خەبات‮- ‬مەریوان نەقشبەندی
كونسوڵی‮ ‬گشتی‮ ‬میسر لەهەرێمی‮ ‬كوردستان خۆشحاڵی‮ ‬بۆ هشەنگاوەكانی‮ ‬حكوومەتی‮ ‬هەرێم لە رووبەڕووبوونەوەی‮ ‬فكری‮ ‬توندڕۆیی‮ ‬و ئازایەتی‮ ‬پێشمەرگە لە بەزاندنی‮ ‬تیرۆرستانی‮ ‬داعش دەربڕی‮ ‬و گوتی‮: ‬خەڵكی‮ ‬میسر و خەڵكی‮ ‬كوردستان رووبەڕووی‮ ‬تیرۆر و توندڕۆیی‮ ‬بوونەتەوە و هەردووكمان ئامانجمانە هەماهەنگی‮ ‬و هاوكاری‮ ‬یەكتر بكەین بۆ رووبەڕووبوونەوەی‮ ‬تیرۆرست و توندڕۆكان‮. ‬
كامل محەمەد ئەلئەباسیری‮ ‬كونسوڵی‮ ‬گشتی‮ ‬نوێی‮ ‬كۆماری‮ ‬میسر لە لێدوانێكدا بۆ رۆژنامەی‮ ‬خەبات باسی‮ ‬لەپەیوەندی‮ ‬مێژوویی‮ ‬گەلی‮ ‬كورد و گەلی‮ ‬میسر كرد و گوتی‮ ‬بەهەموو توانایەك كاردەكەین بۆ بەردەوامبوون و پەرەپێدانی‮ ‬پەیوەندییەكانمان بەتایبەتیش لەبواری‮ ‬رۆشنبیری‮ ‬و كولتووری‮ ‬و زانستی‮ ‬ئیسلامی‮. ‬
كونسوڵی‮ ‬گشتی‮ ‬میسر هەروەها گوتی‮: ‬ئارامیی‮ ‬و ئاسایشی‮ ‬كوردستان نیشانەی‮ ‬ئازایەتی‮ ‬و توانای‮ ‬حكوومەتی‮ ‬هەرێم و لایەنە ئەمنی‮ ‬و سەربازی‮ ‬و رۆشنبیرییەكانی‮ ‬ئەم هەرێمەیە كە پێكەوە بەپشتیوانی‮ ‬خەڵك رووبەڕووی‮ ‬تیرۆر و توندوتیژی‮ ‬بوونەتەوە و ئێمەش لەمیسر بەهەمان شێوە هەڵمەتێكی‮ ‬گەورەی‮ ‬چاكسازی‮ ‬ئاینیمان دەستپێكردوە و بە رێنمایی‮ ‬راستەوخۆی‮ ‬سەرۆك عەبدولفەتاح سیسی‮ ‬و مەشیەخەی‮ ‬ئەزهەر و موفتی‮ ‬وڵات پلانی‮ ‬هۆشیاركردنەوەی‮ ‬خەڵك لە مەترسیەكانی‮ ‬تیرۆر و توندڕۆیی‮ ‬جێبەجێ دەكرێت‮. ‬
كونسوڵی‮ ‬میسر هەروەها خۆشحاڵی‮ ‬بۆ پێكەوەژیانی‮ ‬ئاشتیانەی‮ ‬نێوان پێكهاتەكانی‮ ‬هەرێمی‮ ‬كوردستان خستەڕوو و گوتیشی‮: ‬هیوادارم هەموو خەڵكی‮ ‬ناوچەكە چاو لەم پێكەوەژیانە ئاشتیانەی‮ ‬هەرێمی‮ ‬كوردستان بكات‮. ‬