خه‌بات: د.كەیفی‮ ‬ئەحمەد‮-‬ كۆیە
لەنێو هەموو‮ ‬كۆمەڵ و نەتەوەیەكدا كەسانێك هەڵدەكەون كە وەكو مۆم دەسوتێن و هەمیشە لەكار و چالاكیی‮ ‬و جموجۆڵی‮ ‬بێوچاندان،‮ ‬بێگومان ئەو جووڵە هەمیشەییەشیان لەپێناو‮ ‬كاری‮ ‬نەتەوەیی‮ ‬و نیشتمانیی‮ ‬و بەرزكردنەوەی‮ ‬ناو و ناوبانگی‮ ‬وڵاتەكەیاندایە،‮ ‬كاری‮ ‬ئەدەبیی‮ ‬و هونەریش دەچێتە ئەو چوارچێوەیەوە،‮ ‬كە خاوەنەكانیان بە تاك و بەكۆ لەپێناو ناساندن و بەزندوو هێشتنەوەی‮ ‬كلتوور و هونەر و ئەدەبیی‮ ‬نەتەوەكەیان‮ ‬لە كار و شەونخونیدان،‮ ‬هونەرمەندە ئازیزەكانی‮ ‬كەركووك بەگشتی‮ ‬و هونەرمەندانی‮ ‬تیپی‮ ‬شانۆی‮ ‬هەواریش بەتایبەتی‮ ‬دەچنە نێو ئەو پێناسە و چوارچێوەیەوە،‮ ‬كە چەندین ساڵە هەنگ ئاسا لەكاری‮ ‬بەردەوامدان و خزمەتی‮ ‬هونەری‮ ‬كوردیی‮ ‬لە شارەكەیان و لە كوردستان دەكەن،‮ ‬توانیویانە دەنگ و رەنگی‮ ‬نەتەوە كەیان بە نەتەوە و خەڵكی‮ ‬دیكە بناسێنن،دوا هەوڵ و كاری‮ ‬لەم شێوەیەشیان،‮ ‬بەشداریكردنیان بوو لە فستیڤاڵێكی‮ ‬شانۆیی‮ ‬نێودەوڵەتی‮ ‬خولی‮ ‬25 لە عەممانی‮ ‬پایتەختی‮ ‬ئوردن بە شانۆیی‮ ‬كورسییەكان‮‬،‮ ‬لەوێ بەپێی‮ ‬هەواڵەكان و قسەی‮ ‬رەخنەگرانی‮ ‬ئامادەبوو و نووسینی‮ ‬رۆژنامە و گۆڤارەكانی‮ ‬ئەو وڵاتە،كارێكی‮ ‬جوان و ناوازە و تایبەتیان پێشكەش كردووە،‮ ‬كە جێی‮ ‬شانازی‮ ‬هەموو نەتەوەكەمانن،‮ ‬بۆیە لێرە دا و بەو بۆنەیەوە جێی‮ ‬خۆیەتی‮ ‬جوانترین پیرۆزبایی‮ ‬لە گشت هونەرمەندانی‮ ‬كەركوك بەگشتی‮ ‬و ئەندامانی‮ ‬تیپی‮ ‬شانۆی‮ ‬هەوار بەتایبەتی‮ ‬و مامۆستا‮ ‬عەزیز عومەر‮‬ی‮ ‬سینارستی‮ ‬بەرهەمەكە و دەرهێنەری‮ ‬بەتوانا و لێهاتووی‮ ‬كارەكە‮ ‬نەژاد نەجم‮ ‬و ئەكتەرە بەشدارەكانی‮ ‬كارەكە‮ ‬هونەر شەوقی‮ ‬و هەوار فارس و دارا عیزەدین و شاڵاو عەلی‮ ‬و سەرپەرشتیار‮ ‬سۆران بابان‮ ‬و بەرێوەبەری‮ ‬شانۆ‮ ‬مەهدی‮ ‬جەبار‮ ‬بكەین‮. ‬چەپكە گوڵی‮ ‬رێز و خۆشەویستی‮ ‬و وەفادارییان پێشكەش بكەین‮. ‬پێیان بڵێین هەموو مان سەرمان پێتان بڵندە و شانازیتان پێدەكەین، كە هونەرمەندی‮ ‬وەكو ئێوەی‮ ‬داهێنەر و جوانمان هەن، هیوای‮ ‬كاری‮ ‬جوانتر و نایابترتان بۆ دەخوازین‮.‬،ئێوە نوێنەری‮ ‬كوردستان وكوردن نەك شارەكە و خۆتان‮.‬