سوورە مەرگەیی
ئەگەر خوێندنەوەیەكی‮ ‬مێژوویی‮ ‬بۆ پرسی‮ ‬كورد و رێگاكانی‮ ‬چارەسەر كردنی‮ ‬بكەین،‮ ‬هیچ گومانێك لەسەر ئەو راستییە نامێنێ كە لەو رۆژەوەی‮ ‬كوردستان وەك نیشتیمانی‮ ‬كورد داگیر و بەش بەش كراوە،‮ ‬داگیركاران هەوڵیانداوە ناسنامەی‮ ‬نەتەوەیی‮ ‬بوون لە شۆڕش و راپەڕینەكانی‮ ‬بستێنن و بەرگی‮ ‬ساختەی‮ ‬ئایدۆلۆژی‮ ‬بەبەردا بكەن،‮ ‬بەوەش هەركاتێ مەبەستیان بووبێ توانیویانە لە رێگای‮ ‬كەسانی‮ ‬بەرژەوەندی‮ ‬پەرست پرسی‮ ‬كورد لە رێڕەی‮ ‬خۆی‮ ‬لابدەن و خیانەتكار و وڵاتفرۆشان بكەنە بەشێك لە هێزی‮ ‬سیاسی‮ ‬و سەربازی‮ ‬خۆیان‮.‬

مێژووی‮ ‬دوورو نزیكی‮ ‬ئێمەی‮ ‬كوردی‮ ‬چەوساوەو خاك داگیركراو و تورك و فارس و عەرەبی‮ ‬چەوسێنەرو داگیركار،‮ ‬دەری‮ ‬دەخەن كە كورد لە هەر بەشێكی‮ ‬كوردستان و لە هەر كاتیكدا باسی‮ ‬لە ماف و ئازادیە نەتەوەییەكانی‮ ‬خۆی‮ ‬كردبێ،‮ ‬ئەوا بەشێك لە كوردە توندڕەوە ماركسیەكانی‮ ‬ئەو وڵاتە داگیركارە بوونە دەهۆڵ كوتی‮ ‬داگیركاران و تۆمەتی‮ ‬كۆنەپەرست و بەكرێگیراوی‮ ‬ئیمپریالیزمیان داوەتە پاڵ سەربەخۆخوازانی‮ ‬كورد،‮ ‬ئیسلامیەكانیش تۆمەتی‮ ‬گومڕا بوون و دەرچوون لە دینیان داونە پاڵ و بە ئیسرائیلی‮ ‬دووم ناویان بردوون،‮ ‬ئیسلامیە سیاسیەكان بەوەشەوە نەوەستاون و بە‮ (‬اللە اكبر‮)‬ی‮ ‬سیاسی‮ ‬كەوتوونە چاوبەستنی‮ ‬خەڵكی‮ ‬ساویلكە و كوشتنی‮ ‬سەربەخۆخوازانیان بە رەوا زانیوە و بەناوی‮ ‬برای‮ ‬دینی‮ ‬داگیركارانیان كردوونە فریادڕەس و بە كەنیزە كردنی‮ ‬ژن و كچی‮ ‬كوردیشیان بۆ حەڵاڵ كردوون‮.‬

بە درێژایی‮ ‬مێژوو كورد لە باكوور و باشوور و رۆژهەڵات و رۆژئاوا لەسەر كوردبوون كوژراوە و هەوڵی‮ ‬لەناوبردنی‮ ‬دەراوە،‮ ‬كوردی‮ ‬ئەوەندە دەبەنگ و نەزانیشمان هەن،‮ ‬یان راستتر بڵێم كوردی‮ ‬ئەوەندە خیانەتكار و وڵاتفرۆشمان هەن بە ناوی‮ ‬سۆشیالیزم دەبنە بەشێك لە دوژمن و داوا كردنی‮ ‬مافی‮ ‬نەتەوەیی‮ ‬بوون بە نەتەوەپەرست و سەربەخۆیی‮ ‬كوردستان بە ئێكسپایەر و ماوە بەسەچوو ناو دەبەن،‮ ‬لەوەش خراپتر گرووپگەلی‮ ‬وامان هەن دەبنە پارێزەری‮ ‬یەكپارچەیی‮ ‬وڵاتانی‮ ‬داگیركار و وەك ئەوەی‮ ‬لە‮ ‬16ی‮ ‬ئۆكتۆبەر روویدا،‮ ‬بە خیانەت و وڵاتفرۆشی‮ ‬وەڵامی‮ ‬خواستی‮ ‬سەربەخۆیی‮ ‬دەدەنەوە و رێگای‮ ‬دەرچوون لە نەهامەتی‮ ‬و كارەساتە نەتەوەییەكانی‮ ‬سەر گەلەكەی‮ ‬خۆیان دەگرن‮.‬

ئەرێ بەڕاست تورك و فارس و عەرەب كێشەی‮ ‬چینایەتی‮ ‬و جیاوازی‮ ‬دینییان لەگەڵ كورد هەیە،‮ ‬یان كێشەی‮ ‬كوردبوون و جیاوازی‮ ‬زمان و خاك و فەرهەنگ و مێژوو؟ رووی‮ ‬ئەو پرسیارەم لە تورك و فارس و عەرەب نییە،‮ ‬رووی‮ ‬ئەو پرسیارەم لەو دەستە و گرووپە كوردیانەیە كە روویان لە كوردبوون وەرگێڕاوە و بەناوی‮ ‬برایەتی‮ ‬و هاوچارەنووسی‮ ‬ئایدۆلۆژیا كورد دەبەنەوە ژێر تیخی‮ ‬داگیركاری‮ ‬تورك و فارس و عەرەب‮.‬

لە كۆتایی‮ ‬ئەو باسەدا بەو دەستە و گرووپە كوردیانە دەڵێم‮: ‬فەرموون بگەڕێنەوە بۆ مێژوو،‮ ‬ئەوە مێژووە پێمان دەڵێ‮: ‬كوردبوون و رەتكردنەوەی‮ ‬ژێردەستەیی‮ ‬و داوا كردنی‮ ‬مافە نەتەوەییەكان،‮ ‬زۆرترین جار توركێكی‮ ‬عەلمانی‮ ‬و فارسێكی‮ ‬مەزهەبخواز و عەرەبێكی‮ ‬شۆڤێنی‮ ‬لەسەر مێزی‮ ‬پیلانگێڕی‮ ‬دژ بە كورد كۆكردوونەوە،‮ ‬جا ئەگەر كوردبوون لای‮ ‬ئەوان تاوان بێ،‮ ‬ئەی‮ ‬بۆچی‮ ‬ئێوە ناگەڕێنەوە بۆ سەنگەری‮ ‬كوردایەتی؟‮! ‬خۆ هەرچی‮ ‬بكەن دوژمن وەك كورد سەیرتان دەكا و تا ئەو كاتە ئێوەی‮ ‬دەوێ كە شەڕی‮ ‬شۆڕشگێڕ‮ ‬و وڵات پەروەرانتان پێبكات،‮ ‬مێژووی‮ ‬خەباتی‮ ‬گەلانی‮ ‬بندەستیش سەلماندوویەتی‮ ‬كە خائین و خۆفرۆشان لە هەموو حاڵەتێكدا دۆڕاون،‮ ‬ئەگەر گەلانی‮ ‬بندەست سەركەون ئەوا ئەوان بە ریسوایی‮ ‬دێنەوە بەر لیقای‮ ‬گەل،‮ ‬خۆ ئەگەر داگیركاران سەركەون ئیشیان بە وڵاتفرۆشان نامێنێ و بەرەڵا دەكرێن،‮ ‬هەر وەكو مامۆستا هەژار دەڵێ‮.
جەحشی‮ ‬وەحشی‮ ‬بووی
لە تاوی‮ ‬پارە بیرناكەیتەوە
جەنگی‮ ‬كوردستان نەمێنێ جاش بەلاش دەخولێتەوە