غیاس خالد زێباری‮ ‬
هەرچەندە هێشتا پەرلەمانێ نوو‮ ‬یێ كوردستانێ كەسێ مەزنترین لیستا پەرلەمانی‮ ‬بۆ پێك ئینانا كابینا نوو‮ ‬یا حكومەتا هەرێما كوردستانێ نە راسپاردی‮ ‬یە،‮ ‬لێ پارتی‮ ‬دیموكراتی‮ ‬كوردستان وەك مەزنترین لیست دووبارە نێچیرڤان بارزانی‮ ‬دەستنیشان كریە بۆ پێكئینانا كابینا داهاتی،‮ ‬كەسێ راسپارتی‮ ‬بۆ ئێكئینانا حكومەتێ ژی‮ ‬هێشتا دەست ب سەرەدانا لیست و قەوارەیێن سەركەفتی‮ ‬نەكریە،‮ ‬لێ شاندا پارتی‮ ‬دیموكراتی‮ ‬كوردستان وەك رێكخۆشكرن بۆ سەرەدانێن نێچیرڤان بارزانی‮ ‬بۆ وان لایەنا دەست ب سەرەدان و كۆمبوونا كریە و هێشتا زەلال نەبوویە كی‮ ‬حزب دێ پشكداری‮ ‬حكومەتێ كەت و كی‮ ‬دێ بیتە ئۆپۆزسیۆن‮.
‬
لێ گاڤێن نێچیرڤان بارزانی‮ ‬یێن دووماهیا ژیێ كابینا نها دیاردكەن كۆ كابینا داهاتی‮ ‬دسەرۆكایەتیا وی‮ ‬دا دێ كابینا بهێزكرنا كوردستانێ بیت كۆ درۆشمێ پارتی‮ ‬دیموكراتی‮ ‬كوردستانە،‮ ‬بتایبەت لسەر ئاستێ پەیوەندیێن دگەل عیراقێ و بنبڕكرنا ئاریشە و ناكۆكیێن دناڤبەرا هەردوو ئالیان،‮ ‬نەخاسمە ژلایێ ئابووری‮ ‬و پرسێن نەفت و گازێ،‮ ‬دووبارە فرۆتنا نەفتا كەركووكێ د رێكا بۆریێن هەرێما كوردستانێ و توركیا و بەردەوامیا دابەشكرنا مۆچێ فەرمانبەرا و دەسپێكرنەكا پرۆژێن خزمەتگۆزاری‮. ‬ئەڤە ئاماژەنە كۆ بریارا پارتی‮ ‬بۆ دووبارە دەستنیشانكرنەڤا نێچیرڤان بارزانی‮ ‬بۆ پێكئینانا كابینا داهاتی‮ ‬بریارەكا دجهێ خودایە و پارتی‮ ‬بسەرۆكایەتیكرنا حكومەتا نوو دێ دیرۆكەكا نوو‮ ‬یا پڕ‮ ‬سەروەری‮ ‬تۆماركەت لسەر ئاستێن جودا جودا،‮ ‬كابینا نوو دێ بیتە كابینا بەختەوەریا خەلكێ كوردستانێ و گەشەبوونا ئابووری‮ ‬و دارایی‮ ‬و پاراستن و بهێزكرنا دەسكەقتێن نەتەوی‮ ‬و نیشتمانی‮ ‬و ب سازیتركرنا حكومەتا هەرێمێ و سەروەریا‮ ‬یاسایێ و پاراستنا پرنسیپێن دیموكراسی‮ ‬و مافێ مرۆڤ‮. ‬

ژبەركۆ حكومەتا داهاتی‮ ‬یا بڤی‮ ‬رەنگی‮ ‬ژبوو ب هێزكرنا كوردستانێیە و دێ بیتە جهێ رەزامەندی‮ ‬و پشتەڤانیا پڕانیا خەلكێ كوردستانێ،‮ ‬رۆلێ ئۆپۆزسیۆنێ دێ لاواز بیت،‮ ‬ئەو حزبێن بەرەیێ ئۆپۆزسیۆنێ هەلدبژێن نەشێن جادێ دژی‮ ‬حكومەتێ بكاربینن‮.
‬
هەرچەندە رۆلێ ئۆپۆزسیۆنێ زۆر ل رۆلێ دەسهەلاتێ كێمتر نییە بۆ بەرژەوەندێن گشتی،‮ ‬لێ لدەمێن بووری‮ ‬حزبێن ئۆپۆزسیۆن،‮ ‬ئۆپۆزسیۆن بوونا خۆ بۆ بەرژەوەندێن سیاسی‮ ‬بكاردئینا و لجێ رەنكێن ئاڤاكەر بگرن و بەرامبەر داخازیێن خەلكێ رێكێن‮ ‬یاسایی‮ ‬بگرنە بەر،‮ ‬درۆشمێن هەرفاندنا حكومەتێ بلند دكرن،‮ ‬ئەڤەژی‮ ‬بۆ دژایەتیا پارتی‮ ‬بوو،‮ ‬هەر وەكی‮ ‬بچەك و رەفتارێن دوور ل رەوشتێ ئۆپۆزسۆن بوونێ و جڤاكێ كوردستانێ هێرش دبرنە سەر بارەگایێن پارتی‮.
‬
ب دیتنا من نێچیرڤان بارزانی‮ ‬وەكی‮ ‬سەرۆكێ داهاتی‮ ‬ێن حكومەتا هەرێما كوردستانێ،‮ ‬ب پرۆژە گاڤێن پڕ‮ ‬خزمەت و كرداركرنا درۆشمێ پارتی‮ ‬بەرەڤ كوردستانەكا بهێز دێ مەزنترین ئاستەنگ و رێگری‮ ‬بەرامبەر ئۆپرسیۆنا كوردستانێ درۆست كەت‮.
‬
ئەز باوەرم پشكەكا ئالیێن سیاسی‮ ‬یێن ئۆپۆزسیۆن،‮ ‬مینا بەرێ دێ دژبەریا ڤان گاڤێن حكومەتێ كەن و هەول دەن روویێ گەشێ حكومەتا داهاتی‮ ‬بەرۆڤاژای‮ ‬بكەن‮ ‬،‮ ‬چونكی‮ ‬لسەر بنەمایێ دژبەریا پارتی‮ ‬دیموكراتی‮ ‬كوردستان پەروەردە بوونە و پێگەهشتی‮ ‬نە،‮ ‬ئەگەر پارتی‮ ‬كوردستانێ بكەتە پێشكەقتیترین وەلاتێ جیهانێ ڤان رەفتارێن خۆ بەرنادەن‮..! ‬چونكی‮ ‬بریار و راسپاردان لدەرڤەی‮ ‬هەرێما كوردستانێ وەردگرن،‮ ‬بۆ تێكدانا رەوشا كوردستانێ‮.‬

لێ ئەڤ پیلانێن وان سەرناگرن و جادا كوردستانێ دێ خزمەتێن حكومەتا هەرێما كوردستانێ بەرچاڤ وەرگریت،‮ ‬دێ شێین بێژین پلان و بەرنامێن هەمە لایەنە‮ ‬یێن حكومەتا هەرێما كوردستانێ بسەرۆكاتیا نێچیرڤان بارزانی‮ ‬بۆ خزمەتا كورد و كوردستانێ و بەرژەوەندێن گشتی،‮ ‬دێ روولێ ئۆپۆزسیۆنێ لاواز كەت و بۆ خەلكی‮ ‬ژی‮ ‬دیار بیت كۆ رەفتارێن وان‮ ‬یێن بەرێ دژی‮ ‬حكومەتا هەرێما كوردستانێ،‮ ‬نە بۆ خاترا چاڤێن خەلكێ كوردستانێ بوو،‮ ‬بەلكی‮ ‬بۆ بەرژەوەندێن تایبەت و حزبی‮ ‬و بەردەوامیا كەرب و كینێ بوو دژی‮ ‬پارتی،‮ ‬بن سیبەرا ئۆپۆزسۆنێ و سەردابرنا خەلكەكێ هەرزەكار ژلایێ تەمەنی‮ ‬و ئاستێ هشیاریا سیاسی‮ ‬و نەتەوی‮.‬