ ‬كارەكانی‮ ‬خۆی‮ ‬داناوە،‮ ‬شێوازی‮ ‬كار و خەباتی‮ ‬مەسرور بارزانی‮ ‬وایكردووە كەوا لە لایەن دۆست و دوژمن حیسابی‮ ‬وردی‮ ‬بۆ بكرێت،‮ ‬دۆست بە چاوی‮ ‬هیواوە لە داهاتووی‮ ‬مەسرور بارزانی‮ ‬بڕوانێت و‮ ‬دوژمنیش بە ترسەوە سەیری‮ ‬هەنگاوەكانی‮ ‬بكات،‮ ‬ئەمەش وایكردووە ببێتە ئەو كەسایەتییە گەنجەی‮ ‬كەوا پێگەیەكی‮ ‬بەهێزی‮ ‬لە ناوخۆ و ناوچەكەو وڵاتانی‮ ‬عەرەبی‮ ‬و ئاستی‮ ‬نێودەوڵەتی‮ ‬هەبێت،‮ ‬هەر بۆیە ئەگەر سەرنج بدەین لەدوای‮ ‬ئەوەی‮ ‬كەوا پارتی‮ ‬دیموكراتی‮ ‬كوردستان‮ ‬مەسرور بارزانی‮ ‬بۆ پۆستی‮ ‬سەرۆكی‮ ‬حكومەتی‮ ‬كوردستان پاڵاوت بەشێك لە میدیا ناوخۆی‮ ‬و عەرەبییەكان كەوتنە هێرشكردنە سەر بەڕیزیان،‮ ‬هەوڵەكانی‮ ‬رژێمی‮ ‬سووریاش بۆ دژایەتیكردنی‮ ‬مەسرور بارزانی‮ ‬لەو چوارچێوەیەدان‮.‬
هەر دژایەتیكردنێكی‮ ‬مەسرور بارزانی‮ ‬لە لایەن دەوڵەتێكی‮ ‬تیرۆریستیی‮ ‬وەك سووریا كەوا خۆی‮ ‬تیرۆری‮ ‬دەوڵەت پێڕەو دەكات جێگەی‮ ‬بایەخ نییە و مەزنترین شانازییە بۆ مەسرور بارزانی‮ ‬،‮ ‬ئەو كاتەی‮ ‬مەسرور بارزانی‮ ‬لە سەنگەری‮ ‬پاراستنی‮ ‬كوردستان و هاووڵاتییانی‮ ‬كوردستاندا بوو،‮ ‬ئەوكات رژێمی‮ ‬سووریا ژن و منداڵ و پیر و پەككەوتەی‮ ‬سووریای‮ ‬دەكوشت و گازی‮ ‬كیمیایی‮ ‬لە دژیان بەكار دەهێنا،‮ ‬رژێمێكی‮ ‬وەك سووریا كەوا نیوەی‮ ‬هاووڵاتییانی‮ ‬خۆی‮ ‬دەربەدەر كردبێت و نزیكەی‮ ‬ملیۆنێك هاوڵاتی‮ ‬خۆی‮ ‬كوشتبێت و وڵاتەی‮ ‬خۆی‮ ‬وێران كردبێت،‮ ‬ئەوەی‮ ‬تیرۆریستان نەیانكردبێت ئەو كردبێتی‮ ‬چۆن لە رووی‮ ‬دێت باسی‮ ‬كەسایەتییەكی‮ ‬وەك مەسرور بارزانی‮ ‬بكات ؟‮ ‬
‮ ‬بێگومان روانینی‮ ‬رژێمی‮ ‬سووریا بۆ كەسایەتییەكی‮ ‬تێكۆشەری‮ ‬وەك مەسرور بارزانی‮ ‬لای‮ ‬گەلی‮ ‬كوردستان جێگەی‮ ‬بایەخ نییە،‮ ‬لەو سەردەمەدا رژێمی‮ ‬سووریا گەورەترین تیرۆریستە و رژێمێكە لە كردەوەی‮ ‬تیرۆریستیدا كاری‮ ‬وای‮ ‬ئەنجامداوە كەوا رێكخراوە تیرۆریستییەكان ئەنجامیان نەداوە،‮ ‬وەك ئەو كردەوە تیرۆریستییەی‮ ‬كەوا لە‮ (‬غۆتە‮) ‬ئەنجامیدا،‮ ‬رژێمێك وڵاتەكەی‮ ‬كردبێتە وێرانەو كورسی‮ ‬دەسەڵاتەكەی‮ ‬لەسەر دەریایەك خوێن و قەڵایەك لە ئیسك و پروسكی‮ ‬هاوڵاتییانی‮ ‬بێت چۆن لەڕووی‮ ‬دێت باسی‮ ‬لیستی‮ ‬تیرۆر بكات‮! ‬سەرانی‮ ‬رژێمی‮ ‬سووریا لەجیاتی‮ ‬ئەوەی‮ ‬خەریكی‮ ‬دژایەیكردنی‮ ‬مەسرور بارزانی‮ ‬بن،‮ ‬با بچن خەریكی‮ ‬ئاوەدانكردنەوەی‮ ‬وڵاتەكەیان بن نەك زیاتر وێرانكردنی،‮ ‬با بچن خەریكی‮ ‬سپیكردنەوەی‮ ‬رووی‮ ‬رەشی‮ ‬خۆیان بن،‮ ‬كەوا لەسەر ئاستی‮ ‬ناوخۆ و ناوچەكەو نێودەوڵەتیدا،‮ ‬هێندە رووڕەشن رووی‮ ‬هیچ ئاوەدانییەكیان نەماوە‮.‬

‮❊ ‬سكرتێری‮ ‬گشتیی‮ ‬یەكێتی‮ ‬نەتەوەیی‮ ‬دیموكراتی‮ ‬كوردستان‮ ‬YNDK