كتێبەكانی بیرمەند و نووسەری گەورەی تورك ئیسماعیل بێشكچی، كە دەربارەی دۆزی كورد نووسیونی و بە هۆی ئەو كتێبانەیەوە چەند ساڵێكی لە زیندان بەسەربردووە، وەردەگێڕدرێنە سەر زمانی كوردی و چاپ دەكرێن.
چەند رۆژێك بیرمەند و نووسەری گەورەی تورك ئیسماعیل بێشكچی لە كوردستان بوو، لە یەكێك لەسەردانەكان، لە لایەن بەڕێز مەسرور بارزانی پێشوازیی لێكرا، ئیبراهیم گوربوز كە نڤیسكارە و لە وەقفی ئیسماعیل بێشكچی كار دەكات بە خەبات ی راگەیاند: لەو دانیشتنەدا بەڕێز مەسرور بارزانی بڕیاریدا كتێیبەكانی ئیسماعیل بێشكچی بكرێنە كوردی كرمانجی خواروو-سۆرانی و چاپ بكرێن.
كتێبەكانی بیرمەند و نووسەری گەورەی تورك ئیسماعیل بێشكچی، كە دەربارەی دۆزی كورد نووسیونی و بە هۆی ئەو كتێبانەیەوە چەند ساڵێكی لە زیندان بەسەربردووە، وەردەگێڕدرێنە سەر زمانی كوردی و چاپ دەكرێن.
چەند رۆژێك بیرمەند و نووسەری گەورەی تورك ئیسماعیل بێشكچی لە كوردستان بوو، لە یەكێك لەسەردانەكان، لە لایەن بەڕێز مەسرور بارزانی پێشوازیی لێكرا، ئیبراهیم گوربوز كە نڤیسكارە و لە وەقفی ئیسماعیل بێشكچی كار دەكات بە خەبات ی راگەیاند: لەو دانیشتنەدا بەڕێز مەسرور بارزانی بڕیاریدا كتێیبەكانی ئیسماعیل بێشكچی بكرێنە كوردی كرمانجی خواروو-سۆرانی و چاپ بكرێن.
لەبارەی ژمارەی كتێبەكانی بێشكچییەوە گوتی: تا ئێستا 45 كتێبی چاپكردووە، پێشتر كتێبەكانی بەهۆی ئەوەی قەدەغەكرابوون، بواری چاپكردنیان نەبوو، بەڵام دوای دامەزراندنی وەقفی ئیسماعیل بێشكچی كتێبەكان چاپكران. ساڵی 2013 پاش ئەوەی بێشكچی بۆ یەكەم جار سەردانی كوردستانی كرد، ژمارەیەك لە كتێبی لەسەر ئەركی بەڕێز نێچیرڤان بارزانی چاپكران.
بێشكچی 17 ساڵ و نیو لەسەر دۆزی كورد لە توركیا گیراوە
لەبارەی ژیان و هەڵوێست و كارەكانی ئیسماعیل بێشكچی گوتی: ئیسماعیل بێشكچی لە كانوونی دووەمی 1939 لە دایكبووە، ماوەی 17 ساڵ و نیو لەسەر دۆزی كورد لە توركیا گیراوە، لەو ماوەیەی زیندان، حەوت 7 ساڵ بەسەریەكەوە زیندانی كراوە، ماوەی دیكەی زیندان كە 12 ساڵ و نیوە بە شێوەی پچڕ پچڕ بووە، ساڵی 2012 وەقفی ئیسماعیل بێشكچی لە ئیستەنبوڵ دامەزراوە، ئامانجی ئەو وقفە خزمەتكردن و بڵاوكردنەوەی هزری بێشكچییە، وەقفی بێشكچی جگە لە چاپكردنەوەی سەرجەم كتێبەكانی بێشكچی، كە زۆربەیان كاتی خۆی قەدەغەكرابوون لە توركیا دووبارە چاپكرانەوە، هەروەها 15 كتێبی كراونەتە كوردی پیتی لاتینی، ئەو وەقفە سەدان سمینار و كۆڕ و كۆنفڕانسی لە ئەوروپا و ئوسترالیا و توركیا و هەرێمی كوردستان ئەنجام داون، بارەگای سەرەكیی وەقفی بێشكچی لە ئیستەنبوڵە، لە دیاربەكر و هەولێر ئۆفیسیان هەیە، هەروەها زانكۆی دهۆك لە ساڵی 2016 سەنتەرێكی لێكۆڵینەوەی دامەزراند و تا ئێستا 8 كتێبی بێشكچی كراونەتە كوردی كرمانجی بە پیتی عەرەبی و 7 كتێبیشان كردۆتە عەرەبی.
فۆتۆ: رانیاد دڵشاد
