فاتیح عەبدولسەلام
ئاماژەیەكی بچووك لە بارەی نیازی سەرۆكی ئەمەریكا دۆناڵدۆ ترەمپ، بۆ سەردانیكردنی هێزەكانی لە عێراق و ئەفغانستان دەرچوو، كە هیوا بەخشبوو، بۆ ئەوەی ترەمپ جارێكی دیكە باسی عێراق بكات، ئەگەر لە تویتێك، یان وتارێك، یان لێدوانێكیشدا بێت، كە هێما بێت بۆ ئەو سیاسەتەی لە عێراق پیادەی دەكات، ئەوەی چەندین جار قسە و دروشمی زۆری لەبارەوە كراوە، دوای چەند مانگێك لە بێدەنگی. لەلایەكی دیكەوە، نێردەی رووسیا بۆ بەغدا، بە ئاراستەی رێگە خۆشكردن بۆ سەردانی پوتین بۆ عێراق بوو، كە رەنگە لە ماوەیەكی كورتدا یەكلایی ببێتەوە، نەخاسمە رووسییەكان، ئەوانەی لەنێو سووریای هاوتخوبی عێراق، زۆر بە ئازادی هەڵسوكەوت دەكەن، ناتوانن چاو لە دەسەڵات لە بەغدا بپۆشن، كە دەزانن چەند لە ئێرانەوە نزیكە، كە لە هەمان یاریگەی رووسیا لە سووریا، هێزی خۆی نمایش دەكات.
چی وای كردووە، وێنەی ئەمەریكا لە عێراق كاڵ بێتەوە، نەخاسمە دوای رزگاربوونی وڵات لە بن دەستی رێكخراوی تیرۆریستی داعش، دەستی ئەمەریكا وەكو دەستی ئێران، لە چێشتخانەكانی سیاسیەت لەدوای هەڵبژاردنەكان، یان ئەوەی پێشووش دیار نییە؟ چی روو دەدات، ئەگەر رووسیا بەهێزەوە بێتە سەر هێڵی عێراق، بەهاندانی ئێران، كە هەست بە فشاری سزاكانی ئەمەریكا دەكات، بەتایبەتی لە بواری وزەدا.
لەلایەكی دیكەوە، ئەو عێراقە هەیە، كە دەبێت قسەی خۆی هەبێت، دوور لە درووستكراوەكانی بەكاربەری سیاسیی، بەوەی نابێتە بەشێك لە تەورەكانی هەرێمایەتی و نێودەوڵەتی، ئەو شتەش لە رووی ژینوار و كردارییەوە، لە راستییەوە نزیكە، بەڵام لەوە گرنگتر ئەوەیە، مەسەلەكە بە تاقیكردنەوەیەكی ئاسوودە بۆ عێراق دانانرێت، كە هێشتا بە شێوەیەكی رێك دەوڵەتی خۆی دیاری نەكردووە، بۆیە پێویستی بە هەمووان هەیە، ئەوانی هەرێمایەتی و ئەوانی نێودەوڵەتیش، دوای ئەوەی ماوەیەكی زۆر، لەبەرچاوی جیهان و دراوسێیەكان، لە زۆنگاوی سیاسەتی ناوخۆیی نغرۆ ببوو، كە هەندێكیان خوێناویش بوون. عێراق هیچی بۆ خۆی درووست نەكرد، تاكو لەو رۆژە بیپارێزێت، كە وەكو لاوازترین لایەن دێتە پێش چاو، ئەوەی ناتوانێت دوور لە كاریگەرییەكانی دەرەكی هەڵسوكەوت بكات.
و: رەمزی میرەكانی
سەرچاوە www. azzaman. com
