خه‌بات: هاوار مورتكەیی
ماهان رەمەزانی‮ ‬تەنها‮ ‬14 ساڵ تەمەنیەتی،‮ ‬كەچی‮ ‬لەنێو‮ ‬107 شەترەنجزاندا توانی‮ ‬نازناوی‮ ‬پاڵەوانێتی‮ ‬شەترەنجی‮ ‬كلاسیكی‮ ‬نێودەوڵەتی‮ ‬خانزاد بەدەست بهێنێت،‮ ‬خەونی‮ ‬گەورەشی‮ ‬بەدەستهێنانی‮ ‬بروانامەی‮ ‬گراند ماستەرە‮.‬
ماهان رەمەزانی‮ ‬لە ساڵی‮ ‬2004 لە شارۆچكەی‮ ‬ڕشت لە وڵاتی‮ ‬ئێران لەدایك بووە،‮ ‬لەكاتی‮ ‬بەشداری‮ ‬كردنی‮ ‬لە پاڵەوانێتی‮ ‬كلاسیكی‮ ‬خانزاد بەدەرفەتمان زانی‮ ‬دیمانەیەكی‮ ‬لەگەڵ ئەنجام بدەین،‮ ‬بۆ ئەنجامدانی‮ ‬ئەم دیمانەیەش بەڕێز كاوە خەلیلی‮ ‬ناوبژیوانی‮ ‬نیودەولەتی‮ ‬هاوكارمان لە كاری‮ ‬وەرگێرانی‮ ‬زمانی‮ ‬فارسی‮.‬

ماهان كە لە‮ ‬یانەی‮ ‬هومابون لە خولی‮ ‬گەیلان‮ ‬یاری‮ ‬دەكات سەبارەت بە دەستپێكی‮ ‬خۆشەویستی‮ ‬خۆی‮ ‬بۆ‮ ‬یاری‮ ‬شەترەنج گوتی‮: ‬لەسەرەتادا هەموو وەرزشەكانم دەكرد،‮ ‬بەڵام هیچیكیان بەقەد شەترەنج نەكەوتە بەردڵم،‮ ‬هەستم دەكرد لەگەڵ شەترەنج ئاسوودەم،‮ ‬كە شەترەنجیش دەكەم تێدەگەم لەوەی‮ ‬كە ژیان بردنەوە و دۆڕاندنی‮ ‬تیدایە،‮ ‬شەترەنج زۆر گەورەیە،‮ ‬ناتوانم چۆن وەسفی‮ ‬بكەم،‮ ‬مرۆڤ تا شەترەنج نەكات لەمانا گەورەكەی‮ ‬ناگات‮.‬

ماهان رەمەزانی‮ ‬شەترەنجزانی‮ ‬تازەپێگەیشتوو كە خاوەنی‮ ‬ریتینگی‮ ‬1950ی‮ ‬یەكێتی‮ ‬نێودەوڵەتی‮ ‬شەترەنجە‮ ‬ئەم ژمارەیەش بۆ ئەم تەمەنە زۆر بەرزە‮ ‬زیاتر دەڵێت‮: ‬شەترەنجم زۆر خۆش دەوێت،‮ ‬لەهەر شوێنێك پاڵەوانێتی‮ ‬هەبێت بەپێی‮ ‬توانا دەچم و بەشداری‮ ‬تێدا دەكەم،‮ ‬پێشتریش لە پاڵەوانێتییەكانی‮ ‬وڵاتانی‮ ‬گورجستان و تایلاند بەشداریم كردووە،‮ ‬ئەمجارەش لە كوردستان،‮ ‬ساڵی‮ ‬رابردوو‮ ‬2017 لە سەر ئاستی‮ ‬وڵاتی‮ ‬ئێران بۆ خوار تەمەنی‮ ‬14 ساڵ توانیم پلەی‮ ‬یەكەم بەدەست بهێنم،‮ ‬ئەمساڵیش لە پاڵەوانێتی‮ ‬ئاسیا بەشداریم كرد و توانیم پلەی‮ ‬سێیەم بەدەست بهێنم،‮ ‬خەونی‮ ‬گەورەشم بەدەستهێنانی‮ ‬نازناوی‮ ‬گراندماستەرە‮.‬

دواجار ئەو شەترەنجزانەی‮ ‬ئێران لەبارەی‮ ‬سەردانەكەی‮ ‬بۆ هەولێر گوتی‮: ‬مامۆستا كاوە خەلیلی‮ ‬لەبارەی‮ ‬ئەو پاڵەوانێتییەی‮ ‬یانەی‮ ‬خانزاد ئاگاداری‮ ‬كردمەوە،‮ ‬باوكیشم رازی‮ ‬بوو‮ ‬یاوەری‮ ‬بكەم و بەشداری‮ ‬بكەم،‮ ‬خۆشبەختانە ئەو دەرفەتەم پی‮ ‬بڕا كە‮ ‬یەكێك بم لە شەترەنجزانە بەشداربووەكانی‮ ‬دوانزەهەمین پاڵەوانێتی‮ ‬شەترەنجی‮ ‬كلاسیكی‮ ‬خانزاد،‮ ‬لەوەش خۆشتر توانیم پلەی‮ ‬یەكەم و نازاناوی‮ ‬پاڵەوانێتییەكە بەدەست بهێنم،‮ ‬شەترەنجزانەكانی‮ ‬ئێرە باش بوون،‮ ‬زۆربەیانم خۆش دەوێن،‮ ‬خەڵكی‮ ‬باشن،‮ ‬زۆر حەزەكەم چەند جارێكی‮ ‬تر بێمەوە كوردستان و بەشداری‮ ‬ئەو پاڵەوانێتییانە بكەم،‮ ‬لە كۆتاییدا بەپێویستی‮ ‬دەزانم زۆر سوپاسی‮ ‬دایك و باوكم و راهێنەرەكەم بكەم كە بەردەوام پاڵپشتم و هاندەرمن‮.‬