كاروان محەمەد سینۆ
لە دوایین هەڵبژاردنی‮ ‬پەرلەمانی‮ ‬كوردستان و لە كۆی‮ ‬111‮ ‬كورسیی‮ ‬پەرلەمان،‮ ‬پارتی‮ ‬دیموكراتی‮ ‬كوردستان بە زۆرینەی‮ ‬دەنگ توانی‮ ‬45‮ ‬كورسی‮ ‬مسۆگەر بكات و بەم شێوەیەش پارتی‮ ‬لە توانایدا هەیە بەشێوەیەك لە شێوەكان حكوومەتی‮ ‬زۆرینە‮ (‬نەك بنكەفراوان‮) ‬پێكبهێنێت،‮ ‬بەڵام وادیارە پارتی‮ ‬دەخوازێت ئەگەر حكوومەتی‮ ‬بنكە فراوانیش نەبێت،‮ ‬حكوومەتی‮ ‬شەراكەت پێكبهێنێت‮ (‬ئەگەرچی‮ ‬پێموایە حكوومەتی‮ ‬زۆرینە زیاتر لە بەرژەوەندی‮ ‬خەڵكی‮ ‬كوردستاندایە،‮ ‬چونكە حكوومەتی‮ ‬زۆرینە بەرپرسیارێتییەكەی‮ ‬لە ئاستی‮ ‬خەڵكی‮ ‬كوردستاندا زیاتر بەرجەستە دەبێت‮). ‬

نزیكەی‮ ‬دوو مانگە پارتی‮ ‬لە هەوڵدایە حكوومەت پێك بهێنێت و بۆ ئەم مەبەستە چەندین جار سەردانی‮ ‬لایەنە سیاسییەكانی‮ ‬كوردستانی‮ ‬كردووە‮ (‬ئەوانەی‮ ‬دەخوازن بەشداری‮ ‬حكوومەت بكەن‮). ‬بەپێی‮ ‬راگەیاندراوەكان،‮ ‬لەمیانەی‮ ‬ئەم سەردانانەی‮ ‬پارتی‮ ‬بۆ لایەنە سیاسییەكان بەتایبەت‮ ‬یەكێتی‮ ‬و گۆڕان كە براوەی‮ ‬دووەم و سێهەمی‮ ‬هەڵبژاردنن،‮ ‬وادیارە خواستەكانی‮ ‬ئەم دوو حزبە بۆ چەند پۆستێك بوونەتە ئاستەنگ و لەمپەڕ‮ ‬بۆ پێكهێنانی‮ ‬كابینەی‮ ‬نۆیەمی‮ ‬حكوومەتی‮ ‬هەرێمی‮ ‬كوردستان،‮ ‬چونكە ئەم دوو حزبە وەكو براوەی‮ ‬دووەم و سێهەم هەریەكەیان چەند پۆستێك بە مافی‮ ‬خۆیان دەزانن و پێگیری‮ ‬لەم خواستەی‮ ‬خۆیان دەكەن‮. ‬بۆ دەربازبوون لەم گرێیە‮ (‬ناچار‮) ‬پێویستە پارتی‮ ‬پێودانگی‮ ‬مافگەری‮ ‬هەڵبژاردن‮ (‬استحقاق انتخابی‮) ‬پەیڕەو بكات و پێویستە لایەنە سیاسییەكانیش وەكو بنەمایەكی‮ ‬دادپەروەری‮ ‬بەم پێودانگە رازی‮ ‬ببن،‮ ‬بەڵام وەكو لە‮ ‬ڕاگەیەندراوەكانی‮ ‬بەرپرسیانی‮ ‬یەكێتیی‮ ‬نیشتمانیی‮ ‬كوردستان دەیبینین و دەیبیستین،‮ ‬یەكێتی‮ ‬خواست و بۆچوونێنیكی‮ ‬دیكەی‮ ‬هەیە بۆ پێكهێنانی‮ ‬حكوومەت‮! ‬ئەویش مەرج و هاوبەستكردنی‮ ‬كێشەی‮ ‬كەركووكە بە پێكهێنانی‮ ‬كابینەی‮ ‬نۆیەمی‮ ‬حكوومەتی‮ ‬هەرێمی‮ ‬كوردستانەوە،‮ ‬ئەمە لە لایەك و لەلایەكی‮ ‬دیكەش‮ ‬یەكێتی‮ ‬دەخوازێت هاوشێوەی‮ ‬جاران رێككەوتنێكی‮ ‬ستراتیجی‮ ‬لە نێوان پارتی‮ ‬و‮ ‬یەكێتی‮ ‬فەراهەم بكرێت بۆ دابەشكردنی‮ ‬دەسەڵات لە هەرێمی‮ ‬كوردستاندا‮. ‬هەڵبەت ئەم دوو خواستەی‮ ‬یەكێتی‮ ‬ئاستەنگ و لەمپەڕی‮ ‬سەرەكین لەبەردەم پێكهێنانی‮ ‬حكوومەت لەبەر ئەم هۆكارانەی‮ ‬خوارەوە‮.

یەكەم‮: ‬پەیوەستكردنی‮ ‬كێشەی‮ ‬كەركووك بە پێكهێنانی‮ ‬حكوومەتی‮ ‬هەرێمی‮ ‬كوردستان خواستێكی‮ ‬نالۆجیكییە‮ (‬غیر منطقی‮) ‬یەكێتیی‮ ‬نیشتیمانیی‮ ‬كوردستانە چونكە‮:‬
أ-كەركووك دەڤەرێكی‮ ‬كوردستانییە و تاكو ئێستاش لە دەرەوەی‮ ‬دەسەڵاتی‮ ‬حكوومەتی‮ ‬هەرێمی‮ ‬كوردستانە‮. ‬واتا هیچ هاوبەستێك لە نێوان ئیدارەدانی‮ ‬كەركووك و حكوومەتی‮ ‬هەرێمی‮ ‬كوردستان نییە،‮ ‬بۆیە نابێت كێشەی‮ ‬كەركووك هاوبەستی‮ ‬پێكهێنانی‮ ‬حكوومەتی‮ ‬كوردستان بكرێ‮.‬
ب-بۆ هەڵبژاردنی‮ ‬پەرلەمانی‮ ‬كوردستان لە كەركووك هەڵبژاردن نەكراوە،‮ ‬بۆیە پێویست ناكات‮ ‬یەكێتی‮ ‬بۆ پێكهێنانی‮ ‬حكوومەتی‮ ‬هەرێمی‮ ‬كوردستان كێشەی‮ ‬كەركووك هاوبەست بكات و بیكاتە ئاستەنگ و مساوەمە و موزایەدە بە كەركووكەوە بكات‮.‬
ت-پاش رووداوەكانی‮ ‬16ی‮ ‬ئۆكتۆبەری‮ ‬2017‮ ‬كەركووك لە لایەن تاقمێكی‮ ‬ناو‮ ‬یەكێتی‮ ‬رادەستی‮ ‬حەشدی‮ ‬شەعبی‮ ‬و دەسەڵاتی‮ ‬عەسكەری‮ ‬عێراق كراوە و كەركووك داگیركراوە و ئێستاش هیچ و ئیمزا و مامەڵەیەكی‮ ‬حكوومەتی‮ ‬هەرێمی‮ ‬كوردستان لە كەركووك رایی‮ ‬ناكرێ،‮ ‬بۆیە پێویست ناكات‮ ‬یەكێتی‮ ‬كێشەی‮ ‬كەركووك پەیوەست بكات بە پێكهاتنی‮ ‬حكوومەتی‮ ‬كوردستان و سەودا و موزایەدەی‮ ‬پێوە بكات؟‮!.‬

دووەم‮: ‬داوای‮ ‬یەكێتی‮ ‬بۆ رێككەوتنێكی‮ ‬ئیستراتیجی،‮ ‬ئەمەش خواستێكی‮ ‬نالۆجیكی‮ (‬غیر منطقی‮)‬ی‮ ‬یەكێتییە چونكە‮
أ-لە چەند ساڵی‮ ‬رابردوودا هەموو خەڵكی‮ ‬كوردستان ئاگادارن كە خودی‮ ‬سەركردایەتیی‮ ‬سیاسیی‮ ‬یەكێتی‮ ‬نكۆڵیان لە رێككەوتنی‮ ‬ستراتیجی‮ ‬پێشووی‮ ‬پارتی‮ ‬و‮ ‬یەكێتی‮ ‬كردووە و مردنی‮ ‬رێككەوتنەكەیان راگەیاندووە و بە رێككەوتنێكی‮ ‬ئیفلیجیش وەسفیان كردووە،‮ ‬ئیتر بۆچی‮ ‬رێككەوتنێكی‮ ‬هاوشێوە ئیمزا بكرێتەوە‮. ‬بۆیە ئەم خواستەی‮ ‬یەكێتی‮ ‬نالۆجیكییە‮ (‬غیر منطقی‮).‬
ب-رێككەوتنی‮ ‬ئیستراتیجی‮ ‬مانای‮ ‬ئەوەیە كە لایەنەكانی‮ ‬دیكەی‮ ‬سیاسی‮ (‬ئەوانەی‮ ‬كە دەخوازن بەشداری‮ ‬حكوومەت بكەن‮) ‬ئەو لایەنانە لە پرۆسەی‮ ‬سیاسی‮ ‬و لە نێو حكوومەتی‮ ‬كوردستانداپەراوێز بخرێن‮ (‬بەتایبەت بزووتنەوەی‮ ‬گۆڕان‮). ‬ئەمەش پێچەوانەی‮ ‬بنەمای‮ ‬پێكهێنانی‮ ‬حكوومەتی‮ ‬شەراكەتە‮. ‬بۆیە ئەم خواستەی‮ ‬یەكێتی‮ ‬نالۆجیكییە‮ (‬غیر منطقی‮).‬
ت-باشە ئەگەر رێككەوتنی‮ ‬ئیسترایجی‮ ‬لە نێوان پارتی‮ ‬و‮ ‬یەكێتی‮ ‬بكرێ بۆ پێكهێنانی‮ ‬حكوومەت و دابەشكردنی‮ ‬دەسەڵات لە هەرێمی‮ ‬كوردستاندا،‮ ‬كەواتە بۆچی‮ ‬هەمووساڵێك هەڵبژادرن ئەنجام بدرێ‮ ‬و خەڵكی‮ ‬كوردستان و لایەنە سیاسییەكانی‮ ‬كوردستان‮ ‬بۆ ماوەی‮ ‬مانگێك سەرقاڵی‮ ‬پڕۆگرام و پڕۆپاگەندای‮ ‬هەڵبژاردن بكرێ و بڕێكی‮ ‬زۆریش پارەی‮ ‬حكوومەت لەم پڕۆسەیەدا خەرج بكرێت و لە كۆتاییشدا هیچ حسابێك بۆ ئەنجامەكانی‮ ‬هەڵبژاردنەكە نەكرێ و دەسەڵات لە نێوان پارتی‮ ‬و‮ ‬یەكێتی‮ ‬دابەشكرێت‮. ‬بۆیە ئەم خواستەی‮ ‬یەكێتی‮ ‬نالۆجیكییە‮(‬غیر منطقی‮).‬
كەواتە لە كۆتاییدا ئاستەنگ و لەمپەڕەكانی‮ ‬بەردەم پێكهێنانی‮ ‬حكوومەتی‮ ‬هەرێمی‮ ‬كوردستان‮ (‬كابینەی‮ ‬نۆیەم‮) ‬ئاستەنگی‮ ‬دروستكراون لە لایەن‮ ‬یەكێتیی‮ ‬نیشتمانیی‮ ‬كوردستانەوە كە هیچ خزمەتێك بە پرۆسەی‮ ‬سیاسیی‮ ‬كوردستان و خەڵكی‮ ‬كوردستان ناكات‮. ‬پێموایە لەمپەڕ‮ ‬و ئاستەنگەكانی‮ ‬یەكێتی‮ ‬بێجگە لە‮ (‬ئەجێندایەكی‮ ‬دەرەكی‮)‬؟‮! ‬هیچ پاساوێكی‮ ‬دیكەی‮ ‬بۆ نییە‮. ‬بۆیە واچاكە رایگشتی‮ ‬خەڵكی‮ ‬كوردستان و حزبە سیاسییەكانی‮ ‬كوردستانیش هەڵوێستیان هەبێت بەرووی‮ ‬ئەم خواستە نالۆجیكییانەی‮ ‬یەكێتی‮ ‬و هەروەها‮ ‬یەكێتیی‮ ‬نیشتمانیی‮ ‬كوردستانیش هەڵوێستێكی‮ ‬نیشتیمانپەروەرانە بنوێنێت و بەپێی‮ ‬پێودانگی‮ ‬مافگەری‮ ‬هەڵبژاردن‮ (‬استحقاق انتخابی‮) ‬هەموو لایەك حكوومەتی‮ ‬هەرێمی‮ ‬كوردستان پێكبهێنن و هەموو بە‮ ‬یەكەوە خزمەتی‮ ‬گەل و نیشتمان بكەن‮.‬