خه‌بات: سابیر
زۆرێك لەوانەی‮ ‬ئەمرۆ لە تاراوگەن،‮ ‬پەرۆشترن لەوانەی‮ ‬لە زێدی‮ ‬خۆیانن‮ ‬و خەمی‮ ‬پرسە نەتەوەییەكانیان لە ئەستۆ گرتووە‮. ‬ئەوەتا لە وڵاتی‮ ‬دانیمارك و وڵاتانی‮ ‬دیكەی‮ ‬ئەوروپا،‮ ‬ئافرەتانی‮ ‬پارتی‮ ‬دیموكراتی‮ ‬كوردستان،‮ ‬سەبارەت بەدانان و بەرنامە رێژی‮ ‬سازدانی‮ ‬رێو رەسم و ئاهەنگگێران بۆ‮ ‬هەڵكردنی‮ ‬ئاڵای‮ ‬پڕ‮ ‬شكۆی‮ ‬كوردستان‮. ‬كۆبونەوە و دانیشتن ساز دەدەن‮. ‬لەم بارەوە‮ ‬ناسكە خان كە‮ ‬یەكێكە لە رێكخرانی‮ ‬ئەم كۆبوونەوەیەو چالاكە لەبواری‮ ‬فیمینیستی‮ ‬دەربارەی‮ ‬ئەم ئامادەكارییە بۆ رۆژنامەی‮ ‬خەبات رایگەیاند‮: ‬كەوا پێشەكی‮ ‬دەبێت ئەوە بڵێین كە مەسەلەی‮ ‬یادكردنەوەی‮ ‬هەڵكردنی‮ ‬ئاڵای‮ ‬كوردستان وەكو مەسەلەیەك كەمتر پەیوەندی‮ ‬بەوەوە هەیە،‮ ‬كە كێ ئەو‮ ‬یادە زیندوو دەكاتەوەو داوای‮ ‬ئەو چالاكییانە دەكات،‮ ‬چونكە ئاڵا پرسێكی‮ ‬نەتەوەییەو پەیوەندی‮ ‬بە هەموو كوردێكەوە هەیە‮. ‬لەم روانگەوە پارتی‮ ‬دیموكراتی‮ ‬كوردستانیش خۆی‮ ‬بە پارێزەری‮ ‬مافە نەتەوەییەكانی‮ ‬كوردستان دەزانێت بۆیە ئەمرۆ ئەو پرسە نەتەوەییە وەك ئەمانەتە لە ناوخۆو دەرەوە دوروژێنێ‮. ‬ناسكە خان دووپاتیدەكاتەوە كە پێویستە ئافرەتانی‮ ‬كورد لە تاراوگە و ناوخۆی‮ ‬وڵاتدا كارێك بكەن دوژمنانی‮ ‬كورد زەلیل بكەن و بەرووی‮ ‬داگیر كەران فێری‮ ‬نا گوتن بن،‮ ‬فێری‮ ‬سەركەشی‮ ‬بن،‮ ‬فێر بن،‮ ‬كە پرسی‮ ‬نەتەوەیی‮ ‬عیبارەتە لەشەرەف و كەرامەت،‮ ‬ئاڵاش شوناشی‮ ‬نەتەوەیەكی‮ ‬مەزلومی‮ ‬وەك كوردە،‮ ‬بۆیە پێویست دەكات ئەو رۆژە وەك دەرفەتێك بقۆزێتەوە بۆ رێكخستنەوەی‮ ‬نێو ماڵی‮ ‬كورد‮.‬